ॐ श्री साई वसंतसाईसाय नमः 

इथेच याक्षणी मुक्ती- भाग ३ 

 

             मदुराईच्या एका भक्ताच्या घरामध्ये स्वामींचे चमत्कार होत असत, एके दिवशी ते फक्त मला त्यांच्या घरी घेऊन गेले. तेथे मी स्वामींकडे मंगळसूत्र मागितले. स्वामींनी विभूती, कुंकू आणि अक्षता दिल्या व ते म्हणाले," आता नाही." दुसऱ्या एका भक्तांच्या घरात अनेक चमत्कार होत असत. तेथे अनेक वस्तू साक्षात होत असत. तेथेही मी मांगल्याच्या अपेक्षेने गेले होते. हे प्रसंग माझ्या मनात घोळत असताना मदुराईच्या एका भक्ताचा मला फोन आला ते म्हणाले," अम्मा स्वामींनी सामुदायिक विवाहांसाठी पाच मंगळसूत्र दिली आहेत व त्यांची सर्व व्यवस्था करायची आहे. विवाह समारंभ वडक्कमपट्टीमध्ये आयोजित करावा असा मी विचार करतो आहे तुम्ही यावर विचार करा आणि मला कळवा."
             संध्याकाळच्या ध्याना अगोदर माझ्या अवस्थेमध्ये एक मोठा बदल घडल्याचे मला जाणवले. मी विलाफ करत होते," स्वामी, स्वामी.... माझे दुर्गे मध्ये रूपांतर करा. मला सर्वांचा उद्धार करायचा आहे मला अधिक शक्ती प्रदान करा!"
स्वामी-  आता तू हे सर्व विसर. जग, जगातील लोकांच्या समस्या सारं काही विसर आणि माझ्याबरोबर गोकुळात चल.
वसंता- नाही स्वामी मला एकटीला कोणताही आनंद नको सर्वांना दिव्य आनंद मिळायला हवा.
स्वामी-  थोड्या वेळासाठी हे सार तू विसर. रडू नकोस. दिव्य आनंदाची अनुभूती घे.
वसंता- नाही स्वामी जर मी एकटीच हा आनंद लुटत असेन तर मी एखाद्या चोरीच्या मालमत्तेचा आनंद लुटण्यासारखे आहे आणि मला तसे नको आहे. जगातील प्रत्येकाला तो आनंद मिळायला हवा. तोपर्यंत मलाही आनंद नको. जगातील सर्व समस्यांचा त्रासाचा अंत झाला पाहिजे जर तुमच्या या अत्यंत करुणाघन अवतार काळात लोकांना मुक्ती मिळाली नाही तर त्यांना कशी आणि कोण मुक्ती प्रदान करणार?
            स्वामींनी माझा हात धरून ओढले आणि ते मला राधेच्या घरामध्ये घेऊन गेले.

उर्वरित प्रकरण पुढील भागात .....
जय साईराम