ॐ श्री साई वसंतसाईसाय नमः 

सुविचार 

         " आपल्याला इतरांप्रती वाटणारे प्रेम हे वास्तविकतः त्यांच्या अंतर्यामी वास करणाऱ्या ईश्वराप्रती वाटणारे प्रेम होय, हे आपण जाणून घेतले पाहिजे ."

१

कर्मकायदा - ओळख 

इच्छा हे संस्कारांचे मूळ आहे. 

          मनात उत्पन्न होणारी प्रत्येक भावना आपल्याला एक तर गुंतवते किंवा मुक्त करते. हे गुंतणे म्हणजेच बंधन होय. या बंधनातूनच '  मी आणि माझे '  हा विचार निर्माण होतो. हे  ' मी आणि माझे ' चे विचार प्रतिबिंब, प्रतिक्रिया आणि प्रतिध्वनीच्या रूपात आपल्याकडे परत येतात, यालाच अनुभव म्हणतात. वाईट विचारांचे रूपांतर चिंता आणि दुःखात होते. त्याचे संस्कार होतात. त्यानुसार आपण पुन्हा जन्म घेतो. संस्कार म्हणजे दुसरं, तिसरं काही नसून कर्मकायदा आहे. जर संस्कार नसतील तर आपण पुन्हा जन्म घेणार नाही. आपला विश्वास आहे की, चित्रगुप्त हे यमराजाचे हिशेबनीस आहेत. लोक सहज म्हणतात, " आपला हिशोब चित्रगुप्तापर्यंत पोहोचतोच. तो नोंद करतोय. " आपले संस्कार म्हणजेच चित्रगुप्त. प्रत्येकामध्ये हा चित्रगुप्त संस्काराच्या रूपात वास करतो आहे. त्याच्या नोंदी आपलं जीवन आणि अनुभव ठरवित असतात. 

संदर्भ - सत्ययुग आणि कर्मकायदा   

उर्वरित प्रकरण पुढील भागात ..... 

जय साईराम