ॐ श्री साई वसंतसाईसाय नमः
श्री वसंतसाईंचा गुरुपौर्णिमा संदेश
मृत्युसमयी मनुष्य रिक्त हस्तांनी जग सोडून जातो तथापि त्याचे मन कार्मिक ओझ्यांनी ओतप्रत भरलेले असते त्यामुळे तो पुन्हा जन्म घेतो व भौतिक जीवन पुन्हा सुरु करतो स्वामी नेहमी म्हणतात, " कमी सामान, प्रवास अधिक सुखकारक बनतो." त्याचप्रमाणे आपली ही जीवनयात्रा सुखकारक, सुलभ बनवण्यासाठी आपण आपले कार्मिक ओझे कमी केले पाहिजे. हे सत्य सर्वांनी जाणून घ्यायला हवे केवळ ह्या कर्मामुळेच आपण सर्वजण जन्माला आलो आहोत. ह्या महामहिम परमेश्वराने ८४ वर्षे हेच शिकवले. तो केवळ लोकांना हयाचा बोध देण्यासाठी येथे आला. इतर युगांमध्ये जन्मलेल्या लोकांच्या तुलनेत, कलियुगातील लोकं अत्यंत भाग्यवान आहेत ! स्वामींनी आणि मी वैश्विक कर्म आपल्या अंगावर घेतली. एखादी सामान्य माता तिच्या मुलांचे कर्म घेऊ शकते का ? ही अशी गोष्ट आहे, जी कधीही घडली नाही. हे सत्य जाणून घ्या व मायेतून जागे व्हा. स्वामींच्या शिकवणीचा जीवनामध्ये अंगिकार करा. ' चांगले करा, चांगले पहा आणि चांगले बना ' हे स्वामींनी शिकवले. जेव्हा तुम्ही चांगले बनाल तेव्हा तुम्हाला सर्वत्र चांगुलपणा दिसेल. उदा. धर्मराज चांगला असल्यामुळे त्याला जगामध्ये केवळ चांगुलपणाच दिसला. प्रथम स्वतःमध्ये बदल घडवा आणि दुर्गुण काढून टाका. स्वतःला चांगले बनवा म्हणजे अखिल विश्वामध्ये चांगुलपणा भरून राहिल्याचे तुम्ही पाहाल. ' सर्वांवर प्रेम करा, सर्वांची सेवा करा ' हे स्वामींचे वचन तुम्ही आचरणात आणाल. सर्वांवर प्रेम केल्याने तुमचे कार्मिक ऋण कमी होईल.
संदर्भ - श्री वसंत साईंच्या ' साधनेचे वर्ष ' ह्या पुस्तकातून
जय साईराम
जय साईराम
कोणत्याही टिप्पण्‍या नाहीत:
टिप्पणी पोस्ट करा