ॐ श्री साई वसंतसाईसाय नमः 

सुविचार 

"आपले भाव आपल्या जीवननिर्मितीस जबाबदार असतात."

सूत्र तिसरे 

या हृदयीचे त्या हृदयी 

              ह्या भोळ्या भाबड्या खेडूत स्त्रियांची मथुरेला जाऊन श्रीकृष्णाचे दर्शन घेण्याची इच्छा होती. या एकाग्र विचारांपुढे दोरखंडाने बांधलेली नाव सोडवायला हवी हे त्यांचा ध्यानीमनीही नाही. हे खेडवळ निरागस प्रेम आहे. माझे प्रेमही असेच आहे. मलाही अवतारपदाची तमा वाटत नाही. मला फक्त स्वामी हवेत. 
              शहरी व सुशिक्षित लोकं असे वागू शकतील का ? ते म्हणतील, " अगं खेडवळ बाई ! तू आकर्षक अवतारपद, परमेश्वरपद नाकारून, जे तुला मिळण्यासारखं नाही त्या सदेह दर्शनाचा ध्यास घेऊन बसली आहेस !"
            राम आणि कृष्ण यांनी राजकन्यांशी विवाह केले. त्यावेळी अवतार कार्यासाठी आणि धर्म संस्थापनेसाठी राजकन्यांची गरज होती. कृष्णाने रुक्मिणी व सत्यभामा यांच्याशी विवाह केला. त्या दोघीही राजकन्या होत्या.

उर्वरित प्रकरण पुढील भागात .....

जय साईराम