ॐ श्री साई वसंतसाईसाय नमः
सुविचार

       " जसे भाव तसे जीवन. "

७
कर्माचा हिशोब मिटला  

२५ जुलै २००७
           आधीच्या प्रकरणात मी स्वामींना विचारले, " तुम्ही मला दात द्याल का ?" ते म्हणाले की ते देतील, पण कधी ते सांगितले नाही. ते म्हणतात, " मी मला अलग केले." जर त्यांनी स्वतःस विभाजित करून मला निर्माण केले तर मग मी त्यांच्यासारखी असायला हवे. दात कधी येतील हे मला का माहीत नाही ? ते येतील की नाही येणार ? मला का बरं माहीत नाही ? जर स्वामींना ठाऊक आहे तर मग मला का नाही ? कारण, मला जर कळले तर मी साक्षी अवस्थेत आहे असा अर्थ होईल. मी साक्षी अवस्थेत राहू शकत नाही. तो माझा स्वभाव नाही.
            एकदा एक श्रीमंत जोडपे आपल्या एकुलत्या एका आंधळ्या मुलाला स्वामींकडे घेऊन आले. अश्रू ढाळत त्यांनी स्वामींना, मुलाला दृष्टी द्यावी यासाठी प्रार्थना केली. स्वामींनी त्यांना सांगितले की ह्या मुलाने मागच्या जन्मी एका माणसाला दोन्ही डोळ्यांनी आंधळे केले म्हणून तो या जन्मी स्वतः आंधळा झाला आहे. स्वामींनी त्यांनाच विचारले, " मी काय करू मला सांगा. तुम्ही माझ्या जागी असता तर तुम्ही काय केले असते ?" अशाप्रकारे स्वामींनी त्यांची समजूत काढून त्यांना परत पाठवले. स्वामींप्रमाणे जर मला हे सर्व कळत असतं तर मी त्यांच्यासारखीच राहिले असते का ? नाही. हा माझा स्वभाव नाही.    

संदर्भ - कर्मकायद्यावर उपाय 

उर्वरित प्रकरण पुढील भागात .....
जय साईराम