ॐ श्री साई वसंतसाईसाय नमः 

सुविचार 

" केवळ सर्वसंगपरित्याग केल्याने मोक्षप्राप्ती होते. " 

२ 

परमेश्वर आणि कर्मकायदा 

दुपारचे ध्यान 

वसंता - स्वामी, मी लिहिल, " शिव भोळे तर विष्णु चाणाक्ष, शिव मागितलेले सर्व देतात. "

स्वामी - होय... शिव तुझ्यासारखे आहेत. तू शिवस्थिती प्राप्त केली आहेस. आता तू तुलाच दोघात विभाजित करून शिवशक्ती म्हणून कार्य करू लागलीयस. तुझ्याविरुद्ध वागणाऱ्यावरही तू कृपावर्षाव करतेस. विष्णुप्रमाणे मला तुझी त्यांच्यापासून सुटका करायला हवी. शिवशक्ती निर्मितीतत्व दाखवते. 

ध्यानाची समाप्ती 

         मी साधना केली, हा जीव शिव झाला. सगळे माझ्यासारखेच व्हावेत ह्या माझ्या इच्छेमुळे नवनिर्मिती होत आहे. स्वामी म्हणतात की, शिवशक्तीतत्व निर्मितीचं प्रतिनिधित्व करतं.  

संदर्भ - सत्ययुग आणि कर्मकायदा 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

" जर ज्ञान आचरणात आणले नाही तर ते अपूर्ण ठरते. "

२ 

परमेश्वर आणि कर्मकायदा 

           शिवाने भस्मासुराला वर दिला. त्याने जे काही मागितले, ते सर्व, चांगले आणि वाईट असा फरक न करता शिवाने दिले. हा परमेश्वराचा दैवी गुण आहे. त्याचप्रमाणे शिवाने हिरण्यकश्यपुलाही वर दिला. हिरण्यकश्यपुने वर मिळवला होता की त्याला सकाळी किंवा रात्री, घरात अथवा घराबाहेर, मानवापासून अथवा पशुपासून, जमिनीवर किंवा पाण्यामध्ये किंवा कुठल्याही शस्त्रापासून मृत्यु येऊ नये. प्रभूनी हा वरही दिला. नेहमी कोणी काही मागितले की शिव ताबडतोब देतात. म्हणूनच त्यांना ' भोलेनाथ ' म्हणतात. पण विष्णुदेव नेहमी चतुराईने वागतात. 

            भस्मासूरापासून शिवाने सुटका करून घेतल्यानंतर विष्णुदेवांनी अवतरीत होऊन चतुराईने त्या राक्षसाला मारले. शिव भोळेपणाने संकटात सापडणं आणि विष्णुनी चलाखीने त्यांची सुटका करणं हे नेहमीचंच आहे. भोळेपणा हासुद्धा परमेश्वराचा दैवी गुण आहे, अवताराचा स्वभाव आहे. स्वामी माझ्या स्वभावामधून हे दर्शित करत आहेत. 

संदर्भ - सत्ययुग आणि कर्मकायदा 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

पुष्प - ४३ 

गर्भवासम 

         भगवान श्री सत्यसाई बाबांनी मुक्ती निलयम विषयी ध्यानामध्ये सांगितले. 

         " हे एक अत्यंत शक्तिशाली आणि दिव्य स्थान आहे. येथे या , ..... ध्यान करा ह्या तुमच्या चरणांनी ह्या भूमीला स्पर्श करा व तिच्या शक्तीची अनुभूती घ्या. प्रत्येक क्षणी तुम्हाला शुद्ध दिव्यत्वाची जाणीव होईल. " 

          मुक्ती निलयम मधून केल्या जाणाऱ्या सामाजिक सेवेबरोबर, जगातील सर्व लोकांना परमेश्वराचे प्रेम खाऊ घातले जाते. आगामी येणाऱ्या सत्ययुगासाठी व वैश्विक मुक्तीसाठीही येथे सेवाकार्य केले जाते. मनुष्याच्या मन, देह आणि आत्मा ह्या त्रिकरण रोगासाठी येथे सेवा उपक्रम केले जातात. भूक हा देहाचा रोग आहे. त्यासाठी आम्ही अन्नदान करतो. मनाच्या विकारांसाठी कोणती सेवा केली पाहिजे ? अज्ञान हा मनाचा विकार आहे. ह्या विकाराचे निर्मूलन करण्यासाठी आम्ही खेड्यांमधील शाळांमध्ये मोफत वह्या पुरवतो, त्याचबरोबर मोफत गणवेश देतो व मोफत शिकवणी केंद्र चालवतो. 

         आपण आता आत्म्याच्या रोगाविषयी काय ते पाहू. जन्ममृत्युच्या चक्रात फसणे हा आत्म्याचा रोग आहे. केवळ हाच महत्त्वाचा आहे. जर ह्याचे निर्मूलन केले तर कोणतीही गोष्ट आपल्यावर परिणाम करू शकणार नाही. संपूर्ण जगाला परमेश्वराचे प्रेम खाऊ घालण्यासाठी व जन्ममृत्युचे चक्र खंडीत करण्यासाठी मी जन्म घेतला आहे. जन्मापासूनच स्वामींप्रती असणाऱ्या माझ्या प्रेमाने मला वेडेपिसे बनवले. ह्या असहनीय प्रेमामुळे स्वामी माझ्याशी संभाषण करू लागले. स्वामींनी आम्हा उभयतांच्या नावांना एकत्र जोडणारा ' ॐ श्री साई वसंतसाईसाय नमः ' हा प्रेममंत्र दिला. मला १०८ नामे प्रदान केली. मुक्ती निलयममध्ये दररोज प्रेमयज्ञ करताना आम्ही ह्या प्रेममंत्राचे उच्चारण करतो. ह्यामुळे मोक्षाच्या मार्गावरील सर्व अडथळे दूर होतात. यज्ञामधून समस्त विश्वामध्ये प्रेमभाव पसरतो. ह्या यज्ञामधील पवित्र अग्नी समस्त विश्वामध्ये हे भाव घेऊन जातो. 

          स्वामींनी दिलेला वसंत साई मंत्र माझ्या प्रेमाद्वारे, आपल्या सर्वांना एकत्र करतो. यज्ञाच्या दरम्यान केलेल्या उच्चारणामुळे वैश्विक मुक्तीच्या मार्गातील अडथळे दूर होतात. हा मुक्ती मंत्र आहे. ह्या मंत्राद्वारे सर्वजण परमेश्वराशी जोडले जातात आणि केवळ मानवजातच नव्हे तर सृष्टीतील प्रत्येक गोष्ट परमेश्वराशी जोडली जाते.  

          बाबा बायबलमधील सुवचने सांगतात, 

          शुद्ध अंतःकरण असणारे आणि कृपाशिर्वाद   लाभलेले लोकं समस्त सृष्टीमध्ये परमेश्वरास पाहतात. ज्यांचा आत्मा शुद्ध आहे, पवित्र आहे केवळ त्यांनाच हे ज्ञात होऊ शकते. इतर पाहू शकत नाहीत, त्यांना ते जाणवू शकत नाही. स्वामी येथे आहेत परंतु स्थूल रूपात नाहीत. ते येथील वाळूच्या कणाकणात आहेत येथील प्रत्येक पानात आहेत. ते सर्वत्र आणि प्रत्येक गोष्टीतून व्यक्त होतात. ते पंचतत्वांमध्ये विद्यमान आहेत. ते आकाश, चंद्र, अग्नी आणि पृथ्वीद्वारे माझ्या लेखनाचा पुरावा देतात. साड्या, पुस्तके, संगणक, कागदाचे तुकडे ह्यामधून सत्य प्रकट होते, उघड होते. 

संदर्भ - श्री वसंतसाईंच्या ' Avatar Secret ' ह्या पुस्तकातून. 

जय साईराम    

ॐ श्री साई वसंतसाईसाय नमः 

गुरु पौर्णिमा संदेश 

जन्म घेताक्षणीच जीव जगामध्ये सहभागी होण्यास सुरुवात करतो. त्याची दृष्टी त्याला त्याच्या समोर असणाऱ्या सृष्टीमध्ये रममाण होण्यास भाग पाडते. पंचतत्वे, पंचेन्द्रिये आणि त्रिगुण ह्या सर्वांद्वारे सृष्टीची रचना केली जाते. प्रकाश हा सत्वगुणाचे द्योतक आहे. कर्म हे रजोगुणाचे आणि आळस व जडत्व हे तमोगुणाचे द्योतक आहे. निसर्ग पंचतत्वांनी बनलेला आहे. हे सर्व गुण प्रत्येक जीवामध्ये विद्यमान असतात. 

सृष्टीमधून जीवाला मिळणारी आनंदाची अनुभूती खरी आणि शाश्वत आहे अशा विश्वासाने तो सृष्टीमध्ये रमून जातो. जन्मामागून असे शेकडो, हजारो जन्म घेतल्यानंतर त्याला ह्या भौतिक जगतामधून आनंद मिळत नाही आणि त्याच्या विवेकबुद्धीने त्याच्या असे लक्षात येते की त्याने आतापर्यंत जे काही अनुभवले त्याहुन जीवनात अधिक काहीतरी असले पाहिजे. जेव्हा ज्ञान प्रकाशित होते, परमेश्वराच्या अस्तित्वाची जाणीव होते तेव्हा तो आध्यत्मिक मार्गावरून वाटचाल सुरु करतो. तो वेगवेगळ्या साधना व तप करून उच्च अवस्था प्राप्त करतो. ह्याच अवस्थेत त्याला सिद्धी प्राप्त होतात. त्या सिद्धिंमध्ये गुंतुन न पडता त्यांनी आध्यात्मिक मार्गावर अग्रेसर होण्यासाठी त्यांचा त्याग केला पाहिजे. जर त्याने तसे केले व त्याची साधना सुरु ठेवली तर प्रकृतीने मायेच्या शक्तिने निर्माण केलेली कसोटी त्याने पार केली असे प्रकृतीला वाटते आणि ती त्याला परमेश्वराच्या चरणाप्रत घेऊन जाते. आणि परमेश्वर त्याला मुक्ती प्रदान करतो. हे प्रकृतीचे कार्य आहे. जेव्हा जीवाला जीवनाच्या महान, उदात्त हेतूची जाणीव होते तेव्हा प्रकृती त्याला भौतिक जीवनाच्या मायेतून जागृत करून आध्यात्मिक मार्गाकडे वळवते. ती त्याला अनेक तपं, साधना करण्यास प्रवृत्त करते आणि जेव्हा तो ह्या सर्वामध्ये यशस्वी होतो तेव्हा तो मोक्षप्राप्तीसाठी परमेश्वराच्या चरणाप्रत जाण्यास पात्र ठरतो. हेच पुरुष प्रकृती तत्व आहे. हेच कार्य करणे ही मुक्ती निलयमची भूमिका आहे. 

संदर्भ - श्री वसंतसाईंच्या ' Bliss Bliss Bliss Part - 2 ' ह्या पुस्तकातून . 

जय साईराम    

ॐ श्री साई वसंतसाईसाय नमः 

सुविचार 

" असीम प्रेम म्हणजे प्रज्ञान. "

२ 

परमेश्वर आणि कर्मकायदा 

भगवद् गीतेत श्रीकृष्ण म्हणतात, 

           " सुष्टांच रक्षण, दुष्टांचा संहार करून धर्मस्थापना करण्यासाठी मी प्रत्येक युगात अवतरतो. " त्याचप्रमाणे दुष्टांचा संहार झाला तरच आपण धर्माला स्थिरता देऊ शकतो. सर्वांना मुक्ती देणे हे माझ लक्ष्य आहे. ह्यामध्ये ज्या व्यक्ती अडथळा आणत आहेत, त्यांचा विनाश झालाच पाहिजे. 

           तुम्ही कदाचित विचाराल, ' जर तुम्ही सर्वांना मुक्तीच देत आहात, तर मग थोड्या लोकांना शिक्षा का देता ?' या प्रश्नाच स्वामींनी दिलेल सविस्तर उत्तर म्हणजेच हे प्रकरण आहे.   

संदर्भ - सत्ययुग आणि कर्मकायदा 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

       " आपल्या अतृप्त इच्छा, आकांशा व आसक्ती पुढील जन्मात आपल्या बरोबर असतात. "

२ 

परमेश्वर आणि कर्मकायदा 

हे देवगण, ऋषीवर आणि मुनीजन !अहो, माझ्या 

मार्गात अडथळा आणून कर्मकायद्यास प्रतिबंध 

करणाऱ्यांचा विध्वंस करा. हे भगवान यम धर्मराजा,

धर्मरक्षक, तुम्ही साक्षात् धर्माचे राजे आहात. तुमच्या 

कर्मकायद्यात हस्तक्षेप करून मी तुमचे हात बांधून ठेवले. 

आजपर्यंत ज्यांनी स्वामींच्या अवतारकार्यात अटकाव केला 

त्यांचीच मी कड घेतली. ह्यापुढे त्या सर्वांना शिक्षा करायला 

तुम्ही मुखत्यार आहात. 

ह्या सगळ्या गोष्टींपासून आपण काय बोध घ्यावा ? महान कार्य करणाऱ्यांच्या मार्गात अनेक अडथळे उभे राहतात. परंतु त्यांनी चुका करणाऱ्यांना दयामाया दाखवता कामा नये. दुष्टांना शिक्षा झाली तरच अवतारकार्य पूर्णत्वास जाईल.  

संदर्भ - सत्ययुग आणि कर्मकायदा 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

" केवळ परमेश्वराची इच्छा धरा तोच एकमात्र सत्य आहे. "

२ 

परमेश्वर आणि कर्मकायदा 

           स्वामींनी मला बोलावल तरच माझं विश्वामुक्तीच स्वप्न साकार होईल. स्वामींच्या आमंत्रणास बाधा आणणाऱ्या दुष्ट शक्तींना मीच खतपाणी घातल आहे; हे आता माझ्या लक्षात आलं. ' दीर्घायु होवोत ' हे माझे शब्द तटबंदीप्रमाणे त्यांचे रक्षण करून कर्मकायद्याला प्रवेश मिळू देत नाहीयेत. म्हणूनच स्वामींनी मी लिहिलेली ती काव्ये मला यज्ञकुंडात टाकून नष्ट करायला सांगितली. स्वामींनी वारंवार समजून सांगितले तेव्हा कुठे मला कर्मकायद्याची अतिसूक्ष्मता समजली. 

            जे माझ्या मार्गात अडथळे आणत आहेत त्या सात लोकांची नावे स्वामींनी स्वतः मला सांगितली. त्या सात लोकांना मी कधीही क्षमा करणार नाही. ते माझ्या ध्येयमार्गावरील धोंडे होता कामा नयेत. त्यांचा विनाश झाला पाहिजे. 

संदर्भ - सत्ययुग आणि कर्मकायदा 

उर्वरित प्रकरण पुढील भागात ..... 

जय साईराम 

 ॐ श्री साई वसंतसाईसाय नमः 

सुविचार 

" वैराग्य सर्व इच्छांचा नाश करते आणि मनुष्याला रिक्त करते. "

२ 

परमेश्वर आणि कर्मकायदा 

           काही लोक मला स्वामींच्या दर्शनापासून रोखण्याचा सतत विचार करत असतात. जर एखाद्याने साक्षात्कारी महान आत्म्याला त्रास दिला तर कर्माचा कायदा त्याला कडक शिक्षा देतो. 

           इथे माझे आशिर्वाद आणि ' दीर्घायु होवोत ' या काव्यांमुळे ते शिक्षेतून सुटले. एकीकडे हे भाव, त्यांचे कर्मकायद्याच्या परिणामांपासून रक्षण करताहेत तर दुसरीकडे त्यांचे विचार माझ्या स्तूपात प्रवेश करणाऱ्या भावकंपनांना अडथळा आणताहेत. मीच माझ्या मार्गातील अडथळा बनले आहे. 

संदर्भ - सत्ययुग आणि कर्मकायदा 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

" माया सत्याला दडवून ठेवते. एकोहम् बहुस्यामी हे सत्य जाणा."

२

परमेश्वर आणि कर्मकायदा

 

           स्वामींनी हे सर्व मला नीट समजावून सांगून त्यांचा संहार करण्यास सांगितले. मी जर हा वर स्वामींकडे मागितला नसता, तर कर्माचा कायदा आपोआप अंमलात आला असता. हे पुरेसे नव्हत, म्हणून की काय, त्यांच्या दीर्घायुष्यासाठी सुद्धा मी कविता लिहून स्वामींकडे प्रार्थना केली. आता त्यांचे दोन मार्गांनी रक्षण झाले; एक म्हणजे कर्माच्या कायद्याचे परिणाम त्यांना भोगावे लागू नयेत हा माझा वर आणि दुसरे ' दीर्घायु होवोत ' ही माझी काव्ये. 

          गेली ७० वर्षे माझ्या मनात फक्त दोनच विचार आहेत. परमेश्वराला प्राप्त करणे आणि विश्वमुक्ती मिळवणे. मी फक्त या दोनच गोष्टींसाठी जगते आहे. हे भाव, कंपनं होऊन स्तूपाद्वारे अवकाश व्याप्त करत आहेत. 

संदर्भ - सत्ययुग आणि कर्मकायदा 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

      " मन बाह्य जगतातून काढून घेऊन, जाणीव अंतर्यामी केंद्रित करणे तोच आत्मा होय. "

२

परमेश्वर आणि कर्मकायदा

 

           भस्मासूराने भगवान शंकरांना प्रसन्न करण्यासाठी घोर तपश्चर्या केली. शंकर भगवान प्रसन्न झाले आणि त्यांनी विचारले," तुला काय वर हवा ?" तो राक्षस म्हणाला ," मी ज्याच्या डोक्यावर हात ठेवीन त्याच भस्म व्हावं." भगवान शंकराने तथास्तु म्हटले. ताबडतोब, भस्मासुराने वराची परीक्षा पाहण्यासाठी भगवान शंकरांच्याच डोक्यावर हात ठेवण्याचा प्रयत्न केला. ईश्वराने पळ काढून स्वतःची सुटका करून घेतली. 

           मी स्वामींकडून वर मिळवला की मला उपद्रव देणाऱ्यांना कर्मफल भोगावे लागू नये. मला त्रास देणारे व माझ्याशी वाईट वागणारे पुनः पुनः माझ्या डोक्यावर हात ठेवताहेत. मला स्वामींच्या जवळ जाऊ न देण्यासाठी निरनिराळ्या मसलती करत आहेत.    

संदर्भ - सत्ययुग आणि कर्मकायदा 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

" भौतिक जग मिथ्या आहे ."

२

परमेश्वर आणि कर्मकायदा 

 

तारीख १२ डिसेंबर २००८ ध्यान 

वसंता - स्वामी, प्लीज काल जे सांगितलेत त्याबद्दल अजून सविस्तर सांगा नं !

स्वामी - शिवाने जसा भस्मासूराला वर दिला त्याप्रमाणे तू त्यांना वर दिलासा. ते लोक सतत तुझ्या डोक्यावर हात ठेवून तुला दुःखी करत आहेत. आता तू त्यांचा संहार कर किंवा त्यांना शाप दे. 

वसंता - स्वामी, मला कठोर शब्द उच्चारणे माहीतच नाही... मला नाही माहीत. मी काय करू ? रुद्र तांडव करून तुम्ही त्यांचा संहार करा किंवा शिवाचे गण पाठवून त्यांना नष्ट करा. मी मागितलेला वर परत घेते. कृपाकरुन तुम्हीच काय ते करा. 

स्वामी - दुसरी गोष्ट. एकीकडे तू माझ्या प्राप्तीसाठी रडतेस, आणि दुसरीकडे विश्वमुक्तीची मागणी करतेस. हे सर्व भाव स्तुपाद्वारे संपूर्ण अवकाशात पसरत आहेत. तुझे विरोधक तुला माझ दर्शन घेता येऊ नये म्हणून काय करता येईल याचा सतत विचार करत असतात. त्यांच्या भावना तुझ्याभोवती फिरत असतात. तुझ्या भावकंपनांना हा मोठाच अडथळा आहे. त्यांचे विचार शक्तिशाली कसे होतात ? ही शक्ती येते कुठून ? तुझ्या आशीर्वादांमुळे ! ' आयुष्मान भव, दीर्घायु होवोत ' ह्या तुझ्या शुभेच्छांमुळे त्यांना शक्ती मिळते, ही झाली दुसरी बाजू. 

वसंता - स्वामी, आला मला कळले की अजाणता मीच माझ्या पायावर धोंड पाडते आहे. बस झालं. आता पुरे, पुरे ... त्याचा नाश करा. आता मी त्यांना जराही क्षमा करू शकत नाही. मला माझी चूक कळली. कृपाकरुन त्यांचा नाश करा.

ध्यानाची समाप्ती 

संदर्भ - सत्ययुग आणि कर्मकायदा. 

उर्वरित प्रकरण पुढील भागात ..... 

जय साईराम