ॐ श्री साई वसंतसाईसाय नमः
सुविचार
" तुमची दैनंदिन कर्म, परमेश्वराला समर्पित केल्याच्या भावनेतून करून पवित्र बना."
प्रकरण आठ
प्रेमरूप भाव धारण करतात
स्वामी म्हणाले,
" हे तुझ्या आत्म्याचे गीत आहे. तुझ्या भावविश्वामधून माझे हे रूप कसे निर्माण झाले हे यातून निदर्शनास येते. तुला माहीत नाही की तू कोण आहेस. तुला असं वाटेल की मी तुझ्या अगोदर जन्मलो, परंतु तुझ्यामुळे माझा अवतार झाला आहे. आपण राधाकृष्ण असताना, अंतसमयी तू माझ्याकडे एक वर मागितला होतास तो म्हणजे मला जाणण्यासाठी, माझी अनुभूती घेण्यासाठी, तुला पुन्हा जन्म घ्यायचा होता. त्या वरदानामुळेच माझा जन्म आधी झाला आणि तू मागाहून आलीस. माझ्या अस्तित्वाच्या अनुभूतीचा आनंद घेण्यासाठी तू आली आहेस.
राधेच्या मनातील खोल ठसे हेच या सर्वांचे कारण आहे. राधेच्या व्याकूळ तळमळीतून साईंचे आनंदमय रूप भूतलावर निर्माण झाले. ह्या प्रेमानेच साईंचे रूप आणले. त्यांच्या देहाला राधेच्या व्याकूळ श्वासाचा सुगंध आहे. तिने ढाळलेल्या अश्रूंनी त्यांचे चरण कमल प्रदान केले. तिची हुरहूर आणि परमेश्वरासाठी ढाळलेले अश्रू ह्यांनी हे मोहक रूप पृथ्वीवर आणले.
ध्यान समाप्ती
उर्वरित प्रकरण पुढील भागात .....
जय साईराम
कोणत्याही टिप्पण्‍या नाहीत:
टिप्पणी पोस्ट करा