ॐ श्री साई वसंतसाईसाय नमः 

सुविचार 

         " मृत्युनंतर प्राप्त झालेल्या मोक्षाचा काय उपयोग ? मृत्युनंतर कोणी मोक्षप्राप्ती अनुभवू शकतो का ? साई आनंदापुढे कोणताही स्वर्गीय आनंद फिकाच आहे. साईमधुर अमृताची इथेच या क्षणी अनुभूती घ्या." 

भाग - नववा 

उपसंहार 

             मी आत्मचरित्र पूर्ण केले. स्वामींनी या पुस्तकासाठी उपसंहार द्यावा, अशी स्वामींना विनंती करण्याचे माझ्या मनात आले. 

१० मार्च २००९ सकाळचे ध्यान 

स्वामी - जंगलात लागणाऱ्या आगीला वानवा म्हणतात. घरामध्ये पेटवलेल्या अग्नीला शेकोटी म्हणतात. अन्न शिजवण्यासाठी पेटवलेल्या अग्नीला विस्तव म्हणतात. निरांजनातील अग्नीला अग्नी नव्हे तर ज्योत म्हणतात. प्रज्वलित दीपामध्ये ज्योत तेवत असते. तिला नाम व रूप नसते. स्थान ग्रहण केल्यावर तिला नाम प्राप्त होते. उदा. दिव्याची ज्योत, मेणबत्तीची ज्योत इ. हे आहे 'मी ' विना ' मी '  म्हणजेच तू !

जन्म तुझा ज्योतीतून, ज्योतीरुपातून 

ज्योती तुझा आहार , ज्योती तुझे पेयपान 

ज्योतीरुपात वाढवलीस 

ज्योतीशी विवाहबद्ध झालीस 

ज्योतीरूप अपत्यप्राप्ती तुज 

देह तुझा होऊन ज्योतीस्वरुप

एकत्व पावशील ज्योतीत. 

वसंता - स्वामी, हे खूप छान आहे, ज्योतीरूप अपत्यप्राप्ती म्हणजे काय ?

स्वामी - कावेरी अनंतात विलीन होईल, तिचा देह मागे राहणार नाही. वैष्णवीचेही तसेच होईल. 

ध्यानसमाप्ती 

उर्वरित प्रकरण पुढील भागात ..... 

जय साईराम