ॐ श्री साई वसंतसाईसाय नमः 

सुविचार 

       " दुसऱ्यांना आनंद देण्यासाठी तुम्ही काही केले नाही तरी हरकत नाही परंतु त्यांच्या आनंदावर विरजण घालू नका. "

११

विंचवाची गोष्ट 

         परमेश्वरासाठी जगण्यात खरा आनंद आहे. भौतिक जगात जराही आनंद नाही. भौतिक जीवनाची निवड केलीत तर तुम्हाला पुनः पुनः जन्म घ्यावा लागणार. हे सत्य जाणून तुमच्या मुलांना सांगा, ' लग्नाला नाही म्हणा. वैवाहिक जीवनात कोणालाही आनंद मिळत नाही. आमच्या दुःखांकडे पहा. ' 

           तरुण मुलांना जर लग्न किंवा भौतिक जीवन नको असेल, तर त्यांना आहेत तसेच वागू द्यावे. 

          एकदा एका चांगल्या भक्ताने ' आपटसंन्यास .....' वाचले आणि ती म्हणाली, ' मला हे हवे. माझ्यावर काहीतरी दुर्दैव कोसळावे, माझ्या कुटुंबाने मला इथे आणून सोडावे किंवा मी माझ्या कुटुंबासह इथे यावे. कृपाकरुन तुम्ही काहीतरी करा. 

          सर्वांना तिच्या भक्तीचे, निश्चयाने आणि धैर्याचे खूप नवल वाटले. तिला वाटत होते, काहीतरी जीवाशी बेतणारी घटना घडावी म्हणजे ती कौटुंबिक जीवनातून मुक्त होऊ शकेल. तिची मुले अजून बरीच लहान होती. 

         एखाद्याची अशी मनःस्थिती असणे पुरेसे आहे. मग मुक्ती मिळणारच. भावनेच्या भरात कोणी प्रतिज्ञा करू नये. परंतु ईश्वरप्राप्तीची खरी तृष्णा आणि इच्छा असावी. मग परमेश्वर कर्मकायदा नक्कीच बदलू शकेल.   

संदर्भ - सत्ययुग आणि कर्मकायदा 

उर्वरित प्रकरण पुढील भागात ..... 

जय साईराम