ॐ श्री साई वसंतसाईसाय नमः 

सुविचार 

            " प्रत्येकक्षणी आपल्याला आपल्या आचरणाची जाणीव असायला हवी. आपण आपल्याला शुद्ध, निर्मल बनवायला हवे. "

प्रकरण अकरा 

वसिष्ठ गुहा आणि मुक्ती निलयम

 

                वेगवेगळ्या इमारती कोणत्या जागी बांधाव्या ह्याबद्दल आम्ही आश्रमाच्या जागेचा नकाशा देवघरात ठेवून स्वामींना विचारले. स्वामींनी त्या जमिनीची दोन भागात विभागणी केली आणि त्यातील पश्चिमेकडची जागा इमारतींसाठी वापरावी असे सांगितले. स्वामींनी गणेश मंदीर बांधण्याची जागाही दाखवली. 
                बांधकाम सुरु झाले." तुमच्या चरणस्पर्शाने पुनीत झालेली पुट्टपर्तीची रेती मला हवी आहे." अशी मी स्वामींकडे प्रार्थना केली. स्वामी म्हणाले," तू वडक्कमपट्टीतील वाळूही घे. त्यामध्ये तुझ्या ६३ वर्षांच्या तपाची शक्ती आहे. " आणि म्हणून पुट्टपर्तीतील ध्यानवटवृक्षाच्या जवळची आणि वडक्कमपट्टीतील वाळू गोळा करून पायाभरणी करताना त्यामध्ये घालण्यात आली. 
१९ ऑक्टोबर २००२
               मुक्ती निलयमचा उद्घाटन समारंभ झाला . स्वामी म्हणाले," मुक्ती निलयम भूलोक वैकुंठ आहे. "
               एकदा मी स्वामींना विचारले," आपण भूलोक वैकुंठामध्ये घेऊन जाऊ या का ?"
                स्वामी म्हणाले," भूलोक वैकुंठात घेऊन जाता येणार नाही, परंतु आपण वैकुंठ भूतलावर आणू शकतो. सर्वांना मुक्ती देण्यासाठी, वैकुंठ 'मुक्ती निलयम ' बनून इथे आले आहे."

उर्वरित प्रकरण पुढील भागात ..... 

जय साईराम