ॐ श्री साई वसंतसाईसाय नमः
सुविचार

       " तुम्ही जेथे आहात आणि जे काही करत आहात ते कार्य परमेश्वराची पूजा समजून करा. "

७
कर्माचा हिशोब मिटला  

 

             माझी स्थिती यापेक्षा निराळी आहे. मला कुठल्याही मर्यादा नाही. माझ्यावर बंधने घालणारी संघटना नाही. मला अडथळे आणणारी कुंपणे नाहीत, ना कायदे, ना नियम, ना ही धर्मग्रंथांच्या किंवा धर्माच्या आज्ञा पाळणे. मी सर्व धर्मांपासून मला मुक्त केले आहे. या अवतारावर असलेल्या माझ्या प्रेमामुळेच मी स्वतःला सर्व धर्मांपासून मुक्त करू शकले. या प्रेमशक्तीमुळेच मी कर्माचा हिशोब बंद करू शकले. विश्वमुक्ती हेच माझं ध्येय आहे आणि ते मी साध्य करणारच.  

 

८
सहस्रार

 

            ' शिव शक्ती स्वरूप ' या पुस्तकात स्वामी म्हणाले,
             मन हे सहस्त्र पाकळ्यांच्या कमळासारखा आहे. त्याची प्रत्येक पाकळी ही एका विशिष्ट हेतू अथवा इच्छेकडे व,ळलेली असते. या कमळाच्या मध्यभागी असलेली ज्योत ' अहं '  च्या एका विशिष्ट हेतू किंवा इच्छेने प्रेरित अशा एखाद्या पाकळीकडे  कलते, तेव्हा ती यश-अपयश, सुख-दुःख अशा द्वैतभावनांच्या प्रभावाखाली जाते. पण जर ज्योत १000 इच्छांकडे न कलता  स्थिर आणि उर्ध्वगामी राहिली तर ती देहापासून दूर राहते. माणसाचा देह, मन अथवा अंतर्बाह्य इंद्रियांवर परिणाम झाला तरी ती ज्योत अबाधित राहते.  

संदर्भ - कर्मकायद्यावर उपाय 

उर्वरित प्रकरण पुढील भागात .....
जय साईराम