ॐ श्री साई वसंतसाईसाय नमः
    सुविचार   

      " साधना, साधना, साधना! केवळ साधनेद्वारे जीव शिव बनतो. "

११ 

गुप्तभाव

             माझ्या वाढदिवशी ' भगवंताचे अखेरचे सात दिवस ' हे पुस्तक स्वामींनी घेतल्यानंतर मला प्रशांति निलयममध्ये बंदी घातली गेली. माझ्या अश्रूंचा बांध फुटला आणि मी माझी पेन फेकून दिले. थोड्याच दिवसात एक दुत आले. त्यांनी इथेच या क्षणी मुक्ती या माझ्या पुस्तकाची प्रत दाखवली आणि माझ्याशी तेलगूमध्ये बोलले. त्यांनी पुस्तक २२ नोव्हेंबर २००७ ला खरेदी केले होते, ती तारीखही दाखवली. मग त्यांनी मला पुट्टपर्तीला येण्याचे आग्रहाचे आमंत्रण दिले आणि म्हणाले," तुम्ही आलात की मी तुम्हाला माझ्या घरी घेऊन जाईन." ते ७ वा. आले आणि ७:३० वा. परत गेले. त्यांचे नाव राजय्या असे होते. दोन दिवसानंतर पुट्टपर्तीहून सेवादलाचे एक गृहस्थ आले. त्यांना बरीच त्रास आहेत असे ते सांगत होते. कोणीतरी त्यांना म्हणाले,' तुम्ही खूप वृद्ध झाला आहात, आता तुम्ही सेवा करू नका.' त्यांनी त्यांचे ओळखपत्र दाखवले आणि म्हणाले की त्यांना प्रशांति निलयमशिवाय आयुष्यात दुसरे काहीच माहित नाही. ते आले, बोलले, जेवले आणि गेले. ते म्हणाले," मी सरळ प्रशांति निलयमहून आलो आणि परत तिथे जाणार.' अशाप्रकारे अनेक दूत आले.

संदर्भ - कर्मकायद्यावर उपाय 

उर्वरित प्रकरण पुढील भागात .....
जय साईराम