ॐ श्री साई वसंतसाईसाय नमः 

सुविचार 

           " अज्ञानाचा बुरखा पांघरल्यामुळे आपण इतरांना आपल्यापासून वेगळे समजतो."

प्रकरण सात 

मंगळसूत्राची देवघेव 

                   लिहिलेले प्रत्येक पुस्तक व मी जे काही लिहिते ते सर्व विसरुन जाते. आत्मचरित्रासाठी महत्वाच्या घटना लिहिताना माझ्या असे लक्षात आले की माझे जीवन सामान्य नाही. मी इतरांहून वेगळी  आहे. मला भौतिक जीवनाचे आकर्षण नाही. मी परमेश्वरासाठी जन्मले आणि त्याला प्राप्त केले. परंतु जर इतरांना मुक्तीची अनुभूती मिळणार नसेल तर मला मुक्ती नको. संपूर्ण जग दुःख भोगत असेल, तर मी एकटीनेच परमेश्वराची अनुभूती का घ्यावी ?
                   भौतिक जीवनात लोकांना स्वतःसाठी पैसा, गाडी, पद, प्रतिष्ठा हवी असते. आध्यात्मिक जीवनातही अनेकांना नावलौकिक आणि भक्त हवे असतात. माझ्या तरुण वयातच मी भौतिक आनंदाकडे पाठ फिरवली. आता मी आध्यात्मिक जीवनातीलही सर्व पदांचा त्याग केला. का ? का ? का ? 

केवळ सर्वांच्या मुक्तीसाठी ! 

उर्वरित प्रकरण पुढील भागात ..... 

जय साईराम