ॐ श्री साई वसंतसाईसाय नमः 

सुविचार 

       " परमेश्वरावर भक्तिचा वर्षाव करण्याचे नानाविध मार्ग तुम्ही शोधू शकता."

भाग - नववा 

आत्मगीते 

           तिची परमेश्वराशी विवाह करण्याची उत्कट इच्छा असली तरी वास्तवात ती स्वस्वरूपाशी एकरूप होण्याची इच्छा होती. आत्मसंतोषाची उत्कट इच्छा. तिचे जीवन म्हणजे परमेश्वराच्या प्रेमाची अनुभूती होय. तिच्या करुणेने कलिमध्ये परिवर्तन झाले. जडभरताचे कारुण्य त्याच्या पुढील जन्माचे बीज बनले तर तिचे कारुण्य मुक्तीचे बीज बनले ! चतुर्युगांचे ज्ञान तिने भाडेकराराने दिले. ती स्वतःच चतुर्युगांचे ज्ञान आहे. 

ती एकोणवीस वर्षांची युवती आहे ?

का हातातली तान्हुली ?

हेचि ना उमजे मज 

तिने सौंदर्य पूजिले 

आता सौंदर्य पूजिते तिज 

अनेक अस्वस्थ रात्री व्यतीत केल्या 

तिने माझ्या प्रतिक्षेत 

आज मी आस्थेने 

शांत निजवितो तिज. 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

        " पार्वतीमाता तुमच्या सुटकेसाठी धावली की भगवान शिव पाठोपाठ येतीलच."

भाग - नववा 

आत्मगीते 

            ती, समस्त जगाच्या उद्धारासाठी अवतरलेली एक आश्चर्य आहे. अनावर आवेगामुळे तिच्या मनात, सर्वांना आपल्या गर्भात धारण करण्याची इच्छा निर्माण झाली. जगद्जननी बनून तिने सर्वांना मुक्तिचा मार्ग दर्शवला. परंतु तिच्या मुलांचं प्रेम संपादन करण्यासाठी ती स्वतः एक मूळ बनली. 

ती माझी पत्नी आहे का माझे मूल ?

ती विश्वाची माता आहे का विश्वाचे अपत्य ?

उर्वरित प्रकरण पुढील भागात ..... 

जय साईराम  

ॐ श्री साई वसंतसाईसाय नमः 

सुविचार 

" जसे भाव तसे जीवन."

भाग - नववा

आत्मगीते 

          माझ्या सान्निध्याची उत्कट इच्छा तिने भौतिक सुखासाठी केली नव्हती तर या आत्मतृप्तीसाठी होती. माझे कोमल शब्द ऐकण्यासाठी तिचे कान आसुसलेले असायचे. हा आनंद तिला अन्य कोणाकडून नव्हे तर केवळ माझ्याकडूनच मिळेल हे तिला माहीत होते. हा भावकल्लोळ तिने अनेक पुस्तकांमधून व्यक्त केला आहे. 

आज संपला लढा 

सान्निध्य माझे लाभता तिला 

योग झाला तिच्या इच्छित भावभावनांचा 

विशुद्ध भाव ओतून झालेले 

ती एक सुवर्णशिल्प 

ना शिल्पकाराने शिल्पिलेले 

ती, जिच्या अंतरंगात केवळ ' मी ' आहे 

उर्वरित प्रकरण पुढील भागात ..... 

जय साईराम  

 ॐ श्री साई वसंतसाईसाय नमः 

मच्छर 

पुष्प - ३६

           आमच्या आश्रमामध्ये खूप मच्छर आहेत. सकाळी अभिषेकापूर्वी आम्ही मच्छर रोधक अगरबत्ती लावतो. व्हरांड्यात ३ ठिकाणी, रात्री झोपण्यापूर्वी पलंगाखाली एक व दुसऱ्या बाजूला एक अशा अगरबत्त्या लावतो. जसं स्वामी म्हणतात," मी तुमच्या खाली आहे, वर आहे मागे आहे, तुमच्या भोवताली सर्वत्र आहे " त्याचप्रमाणे डासांची अगरबत्तीही आमच्या भोवताली सर्वत्र आहे. अशा प्रकारे आम्ही आमचं संरक्षण करायचा कितीही प्रयत्न केला तरी डास येऊन आम्हाला चावतोच. 

           तसं पाहिलं तर मनुष्य किती मोठा आणि त्याच्यापुढे डास अगदी यःकश्चित ! तथापि मनुष्य त्या क्षुद्र डासाला घाबरतो. आपण दारं खिडक्यांना जाळ्या लावतो. रात्री मच्छरदाणी लावून झोपतो. एवढं सगळं करूनही डास आत येऊन चावतो व आपलं रक्त पितो. त्याला शुद्ध तूपातील मिष्ठान्न, फळं, सुकामेवा, आईस्क्रीम अशा गोष्टींमध्ये थोडीसुद्धा रुची नसते. त्याला फक्त आपले रक्त हवे असते. 

           मनाचेही तसेच आहे. त्याला कितीही उच्च ज्ञान, आनंद वा हितकारी सत्संग मिळाला तरी त्याचे महत्व नसते. एवढेच काय पण परमेश्वराच्या सान्निध्याचे अमृतसुद्धा ते नाकारते. त्याला केवळ एकच चव आवडते. ती म्हणजे ' मी आणि माझे ' ह्याची चव. आपण कितीही साधना केली वा आपण कितीही सावधानता बाळगली तरी तो ' मी आणि माझे ' ह्या रूपातील मच्छर मनामध्ये प्रवेश करतोच. आपण दर्शवलेल्या विवेक आणि वैराग्याचा काहीही उपयोग होत नाही. मनाला त्याचा परिचय नसतो. ते आपल्या ' मी आणि माझ्या ' च्या परिचित चवीला सोडत नाही. 

*    *    *

संदर्भ - श्री वसंतसाईंच्या ' Divine Stories and Parables ' ह्या पुस्तकातून  

जय साईराम 

ॐ श्री साई वसंतसाईसाय नमः 

सुविचार 

        " प्रत्येक गोष्ट परमेश्वराशी जोडा. सर्वांमध्ये केवळ चांगले पाहिल्यास त्यांची चैतन्य शक्ती तुमच्या मधे प्रवाहित होईल. "

भाग नववा 

आत्मगीते 

पत्र पहिले 

३ फेब्रुवारी २०४७ रविवार रात्री १२ वा. 

प्रिय मित्र विजय यास, 

           तुला माहित आहे का आता किती वाजले आहेत ? मध्यरात्री झालीय, १२ वाजले आहेत. माझ्या मनामध्ये उसळणाऱ्या भावलहरी मी तुझ्याजवळ व्यक्त करत आहे. तुझी बहीण प्रेमा माझ्यासमोर निश्चलतेने गाढ झोपली आहे. तिचे चंद्रासारखे सुंदर मुखमंडल कृष्णकुंतलरूपी मेघांमध्ये विश्रांती घेत आहे. ती एखाद्या शांत , समाधानी बालकासम झोपी गेली आहे. एक संपूर्ण युग ती माझ्या जवळिकीसाठी तळमळ होती. 

           मातेजवळ असताना बालकाला सुखरूप आणि सुरक्षित वाटते. माझ्यासमवेत प्रेमालाही असेच वाटते. ती माझ्या प्रेमासाठी लहानलेली होती. तिला हवे असलेले प्रेम व सुरक्षितता केवळ माझ्याकडूनच मिळेल हे ती जाणत होती. म्हणून केवळ माझ्या प्राप्तीसाठी ती तपस्विनीचे जीवन जगली. तिची मनोकामना पूर्ण झाल्यामुळे ती शांत झोपली आहे. माझ्या चिंतनात किती रात्री तिने जागून काढल्या आहेत. तिचा निरागस चेहरा मला नवजात शिशुची आठवण करून देतो. ही माझी पत्नी आहे का माझे मूल ?

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

" मुक्ती म्हणजे बंधनातून स्वातंत्र, एकत्वाचा आनंद."

भाग - नववा 

आत्मगीते 

राजाची पत्रे 

प्रेमसाईंनी लिहिलेली पत्रे 

             ' प्रेमसाई अवतार ' या पुस्तकाच्या दुसऱ्या भागाचे लिखाण करत असताना फेब्रुवारी २००६ मध्ये स्वामींनी मला, प्रेमसाई अवतारात ते त्यांच्या मित्रांना लिहिणार असणाऱ्या काही पत्रांविषयी सांगितले. स्वामींनी ध्यानाच्या पाच बैठकांमध्ये पहिल्या पत्राचा मजकूर सांगितला. त्यामध्ये त्यांनी सुंदर काव्यमय शैलीचा वापर करून प्रेमवर्षाव केला आहे. मला हे नमूद करायलाच हवे की, त्यांच्या इतके चांगल्या प्रकारे मी ते व्यक्त करू शकत नाही. मी ५० पुस्तकांचे लेखन केले आहे. परंतु स्वामींची ही तीन पत्रे, मी कोण आहे हे दर्शविण्यास पुरेशी आहेत. 

उर्वरित प्रकरण पुढील भागात ..... 

जय साईराम  

ॐ श्री साई वसंतसाईसाय नमः 

सुविचार 

        " बंध म्हणजे द्वैतावस्थेत अडकलेले मन. मानामुळेच भेद उत्पन्न होतात."

भाग - नववा

आत्मगीते

कलिच्या शिंपल्यातील 

मज गवसलेले मौक्तिक तू 

करण्या अखिल जगाचे कल्याण 

त्याग केलास तू आजीवन 

दुःखितासी केलेस मार्गदर्शन 

समस्त विश्वसुशोभनार्थ 

तू ढाळलेला एकेक अश्रू 

बनून जातो मोतीस्वरूप 

*

जीवन तुझे एक महाकाव्य, वसंत महाकाव्य 

शब्दही तोकडे भासती, ते नेण्या पूर्णत्वास 

असे महाकाव्य, जे रेखाटण्यास 

असमर्थ वाल्मिकी अन व्यास 

*

स्वर्गाचे भूतलात रूपांतर करण्याच्या तुझ्या कौशल्याने 

दृष्टीस पडेल सत्य युगाची पहाट 

हेच आहे ते वसंतयुग, आद्य युग 

हा तर ऋतु वसंत देवांचा !

*

उर्वरित प्रकरण पुढील भागात ..... 

जय साईराम     

 

ॐ श्री साई वसंतसाईसाय नमः 

सुविचार 

        " प्रत्येक गोष्टीकडे परमेश्वरी लिला या दृष्टिकोनातून पाहिल्यास तुम्हाला दिव्यानंदाची अनुभूती होईल. "

भाग - नववा 

आत्मगीते 

उघड केलेस गुपित तू नारायण बनण्याचे 

दर्शविलेस तू, 

नर करीत आत्मशुद्धी 

सामर्थ्य प्राप्त होई त्यासी, 

पृथ्वीचा कायापालट करण्याचे. 

दर्शविलेस सूत्र तू,

नरास कालातीत बनण्याचे 

भावभावनांचा मूलस्रोत, मूलाधार चक्र 

जोडीत सहस्रारवासी परमात्म्याशी 

नर होई कालातीत !

*

जो म्हणे, ' मी, माझे, माझा नावलौकिक '

तो अपव्यय करी ऊर्जेचा 

तो बिघडवतो स्वतःस आणि इतरांस 

जो म्हणे ' मी नाही, मी नाही ' 

तो न जाणे स्वसामर्थ्य 

तो करीतो उन्नत स्वतःस आणि इतरांस !

 *

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

        " जर कोणी तुम्हाला त्रास देत असेल तर त्याचा क्रोध परमेश्वराचा क्रोध आहे असे मानून आनंद घ्या ."

भाग नववा 

आत्मगीते 

डोळे मिटून हो निद्राधीन 

स्वप्नात आपण करून संभाषण 

डोळे मिटून हो आसनस्थ 

ध्यानात आपण करू संभाषण 

विसरून जा भूतलास 

महालात आपल्या, आपण करू संभाषण 

*

प्रेमात सारे आकंठ बुडवूनी झालीस तू चंद्रमा 

ज्ञानाची कवाडे उघडुनी झालीस तू सूर्य 

पाहूनी सत्य दृष्टीने, झालीस तू सत्य 

प्रेमचंद, ज्ञानसूर्य, सत्य, सदा तुझ्या समवेत !

*

जन्मतः आरंभिलास तू प्रेमयज्ञ 

तव हृदय हेचि यज्ञकुंड 

दिव्य प्रेमास जे वंचित असती 

त्यांच्या कल्याणाप्रित्यर्थ 

करीतो मी रुद्रयज्ञ. 

होऊनी कायापालट, होईल सारे मंगलमय !

*

उर्वरित प्रकरण पुढील भागात ..... 

जय साईराम 

 ॐ श्री साई वसंतसाईसाय नमः 

सुविचार 

      " सज्जन असो वा दुर्जन परमेश्वर प्रत्येकाच्या अंतर्यामी वास करतो."

भाग - नववा 

आत्मगीते 

त्या एकातून विलग होऊन 

न्याय मागितला तू सकलजनांकडे 

परिवर्तन करून देहाचे ज्योतीत 

दर्शवशील तू 

प्रभू परमेश अन् अर्धांगिनी त्याची 

आहेत एक ! आहेत एक ! आहेत एक 

*

लाविलास दावा तू परमेश्वराविरुद्ध 

अन् - केलेस उभे त्यास आरोपीच्या पिंजऱ्यात 

आता निकालही घोषित केलास तूच 

' करुनी विश्वसंहार, नवनिर्मिती कारेन मी 

अन्.... पुन्हा एकवार त्या पूर्णावतारास 

भूतली घेऊन येईन मी !'

*

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

" तो केवळ एकच आहे, तो एकातूनच अनेक झाला आहे. " 

भाग - नववा 

आत्मगीते 

... पाहुनी त्यासी आकाश म्हणे .... 

' नवजन्म घेतो मी प्रत्येक युगात 

परि मानवी कामना मज करिती प्रदूषित 

केवळ आताच ऐकू येई मज ती दिव्य वाणी 

पाहण्या सर्वांसी ' त्याचे ' व्यक्त भाव !

कुंठीत झालो मी त्या युगायुगांच्या ध्वनीने 

दुमदुमल्या दाही दिशा, दिव्य वाणीने अन् स्तुतिगानाने 

न्हाऊन निघालो मी त्यांच्या कृपाप्रसादाने !'

*

अमृत मधुरा ! माझ्या प्रियतमे,

अवतारकथेची आहेस तू प्रस्तावना 

तुझ्या पातिव्रत्याच्या ज्योतीने 

बेचिराख केली कामना. अन्... 

प्रकट केले - सत्य त्रियुग अवताराचे  

*

उर्वरित प्रकरण पुढील भागात 

जय साईराम  

ॐ श्री साई वसंतसाईसाय नमः 

सुविचार 

         " विवेक बुद्धी हा आपला आतील आवाज आहे. जेव्हा आपण चूक करतो तेव्हा तो आपल्याला योग्य मार्गदर्शन करतो. हा सत्य आणि सचोटीचा आवाज आहे." 

भाग नववा 

आत्मगीते 

..... पाहुनी त्यासी अग्नी म्हणे ..... 

माझा सहभाग नको का यात ?

करोनी भस्मसात सारे अमंगल 

जपेन त्यांचे प्रेमविश्व दिव्य ज्योतीसम 

कोणाही न दिसोत दोष त्यांच्यात 

सदोष दृष्टीचा साचा नसेल तेथ

बहाल करेन ज्ञानचक्षू सकल जनास 

.... पाहुनी त्यासी जल म्हणे .....

' पूर्वीच्या काळी 

करिती पालन वचनांचे बळीराजासम

शब्दासाठी प्राण त्यागती 

सत्यासाठी सर्वस्व त्यागिले हरिश्चंद्राने 

राज्य, दारा, सूत, त्यागूनी राखण केली स्मशानात 

कालिच्या लोकांकडे पवित्रता नाही शब्दांची 

त्यास्तव दुःख भोगतो मी ' 

मंगल घटिका आली आता 

अपशब्दांनी प्रेमाचा अवमान न व्हावा. 

स्वर्गातून बरसेन मी 

पवित्र गंगेसम 

नद्या, जलौघ, महासागर वाहतील दुथडी भरून 

पावित्र्य परतू दे !

' प्रेम महिमा ' गातील शब्द अन सूर !   

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः

पूर्ण अवतार 

पुष्प - ३५ 

१) जर तुम्हाला राग आला असेल तर मौन बाळगा. परमेश्वराच्या कोणत्याही रूपाचे नाम उच्चारण करा. ज्या गोष्टींमुळे तुम्हाला वारंवार राग येतो त्या गोष्टी टाळण्याचा प्रयत्न करा. 

२) ह्या क्षणापासून पुढे सर्व वाईट सवयींचा त्याग करा. त्यास विलंब करू नका वा पुढे ढकलू नका. त्या कधीही तुम्हाला आंनद देणार नाही. 

३) गरीबास दरिद्री नारायण माना ( परमेश्वराला दरिद्री रूपात पाहणे. ) आणि त्यांना अन्नदान करा. किमान थोड्या वेळासाठी, तरी त्यांना आनंदी बनवा. 

४) इतरांनी तुम्हाला कसे वागवावे ह्या अपेक्षेनुसार तुम्ही इतरांना वागवावे. 

५) अज्ञानातून केलेल्या चुका व पापं ह्याबद्दल पश्चाताप होऊ दे. सदैव सन्मार्गाचे अनुसरण करण्यासाठी परमेश्वराकडे प्रार्थना करा त्यातून तुम्हाला धैर्य आणि शक्ती प्राप्त होईल. 

६) वस्तु वा सुखसोयींना तुमच्या जवळ फिरकु देऊ नका अन्यथा त्या तुमच्या परमेश्वराप्रत पोहोचण्याच्या इच्छेचा नाश करतील. 

७) भ्याडपणास अजिबात स्थान देऊ नका सदैव शाश्वत आनंदाच्या स्थितीत राहा. 

८) लोकांच्या स्तुतीसुमनांनी हुरळुन जावू नका. लोकांच्या दूषणांनी दुःखी होऊ नका. 

९) जर तुमच्या दोन मित्रांमध्ये एकमेकांविषयी द्वेष वा भांडणे असतील तर तुम्ही त्याचा मोठा मुद्दा न बनवता तुम्ही प्रेमाने व सहानभूतीने दोघांमधील जुनी मैत्री पुन्हा प्रस्थापित केली पाहिजे. 

१०) इतरांमधील दोष शोधू नका. त्याऐवजी तुमच्या स्वतःमधील दोष शोधा. व त्यांचे समूळ उच्चाटन करा. स्वतःचे परिक्षण करून शोधलेला एक दोष, इतरांमधील शोधलेल्या १०० दोषांहून तुमच्यासाठी हितकारक आहे. 

११) तुम्ही जरी एखादे पवित्र वा सत्कर्म केले नाही तरी चालेल परंतु पाप व दुष्कर्म करू नका. 

१२) इतरांनी तुमच्यामधील दोष दाखवल्यावर राग मानू नका. तुमच्यामधील दोष नाहीसा करण्यासाठी ते सहाय्यकरी ठरते. त्या बदल्यात इतरांमधील दोष शोधणे निरर्थक आहे. जरी तुमच्यामध्ये त्यांनी दाखवलेला तो दोष नसला तरी तुम्ही दुःख मानू नका.  

१३) जर तुमच्याकडे मोकळा वेळ असला तर तो वायफळ गप्पांमध्ये वाया न घालवता ध्यान वा सेवा ह्यामध्ये व्यतीत करा. 

१४) केवळ भक्त परमेश्वरास जाणतो व केवळ परमेश्वर भक्तास जाणतो. अन्य कोणीही जाणणार नाही. म्हणून ज्यांच्या मनात भक्तीभाव नाही त्यांच्याशी परमेश्वराविषयी बोलू नका. अन्यथा अशा लोकांशी बोलल्याने तुमचा भक्तीभाव कमी होऊ शकतो. 

१५) तुम्ही पुण्यकर्म वा सत्कर्म करू शकत नसाल वा करणार नसाल तर कोणतेही पापकर्म वा दुष्कर्म करण्याचा विचार वा कृती करू नका.  

१६) तुम्ही जाणत असलेल्या तुमच्यामधील दोषांविषयी लोकं काहीही बोलले तरी त्यावर भावनिक होऊ नका. त्याऐवजी लोकांनी त्यावर काही बोलण्याअगोदरच तो दोष तुमच्यामधून काढून टाका. तुमचे दोष दाखवणाऱ्या व्यक्तिबद्दल मनामध्ये राग वा कटूता बाळगू नका व प्रत्युत्तर म्हणून त्याचे दोष न दाखवता त्यांच्यापाशी कृतज्ञता व्यक्त करा. त्यांचे दोष काढणे ही तुमची घोडचूक ठरेल. तुमचे दोष तुम्हाला समजणे हे तुमच्यासाठी हितकारक आहे. इतरांचे दोष समजणे हे तुमच्यासाठी चांगले नाही. 

१७) जर कोणी तुमच्याशी एखाद्या विषयासंदर्भात गैरसमजूत करून घेऊन बोलली तर त्याच्या चुकीच्या समजूतीचा विचार करून त्यास पाठींबा देऊ नका. त्याच्या बोलण्यामधील फक्त चांगला अर्थ समजून घ्या. खऱ्या अर्थाची प्रशंसा करणे वांछनीय आहे. परंतु त्याला गैरअर्थ लावणे व त्याचे अनेक अर्थ काढणे हे केवळ आनंदाला बाधा आणणारे आहे . 

१८) जर तुम्हाला मनाची एकाग्रता विकसित करायची असेल तर तुमची नजर, गर्दीमध्ये बाजारामध्ये सर्वत्र भिरभिरू देऊ नका. केवळ तुमच्या पायाखालच्या रास्ता पाहा व कोणाशी धडक (टक्कर) होऊ नये म्हणून आवश्यक तेवढे आजूबाजूस पाहा. अन्य रूपांवर दृष्टीक्षेप टाकू नका. असे केल्याने तुमची एकाग्रता अधिक दृढ होईल. 

१९) गुरु आणि परमेश्वर ह्यांच्याविषयी मनात काही शंकाकुशंका असतील तर त्यांचा त्याग करा. जर तुमच्या भौतिक इच्छांची पूर्ती झाली नसेल तर तुमच्या भक्तीवर दोषारोप करू नका. कारण अशा इच्छा आणि ईश्वरभक्ती ह्यांच्यामध्ये काहीही संबंध नाही. आज न उद्या ह्या भौतिक इच्छांचा त्याग करावाच लागतो. व भक्तीचा कधी ना कधी तरी अंगीकार करावा लागतो. ह्याची पक्की खात्री बाळगा. 

२०) जर तुमची जप व ध्यान ह्यामध्ये योग्य प्रगती होत नसले. वा तुमच्या मनातील इच्छांची पूर्ती होत नसेल. ह्याचे खापर परमेश्वरावर फोडू नका. त्याने तुमचे मनोधैर्य अधिक खचेल व तुम्ही शांती गमावून बसाल. जप व ध्यान करताना नाउमेद होऊ नका. असे भाव मनात आल्यास तुमच्या साधनेत काहीतरी दोष आहे असे मानून त्यामध्ये योग्य ती सुधारणा करण्याचा प्रयत्न करा. 

जय साईराम   

 ॐ श्री साई वसंतसाईसाय नमः 

जन्मदिन संदेश

         " केवळ मौन हीच आत्मज्ञानी मनुष्याची भाषा आहे. मितभाषी होण्याचा सराव करा. ते तुम्हाला अनेक मार्गानी सहाय्य करेल. अविचाराने उच्चारलेल्या शब्दांमधून निर्माण झालेले अनेक गैरसमज व कलह मिटून त्याठिकाणी निःस्वार्थ प्रेम विकसित होईल. जर पाय घसरला व जखम झाली तर ती भरून निघते तथापि जीभ घसरून दुसऱ्याच्या काळजाला झालेली जखम जन्मभर चिघळत राहते. चार मोठ्या चुकांसाठी जिभेला जबाबदार धरले जाते. असत्यकथन, दोषारोपण, इतरांमधील दोष शोधणे व अतिवाचाळता. जर व्यक्तिगत तसेच सामाजिक शांती हवी असेल तर हे सर्व टाळले पाहिजे. जर लोक मितभाषी व मधुरभाषी बनले तर वैश्विक बंधुत्वाचा बंध अधिक बळकट होईल. आध्यात्मिक ग्रंथांमधून साधकांना मौन व्रत घेण्याचा उपदेश केला जातो. तुम्ही सर्वजण ह्या आध्यात्मिक मार्गाच्या विविध टप्प्यांवरील साधक असल्याने तुमच्यासाठीही ही साधना मोलाची आहे."

- बाबा 

२२ जुलै १९५८ च्या दिव्य संदेशातून.

जय साईराम 

 

ॐ श्री साई वसंतसाईसाय नमः 

सुविचार 

" व्यक्तिगत आवडनिवडीने अंतर्ज्ञानाला झाकोळले आहे."  

भाग - नववा 

आत्मगीते 

...... पाहुनी त्यांसी धरती म्हणे ..... 

त्या दिव्य दंपतीच्या वास्तव्यास, 

त्यांचे विशुद्ध, कोमल प्रेम जपण्यास 

करुनी कायापालट,

मऊशार, मृदु बनेन मी 

..... पाहुनी त्यासी वायू म्हणे ..... 

माझाही सहभाग हवा न यात !

करेन रक्षण त्या प्रेमाचे वादळवारे रोखून 

लय प्रेमाची बिघडून न देईन 

बनेन आसरा, रक्षक होईन. 

कारण स्पर्श करिता, प्रेम होते कलंकित 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

        " दिव्यत्व आपला खरा स्वभाव आहे, हे सत्य जाणून, कोणत्याही गोष्टीने संभ्रमित न होणे हे ज्ञानाचे सौंदर्य आहे."

भाग - नववा 

आत्मगीते 

स्वामींनी लिहिलेल्या कविता 

            परमेश्वराचा शोध घेत असता मी एकही क्षण वाया घालवत नाही. माझा प्रत्येक विचार आणि प्रत्येक भाग परमेश्वराशीच निगडित असतो. त्याला प्रतिसाद म्हणून स्वामी आता त्यांचे भाव व्यक्त करत आहेत. या काही कविता स्वामींनी मला ध्यानात सांगितल्या. 

' आपुल्या प्रेमाचा खजिना नाही बंदिस्त, पेटीत दागिन्यांच्या 

खुला ठेवला चौराह्यावर, पडण्या दृष्टीस सकलांच्या !'

" या! या! सकलजन !

पाहा, पाहा अन् जाणून घ्या "..... करीशी तू पाचारण 

ते पाहो वा न पाहो 

दृष्टीस पडे धरतीच्या 

उर्वरित प्रकरण पुढील भागात 

जय साईराम  

ॐ श्री साई वसंतसाईसाय नमः 

सुविचार 

        " एखाद्याच्या जन्मापासून मृत्युपर्यंत उमटलेले भावच मनावर उमटलेले दीर्घ ठसे असतात ."

भाग - नववा 

आत्मगीते 

कोरस 

सुखाची आस का अंतरी 

वा कांक्षा मनी धनदौलतीची 

अंतर्मुख होऊनी 

करा साधना, करा साधना 

अंतरीचा मार्ग आक्रमा 

तेजोमय होवो अंतर्ज्योत 

दूर करा अज्ञानरात 

त्याग करीता साधनाफलाचा 

मुक्तीताऱ्याचे दर्शन होईल तुम्हा !

कोरस 

सुखाची आस का अंतरी 

वा कांक्षा मनी धनदौलतीची 

अंतर्मुख होऊनी 

करा साधना, करा साधना 

अंतरीचा मार्ग आक्रमा 

*

उर्वरित प्रकरण पुढील भागात 

जय साईराम  

 ॐ श्री साई वसंतसाईसाय नमः 

सुविचार 

       " आत्मसाक्षात्कार झालेल्या योग्यांसाठी वेदांचा उपयोग एवढाच असतो जेवढा एखाद्या पाण्यानी तुडुंब भरलेल्या ठिकाणी असलेल्या छोट्याशा सरोवराचा !"

भाग - नववा 

आत्मगीते 

स्तूप गीत - साधना करा 

हे मुढजनांनो, 

शोध घेताय तुम्ही कशाचा ?

या बाह्य मायावी जगतात 

शोध घेताय तुम्ही कशाचा ?

कोरस 

सुखाची आस का अंतरी ?

वा कांक्षा मनी धनदौलतीची ?

अंतर्मुख होऊनी 

करा साधना, करा साधना 

अंतरीचा मार्ग आक्रमक 

हृदयातील तिमिरात 

दिसे एक दिव्य ज्योती 

तोचि अंतरात्मा जाणोनी 

द्या दृढ आलिंगन त्यासी, द्या दृढ आलिंगन त्यासी 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

   " प्रज्ञान म्हणजे अंतर्ज्ञान, हे परमज्ञान आपल्या प्रत्येकामध्ये आहे."

भाग - नववा 

आत्मगीते 

प्रभू, साक्षात् इथे या क्षणी 

प्रभू, साक्षात् इथे या क्षणी 

साई आपुला प्रभू 

आपला प्रभू आहे येथे 

आपुल्या प्रतीक्षेत 

साईराम 

उठा,  जागे व्हा 

प्रभू साक्षात् ठाकला तुमच्या समोर 

मुक्ती प्रत्येक राष्ट्रासी 

मोक्षप्राप्ती प्रत्येक जीवासी 

समस्त विश्वबंधवांनो, 

या, सामील व्हा या सोहळ्यात 

साई आपुला प्रभू 

प्रेम आपुला मार्ग 

मुक्ती आपुला श्वास 

धर्म आपुली कर्म 

ना विचार ना चिंता 

ना बंधन ना बंध 

ना दुःख ना सुख 

उठा ! जागे व्हा !

प्रभू, साक्षात् इथे या क्षणी 

प्रभू, साक्षात् इथे या क्षणी 

सारेच आपुले आप्तजन 

साई आपुला प्रभू 

आपला प्रभू आहे येथे 

आपुल्या प्रतीक्षेत 

साईराम 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

        " आत्मा म्हणजे काय ? ते शुद्ध चैतन्य आहे. जो अविनाशी, अजन्मा, अमर आहे."

भाग - नववा 

आत्मगीते 

मुक्ती गीत 

येथे आहे आपला प्रभू 

आपला प्रभू येथे आहे 

आपुल्या प्रतीक्षेत 

साईराम 

उठा, जागे व्हा 

प्रभू साक्षात ठाकला तुमच्या समोर 

मुक्ती प्रत्येक राष्ट्रासी 

मोक्षप्राप्ती प्रत्येक जीवासी 

समस्त विश्वबांधवांनो, 

या, सामील व्हा या सोहळ्यात

मुक्ती आपलं जन्मसिद्ध हक्क 

नका घेऊ माघार 

आपण मुक्त होणार 

आपण मुक्त होणार  

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः 

सुविचार 

          " सर्वकाही परमेश्वर आहे. प्रत्येक गोष्ट परमेश्वराचेच रूप आहे. तेथे केवळ परमेश्वरच आहे अन्य काही नाही."

भाग - नववा 

आत्मगीते 

आजवर नेहमीच होत आली धर्मसंस्थापना 

हे त्याचेच महान, पुरातन फळ 

परि या फळास लागली कीड 

म्हणून डळमळला राजमार्ग 

द्वापारयुगात केला त्यांनी लहानसा अभिनव प्रयोग 

यशस्वी झाला प्रयोग !

हे तर प्रेमाचे यश !

" दर्शविण्या या प्रयोगाचे विराट स्वरूप 

अवतार घेतो मी एक नूतन 

पुन्हा एकवार कार्य माझे केवळ धर्मसंस्थापनेचे 

परि तिचे कार्य आगळे - वेगळे, विरहवेदना न साहवती तिज 

त्या प्रीत्यर्थ तिने घातला पाया राजमार्गाचा, प्रेमग्राम अन् प्रेम धुळीने 

एक कुशल अभियंता ती !

धर्ममार्ग न खोदता 

घातला तिने प्रेमाचा पाया."

*

उर्वरित प्रकरण पुढील भागात ..... 

जय साईराम   

ॐ श्री साई वसंतसाईसाय नमः 

सुविचार 

      " प्रेमाला कोणी मर्यादा घालू शकते का ? संकुचित कृती अनिर्बंध प्रेमाची अनुभूती घेऊ देत नाही तर ती केवळ दोष शोधून काढते."

भाग - नववा 

आत्मगीते 

भेटी दिली आम्ही दुसऱ्या स्थानास 

ही तर प्रयोगशाळा स्थळकाळाची 

आसनस्थ होते तेथे अनेक सोत्सुक 

ते म्हणाले,

" कलियुगात ठसे नाहीत 

केवळ कलिचा महिमा 

तुमच्या प्रयोगाच्या निष्पत्तीतून 

आम्ही सत्य जाणले."

चला आता करू विश्लेषण 

माझ्या पुस्तकातील नोंदींचे 

" जोवरी द्वापारातील प्रेमाचे 

ठसे ना उमटती खोलवर जनमानसी 

तोवर नाही कलिस उध्दरण."

स्वामी पुढे म्हणती ... 

संहारविना करण्या कलिचे रक्षण 

संकल्प आपला, करू पुन्हा अवतरण 

उर्वरित प्रकरण पुढील भागात ..... 

जय साईराम      

ॐ श्री साई वसंतसाईसाय नमः 

सुविचार 

"अनासक्त जीवन जगणे म्हणजेच मुक्ती होय."

भाग नववा 

आत्मगीते 

अंतरिक्ष यात्रा 

स्वामी अन् मी अंतरिक्ष यात्रा करत होतो 

गोल गोल गिरक्या घेत होतो 

स्थळ आणि काळाची पडली गाठ 

काळाच्या दिवाणखान्यातून जाता जाता 

दृष्ट्टीस पडले एक भव्य चिन्ह 

स्वामींना विचारता म्हणाले,

' त्रेतायुगाचे चिन्ह ' 

वळून पाहता दृष्टीस पडला 

राजपथ, रजन्याय 

धर्मस्थापना, धर्ममार्ग 

अजून एक बालशाही चिन्ह 

' द्वापार धर्मचिन्ह '. 

स्वामी म्हणाले,

" या चिन्हात आहे छोटेसे वळण 

अस्पष्ट आहेत अनेक चिन्ह "

मी विचारले," स्वामी हे काय आहे ?

मला समजले नाही. "

हे प्रियतमे, 

" छोटेसे वळण हे चिन्ह आहे प्रेमाचे 

नोंद कर याची तुझ्या पुस्तिकेत 

नांतर ते पाहूया आपण."

तद्नुसार नोंद केली मी त्याची 

उर्वरित प्रकरण पुढील भागात ..... 

जय साईराम   

ॐ श्री साई वसंतसाईसाय नमः 

पूर्ण अवतार 

पुष्प - ३४

            दशावतारांचा एक अवतार म्हणजे पूर्ण अवतार होय. श्री सत्यसाई बाबा पूर्ण अवतार आहेत. ह्या एका अवतारकार्यामध्ये प्रत्येक अवतारातील कार्यांचा समावेश आहे. हे कलियुग अत्यंत वाईट आहे. ह्यामध्ये प्रेमाचा अभाव आहे. हा अवतार प्रेमावर अधिष्ठित नूतन विश्वाची निर्मिती करण्यासाठी भूतलावर आला आहे. 

१ ऑगस्ट २००९ ध्यान 

वसंता - स्वामी, मला आता हे सहन करणे अशक्य झाले आहे. तुमच्याशिवाय माझे मन कशालाही स्पर्श करत नाही. तुम्ही मला कधी बोलावणार ? 

स्वामी - रडू नकोस, लवकरच आपण एकमेकांना भेटू. मी नक्की तुला बोलावेन. 

स्वामी आणि मी स्वर्गात गेलो. अनेक देवदेवता, ऋषी मुनी तेथे आले अगस्त्य ऋषी म्हणाले," हे सर्व अवतारकार्यासाठी घडत आहे. सर्वांनी आपापल्या तपोबलाचा एक भाग ह्यासाठी दिला आहे. काळजी करू नका सर्व ठीक होईल. 

आता आपण स्वामी काय म्हणाले हे तपशीलवारपणे पाहु  या. स्वामी म्हणाले सर्व देवदेवता, ऋषी, चिरंजीवी आणि अन्य जगतातून आलेले सर्व ह्यांनी वैश्विक कर्मांसाठी  त्यांच्या तपोबलाचा एक भाग दिला आहे. वैश्विक कर्मांचा संहार हे प्रचंड महान कार्य आहे. इतर अवतारातील कार्यांसारखे नाही. कोणीही कर्मकायद्याचे उल्लंघन करू शकत नाही. तथापि सर्वांच्या कर्माचा संहार व्हायलाच हवा. मग हे कार्य पूर्ण कसे होणार ? केवळ प्रत्येकाच्या कर्मांचा समतोल राहवूनच हे कार्य करणे शक्य होईल. ह्या कार्याच्या पूर्णत्वासाठी चौदा भुवनांमध्ये वास करणाऱ्या प्रत्येकाने आपापल्या तपोबलाचा एक भाग देऊ केला आहे. हा सर्वांचा एक संयुक्त प्रयास आहे. 

             ७० वर्षांच्या वियोगामुळे परमेश्वर आणि त्याच्या शक्तीला शारिरीक आणि मानसिक त्रास सहन करावा लागत आहे. देव, ऋषी व अन्य लोकांमधील रहिवास्यांनी कर्मांच्या तराजूच्या समतोल राखण्यासाठी त्यांच्या तपोबलाची शक्ती दिली. विरहाच्या वेदनांनी मी विलाप करत असल्यामुळे ऋषींनी येऊन माझे सांत्वन केले. हजारो वर्षांपूर्वी हा संकल्प करण्यात आला होता. त्यामुळे ऋषिंनी माझ्या आणि स्वामींच्या नाडीमध्ये हे लिहून ठेवले आहे. मी स्वामींना ह्याविषयी विचारल्यावर ते म्हणाले " अनेक वर्षांपूर्वी हा संकल्प केला होता. म्हणून तो नाडीग्रंथांमध्ये लिहला आहे. हे महत्कार्य असल्यामुळे, हे ह्याच पद्धतीने घडले पाहिजे. "

            अनेक चतुर्युग लोटली. तथापि आताचे कलियुग ह्यासाठी योग्य काल आहे. गत युगामध्ये वृत्रासूराचा वध करण्यासाठी दधिची ऋषिंनी प्राणार्पण केले.त्यानंतर इंद्राने त्यांच्या मेरुदंडापासून असूरांचा वध करण्यासाठी वज्रास्त्र बनवले. ही वेगळी कथा आहे. जगातील कोट्यवधी लोकांच्या कर्मांचा संहार करणे ही काही सोपी गोष्ट नव्हे. हे अवतारिक कार्य पूर्णत्वास नेण्यासाठी १४ भुवनातील लोकांनी त्यांचे एक भाग तपोबल दिले. १० वर्षांपूर्वी  ऋषिंनी स्वामींच्या आणि माझ्या नात्याचे अशंतः वर्णन केले होते. त्यांनी मुक्ती निलयमविषयीही लिहले होते. आता १० वर्षांनंतर अधिक उघड करत आहेत. स्वामींच्या नाडीमध्ये हे स्पष्ट लिहिले आहे की स्वामी आणि मी आम्ही जगत् पिता व जगत् माता आहोत. ह्या पालकांच्या वियोगामुळे जगातील सर्वजण दुःख भोगत आहेत. त्यांचा योग झाल्यावर जगामधील दुःखांचा अंत होईल. तथापि आम्हा दोघांची भेट होण्यामध्ये वैश्विक कर्मांचा अडथळा येत आहे. परिणामतः देवांना व ऋषिंना आपले तपोबल द्यावे लागले. स्वामींचे अवतार कार्य यशस्वी होण्यासाठी आपण एकजूट व्हायला हवे हे त्यांना माहित आहे. अज्ञानामुळे जगातील लोकांनी आम्हाला विलग केले. आता देव, ऋषी व १४ भुवनांमध्ये  वास करणाऱ्यांनी, स्वामी आणि मी, आम्हा दोघांची भेट होऊन वैश्विक कर्मांचा संहार करण्यासाठी एक मार्ग शोधून काढला आहे. 

*****

संदर्भ - श्री वसंतसाईंच्या ' SatyaSai Baba - 10 Avatars in 1 ' ह्या पुस्तकातून. 

जय साईराम 

ॐ श्री साई वसंतसाईसाय नमः 

जन्मदिन संदेश 

वसंतामृतवाणी 

आपण आपल्या जीवनामध्ये कोणत्या तत्वांचे अनुसरण करावे ह्या विषयी भगवान श्री सत्यसाई बाबांनी त्यांच्या संदेह निवारिणी ह्या पुस्तकामध्ये थोडक्यात दिले आहे. 

मनुष्याने जीवनामध्ये अनुसरण करावीत अशी काही महत्त्वाची तत्त्व मी खाली देत आहे. 

१. प्रेम हा जीवनाचा श्वास आहे असा विश्वास बाळगा. 

२. प्रेम हाच परमात्मा आहे जो सर्व गोष्टींकडे समत्वाने पाहतो. 

३. प्रत्येकामध्ये तो एकच परमात्मा प्रेमरूपामध्ये विद्यमान आहे. 

४. ज्यांना परमानंद प्राप्त करण्याची इच्छा आहे त्यांनी इंद्रियसुखांचा पाठपुरावा करू नये. 

५. जीवनदायी श्वासासारखे सत्याचे अनुसरण करावे. जसे मृत शरीर काही तासातच कुजते व शरीराला दुर्गंध सुटते तसे सत्याविना जीवन हे जीवनासाठी अयोग्य असेल व दुर्गंधीने भरलेले असेल. 

६. सत्याहून अधिक श्रेष्ठ असे काहीही नाही . सत्याहून अधिक मूल्यवान असे काहीही नाही. सत्याहून अधिक मधुर असे काहीही नाही. सत्य शाश्वत आहे. 

७. सत्य हाच परमेश्वर, जो तुमचे सर्वांपासून संरक्षण करतो. सत्याहून अधिक श्रेष्ठ असा कोणीही रक्षणकर्ता नाही. सत्यस्वरूप परमेश्वर सत्यवाक आणि प्रेमाने ओथंबलेले हृदय असणाऱ्यांना त्याचा धर्म प्रदान करतो. 

८. सर्व जीवांना प्रेम आणि करुणा द्या. निःस्वार्थ जीवन जगा. 

९. प्रत्येकाने इंद्रिय नियंत्रण करणे सद्गुणांची जोपासना करणे आणि अनासक्त वृत्ती अंगी बाणवणे आवश्यक आहे. 

१०. करू नयेत अशा ४ गोष्टी - परनिंदा करणे इतरांमधील चुका अथवा दोष दर्शवणे, एखाद्याच्या अनुपस्थितीत त्याची निंदा करणे. वायफट बडबड करणे. 

११. देहाद्वारे केलेली ५ पातके - हत्या, चोरी, लबाडी, अमली पदार्थांचे व्यसन मांसाहार ज्यांना उदात्त जीवन जगायचे आहे त्यांनी ह्या सर्व गोष्टी टाळल्या पाहिजेत. 

१२. ८ प्रकारची मानसिक पातके - काम (इच्छा), क्रोध, लोभ , मोह, मद , मत्सर , सुरवासीनता आणि द्वेष . इतरांचा उत्कर्ष पाहून त्यांचा मत्सर करू नका व इतरांना त्रास देऊ नका. 

१३. इतरांच्या आनंदात आपण आनंद मानला पाहिजे. 

१४. रंजल्या गांजल्यांविषयी मनामध्ये करुणा बाळगा व त्यांच्यासाठी प्रार्थना करा. त्यांना मदत करा. असे केल्याने भगवानांप्रती प्रेम वृद्धींगत होते. 

१५. केवळ सबूरी मनुष्याला आवश्यक तेवढी शक्ती प्रदान करते. 

१६. ज्यांना आनंदी राहण्याची इच्छा आहे त्यांनी नेहमी सत्कर्म केली पाहिजेत. 

१७. मनुष्याने प्रेमाने क्रोधावर, विवेकाने आसक्तीवर, सत्याने असत्यावर, मंगलाने अमंगलावर आणि दानाने लोभावर विजय मिळवला पाहिजे. 

१८. दुर्जनांच्या अपशब्दांना प्रतिउत्तर देऊ नका. त्यांच्यापासून दूर राहा. त्यांच्याशी संपर्क ठेवू नका. हे तुमच्यासाठी हितकारक आहे. 

१९. तुमच्या अहंकाराचा त्याग करा. नेहमी सत् संगतीत राहा. 

२०. जो मनुष्य काही राष्ट्रांना आपल्या अधिपत्यांखाली ठेवतो त्याची राजा म्हणून प्रशंसा केली जाते तथापि जो आपल्या इंद्रियांना नियंत्रणाखाली ठेवतो त्याची विश्वेश्वर म्हणून प्रशंसा केली जाते. 

२१. मनुष्याने केलेल्या चांगल्या वाईट कर्मांचे परिणाम त्याच्यापर्यंत निश्चित पणे पोहोचतात. त्यामध्ये काहीही बदल होऊ शकत नाही. 

२२. मनामध्ये कुविचार येता क्षणीच त्याचा समूळ नाश करा अन्यथा तुमचे जीवन नरक बनून जाईल. 

 

जय साईराम 

ॐ श्री साई वसंतसाईसाय नमः 

अम्मांची अष्टोत्तरशत नामावली 

१. ॐ श्री साई ॐ साई प्रियै नमः 

अर्थ - साई प्रिया वसंतसाईंना माझा नमस्कार असो !

२. ॐ श्री साई ॐ साई हृदयकमल वासिन्यै नमः 

अर्थ - साईंच्या हृदय कमलामध्ये वास करणाऱ्या वसंतसाईंना माझा नमस्कार असो !

३. ॐ श्री साई ॐ साई लोकक्षेम संरक्षकायै नमः 

अर्थ - लोक कल्याणाचे रक्षण करणाऱ्या वसंतसाईंना माझा नमस्कार असो !

४. ॐ श्री साई ॐ कर्म संहारिण्यै नमः 

अर्थ - कर्मसंहार करणाऱ्या वसंतसाईंना माझा नमस्कार असो !

५. ॐ श्री साई ॐ पापविमोचनीयै नमः 

अर्थ - पापविमोचन करणाऱ्या वसंतसाईंना माझा नमस्कार असो !

६. ॐ श्री साई ॐ साईप्रिय वदनीयै नमः 

अर्थ - ज्यांचे दिव्य वदन साईंना प्रिय आहे त्या वसंतसाईंना माझा नमस्कार असो !

७. ॐ श्री साई ॐ मोक्ष प्रदायिन्यै नमः 

अर्थ - मोक्ष प्रदान करणाऱ्या वसंतसाईंना माझा नमस्कार असो !

८. ॐ श्री साई ॐ निर्मल हृदयायै नमः 

अर्थ - निर्मल हृदयी वसंतसाईंना माझा नमस्कार असो !

९. ॐ श्री साई ॐ ज्ञान दायिन्यै नमः 

अर्थ - ज्ञान प्रदान करणाऱ्या वसंतसाईंना माझा नमस्कार असो !

१०. ॐ श्री साई ॐ सत्यधर्म चारिण्यै नमः 

अर्थ - सत्य आणि धर्माच्या मार्गावरून वाटचाल करणाऱ्या वसंतसाईंना माझा नमस्कार असो !

११. ॐ श्री साई ॐ  भवभय हारिण्यै नमः 

अर्थ - भौतिक जीवनातील भवभयाचा नाश करणाऱ्या वसंतसाईंना माझा नमस्कार असो !

१२. ॐ श्री साई ॐ प्रेमामृत वारिण्यै नमः 

अर्थ - प्रेमामृताचा वर्षाव करणाऱ्या वसंतसाईंना माझा नमस्कार असो !

१३. ॐ श्री साई ॐ ज्ञानाग्निदायिन्यै नमः 

अर्थ -  ज्ञानाग्नि चेतवून ज्ञानाची तृषा पूर्ण करणाऱ्या वसंतसाईंना माझा नमस्कार असो !

१४. ॐ श्री साई ॐ आश्रित रक्षकायै नमः 

अर्थ - शरणागताचे रक्षण करणाऱ्या वसंतसाईंना माझा नमस्कार असो !

१५. ॐ श्री साई ॐ नवदुर्गायै नमः 

अर्थ - नवदुर्गा रूपिणी वसंतसाईंना माझा नमस्कार असो!

१६. ॐ श्री साई ॐ आनंदरुपिण्यै नमः 

अर्थ - सत् चित् आनंद स्वरूप वसंतसाईंना माझा नमस्कार असो !

१७. ॐ श्री साई ॐ नवरत्नखचित सिंहासनाय नमः 

अर्थ - नवरत्नखचित सिंहासनावर विराजित वसंतसाईंना माझा नमस्कार असो ! 

१८. ॐ श्री साई ॐ सर्वाभीष्ट प्रदायिन्यै नमः 

अर्थ - सर्व इष्ट मनोकामनांची पूर्ती करणाऱ्या वसंतसाईंना माझा नमस्कार असो !

१९. ॐ श्री साई ॐ मधुरवाक् देवतायै नमः 

अर्थ - मधुर वाग्देवता वसंतसाईंना माझा नमस्कार असो !

२०. ॐ श्री साई ॐ आदी-अंत रहितायै नमः 

अर्थ - आदी अंत रहित वसंतसाईंना माझा नमस्कार असो!

२१. ॐ श्री साई ॐ सुंदर मुखारविंदायै नमः 

अर्थ - सुंदर कमलवदनी वसंतसाईंना माझा नमस्कार असो !

२२. ॐ श्री साई ॐ त्रिनेत्र ललाटायै नमः 

अर्थ - ललाटी तिसरा नेत्र (ज्ञानचक्षु) धारण करणाऱ्या वसंतसाईंना माझा नमस्कार असो !

२३. ॐ श्री साई ॐ कमलाक्षियै नमः 

अर्थ - कमल नयनी वसंतसाईंना माझा नमस्कार असो !

२४. ॐ श्री साई ॐ सिंदुरवर्ण अधर शोभितायै नमः 

अर्थ - कुंकवासम लाल अधरांनी सुशोभित असणाऱ्या वसंतसाईंना माझा नमस्कार असो !

२५. ॐ श्री साई ॐ प्रणवाधारायै नमः 

अर्थ - ॐकाराचा स्रोत असणाऱ्या वसंतसाईंना माझा नमस्कार असो !

२६. ॐ श्री साई ॐ निष्कलंक हृदयायै नमः 

अर्थ - निरागस आणि निष्कलंक हृदयी वसंतसाईंना माझा नमस्कार असो !

२७. ॐ श्री साई ॐ अपरूप देहिन्यै नमः 

अर्थ - अपूर्व देह धारिणी वसंतसाईंना माझा नमस्कार असो !

२८. ॐ श्री साई ॐ पवित्रात्म देहिन्यै नमः 

अर्थ - पवित्र देह व पुण्य आत्मा धारिणी वसंतसाईंना माझा नमस्कार असो !

२९. ॐ श्री साई ॐ सृष्टी-स्थिती-लय नमः

अर्थ - सृष्टीची निर्मिती, पालन व लय करणाऱ्या वसंतसाईंना माझा नमस्कार असो !

३०. ॐ श्री साई ॐ षड्गुण संपन्नायै नमः 

अर्थ - षड्गुणांचे भांडार, वसंतसाईंना माझा नमस्कार असो !

३१. ॐ श्री साई ॐ अपमृत्यु नाशकायै नमः 

अर्थ - अकाल मृत्युस प्रतिबंध करणाऱ्या वसंतसाईंना माझा नमस्कार असो !

३२. ॐ श्री साई ॐ मातृदयारुपिण्यै नमः 

अर्थ - वात्सल्यस्वरूप वसंतसाईंना माझा नमस्कार असो !

३३. ॐ श्री साई ॐ त्रिलोक मातायै नमः 

अर्थ - त्रिलोक माता वसंतसाईंना माझा नमस्कार असो !

३४. ॐ श्री साई ॐ साधनाप्रियै नमः 

अर्थ - आध्यात्मिक साधना अत्यंत प्रिय असलेल्या वसंतसाईंना माझा नमस्कार असो !

३५. ॐ श्री साई ॐ साधकप्रियै नमः 

अर्थ - आध्यात्मिक साधकावर अतीव प्रेम करणाऱ्या वसंतसाईंना माझा नमस्कार असो !

३६. ॐ श्री साई ॐ मुक्तिस्थल वासिन्यै नमः 

अर्थ - मुक्तीस्थली वास करणाऱ्या वसंतसाईंना माझा नमस्कार असो !

३७. ॐ श्री साई ॐ नववेद मार्ग स्थापनायै नमः 

अर्थ - नूतन वेद मार्ग स्थापित करणाऱ्या वसंतसाईंना माझा नमस्कार असो !

३८. ॐ श्री साई ॐ चतुर्वेद स्तुत्यै नमः 

अर्थ - चारही वेदांनी वंदित आणि पूजीत वसंतसाईंना माझा नमस्कार असो !

३९. ॐ श्री साई ॐ अतिअद्भुत चर्यायै नमः 

अर्थ - अति अद्भूत दिनचर्या असणाऱ्या वसंतसाईंना माझा नमस्कार असो !

४०. ॐ श्री साई ॐ सर्व देवता स्वरूपायै नमः 

अर्थ - सर्व देवता स्वरूप वसंतसाईंना माझा नमस्कार असो !

४१. ॐ श्री साई ॐ दुरित निवारिण्यै  नमः 

अर्थ - त्वरित दुःख निवारण करणाऱ्या वसंतसाईंना माझा नमस्कार असो !

४२. ॐ श्री साई ॐ नित्यानंदलयायै नमः 

अर्थ - शाश्वत आनंदात तादात्म्य पावलेल्या वसंतसाईंना माझा नमस्कार असो !

४३. ॐ श्री साई ॐ क्षर-अक्षर रूपिण्यै नमः 

अर्थ - आपल्या अलौकिक ज्ञानाने अज्ञान नष्ट करणाऱ्या वसंतसाईंना माझा नमस्कार असो !

४४. ॐ श्री साई ॐ मोहक्षयायै नमः 

अर्थ - मोहक्षय करणाऱ्या वसंतसाईंना माझा नमस्कार असो !

४५. ॐ श्री साई ॐ प्रेममार्ग बोधकायै नमः 

अर्थ - प्रेममार्गाचा बोध करून देणाऱ्या वसंतसाईंना माझा नमस्कार असो !

४६. ॐ श्री साई ॐ चंचलनाशकायै नमः 

अर्थ - मनाच्या चंचलतेचा नाश करणाऱ्या वसंतसाईंना माझा नमस्कार असो !

४७. ॐ श्री साई ॐ शूलपाणिन्यै नमः 

अर्थ - त्रिशूळ धारीणी वसंतसाईंना माझा नमस्कार असो !

४८. ॐ श्री साई ॐ स्वयंज्योती प्रकाशिन्यै नमः 

अर्थ - स्वयं  ज्ञानज्योतीने प्रकाशित वसंतसाईंना माझा नमस्कार असो !

४९. ॐ श्री साई ॐ स्वयंभूलिंग आवाहनायै नमः 

अर्थ - प्राणशक्तीने स्वयंभू लिंगास आवाहन करणाऱ्या वसंतसाईंना माझा नमस्कार असो !

५०. ॐ श्री साई ॐ क्षीरसमुद्र आविर्भावायै नमः 

अर्थ - क्षीरसागरामधून उद्भवलेल्या वसंतसाईंना माझा नमस्कार असो !

५१. ॐ श्री साई ॐ जितेंद्रियायै नमः 

अर्थ - इंद्रियांवर विजय मिळवलेल्या वसंतसाईंना माझा नमस्कार असो !

५२. ॐ श्री साई ॐ मधुर मधुकर वचनीयै नमः

अर्थ - मधुर भाषिणी वसंतसाईंना माझा नमस्कार असो !

५३. ॐ श्री साई ॐ लोकशोक निर्मुलायै नमः

अर्थ - समस्त लोकांमधील सर्व दुःखांचा नाश करणाऱ्या वसंतसाईंना माझा नमस्कार असो !

५४. ॐ श्री साई ॐ नवलोक कन्यै नमः 

अर्थ - नवलोकांची कन्या वसंतसाईंना माझा नमस्कार असो !

५५. ॐ श्री साई ॐ सर्व जीव दया रुपिण्यै  नमः 

अर्थ - सर्व जीवांवर करुणा करणाऱ्या वसंतसाईंना माझा नमस्कार असो !

५६. ॐ श्री साई ॐ कामदहनायै नमः 

अर्थ - इच्छांचे दहन करणाऱ्या वसंतसाईंना माझा नमस्कार असो !

५७. ॐ श्री साई ॐ गीताचारिण्यै नमः 

अर्थ - भगवद् गीतेची शिकवण आचरणात आणणाऱ्या वसंतसाईंना माझा नमस्कार असो !

५८. ॐ श्री साई ॐ शुद्धसत्त्व स्थितायै नमः 

अर्थ - शुद्धसत्त्व स्थित वसंतसाईंना माझा नमस्कार असो !

५९. ॐ श्री साई ॐ साई आवीर्भाग देहिन्यै नमः 

अर्थ - साईंच्या देहामधून प्रकटलेल्या वसंतसाईंना माझा नमस्कार असो !

६०. ॐ श्री साई ॐ ज्ञानवैराग्य रुपिण्यै  नमः 

अर्थ - ज्ञानवैराग्य स्वरूप वसंतसाईंना माझा नमस्कार असो !

६१. ॐ श्री साई ॐ देव गंधर्व वंदितायै नमः 

अर्थ - देव, गंधर्वांना वंदनीय असणाऱ्या वसंतसाईंना माझा नमस्कार असो !

६२. ॐ श्री साई ॐ मुनिजन सेवितायै नमः 

अर्थ - ऋषी मुनी ज्यांची सेवा करतात त्या वसंतसाईंना माझा नमस्कार असो !

६३. ॐ श्री साई ॐ सर्व व्यापिकायै नमः 

अर्थ - सर्वत्र व्याप्त (वसंतमयम्) वसंतसाईंना माझा नमस्कार असो !

६४. ॐ श्री साई ॐ चिन्मय देहिन्यै नमः 

अर्थ - चिन्मय देही वसंतसाईंना माझा नमस्कार असो !

६५. ॐ श्री साई ॐ साई चित् शक्ती स्वरूपिण्यै नमः 

अर्थ -  साईंची चित् शक्ती स्वरूपा वसंतसाईंना माझा नमस्कार असो !

६६. ॐ श्री साई ॐ अष्टाक्षर प्रियै नमः 

अर्थ - ॐ नमो नारायणाय हा अष्टाक्षरी मंत्र प्रिय असणाऱ्या वसंतसाईंना माझा नमस्कार असो !

६७. ॐ श्री साई ॐ जगनमोहन रूपायै नमः 

अर्थ -  जगतास मोहित करणाऱ्या वसंतसाईंना माझा नमस्कार असो !

६८. ॐ श्री साई ॐ वेदागम अनुष्ठान प्रियै नमः 

अर्थ - वेदांमध्ये सांगितलेली धार्मिक कृत्ये प्रिय असणाऱ्या वसंतसाईंना माझा नमस्कार असो !

६९. ॐ श्री साई ॐ शरणागत रक्षणायै नमः 

अर्थ - शरणागताचे रक्षण करणाऱ्या वसंतसाईंना माझा नमस्कार असो !

७०. ॐ श्री साई ॐ त्रिकालज्ञान संपन्नायै नमः 

अर्थ - त्रिकालज्ञानी वसंतसाईंना माझा नमस्कार असो !

७१. ॐ श्री साई ॐ सर्वयोग सिद्धी प्रदायिन्यै नमः 

अर्थ - सर्व योग सिद्धी प्रदान करणाऱ्या वसंतसाईंना माझा नमस्कार असो !

७२. ॐ श्री साई ॐ साई स्तोत्र संतुष्टायै नमः 

अर्थ - साईनामाच्या उच्चारणाने सदा संतुष्ट असणाऱ्या वसंतसाईंना माझा नमस्कार असो !

७३. ॐ श्री साई ॐ अखंडाकार रुपिण्यै नमः 

अर्थ - अखंड ब्रम्हांड रूपिणी वसंतसाईंना माझा नमस्कार असो !

७४. ॐ श्री साई ॐ वाक् अतीत प्रभावायै नमः 

अर्थ - ज्यांची थोरवी शब्दातीत आहे त्या वसंतसाईंना माझा नमस्कार असो !

७५. ॐ श्री साई ॐ समस्त लोक अभय प्रदायिन्यै नमः 

अर्थ -  समस्त लोकांना अभय देणाऱ्या वसंतसाईंना माझा नमस्कार असो !

७६. ॐ श्री साई ॐ समस्त लोक मुक्ती प्रदायिन्यै नमः 

अर्थ - समस्त लोकांना मुक्ती प्रदान करणाऱ्या वसंतसाईंना माझा नमस्कार असो !

७७. ॐ श्री साई ॐ गीतामृत उपासिन्यै नमः 

अर्थ - गीतामृताची उपासना करणाऱ्या वसंतसाईंना माझा नमस्कार असो !

७८. ॐ श्री साई ॐ साई प्रिय देवीयै नमः 

अर्थ - साईंना प्रिय असणाऱ्या देवी वसंतसाईंना माझा नमस्कार असो !

७९. ॐ श्री साई ॐ सत्यभूषणायै नमः 

अर्थ - सत्याचे (सत्यसाईंचे) भूषण असणाऱ्या वसंतसाईंना माझा नमस्कार असो !

८०. ॐ श्री साई ॐ चिदाकाश वासिन्यै नमः 

अर्थ - चिदाकाश निवासिनी वसंतसाईंना माझा नमस्कार असो !

८१. ॐ श्री साई ॐ सर्वयाग देवतायै नमः 

अर्थ - सर्व यज्ञांची देवतास्वरूपा वसंतसाईंना माझा नमस्कार असो !

८२. ॐ श्री साई ॐ विद्यावाहिन्यै नमः 

अर्थ - विद्या वाहिनी वसंतसाईंना माझा नमस्कार असो !

८३. ॐ श्री साई ॐ शत्रूक्षमायै नमः 

अर्थ - आपल्या शत्रूला क्षमा करणाऱ्या वसंतसाईंना माझा नमस्कार असो !

८४. ॐ श्री साई ॐ सर्वलोक पंडित पादपंकजायै नमः 

अर्थ - सर्व लोकांमधील पंडितांना, ज्यांचे चरणकमल वंदनीय आहेत त्या वसंतसाईंना माझा नमस्कार असो !

८५. ॐ श्री साई ॐ सर्वभूत हितप्रियै नमः 

अर्थ - सर्व भूतांचे हित (जीवनमुक्त अवस्था ) ज्यांना प्रिय आहे त्या वसंतसाईंना माझा नमस्कार असो !

८६. ॐ श्री साई ॐ साई हृदयानंद दायिन्यै नमः 

अर्थ - साईंना हृदयानंद देणाऱ्या वसंतसाईंना माझा नमस्कार असो !

८७. ॐ श्री साई ॐ साई सहायिनी नमः 

अर्थ - साईंना सहाय्य करणाऱ्या वसंतसाईंना माझा नमस्कार असो !

८८. ॐ श्री साई ॐ पंचदशाक्षरी नमः 

अर्थ - पंचदशाक्षरी मंत्रस्वरूपा वसंतसाईंना माझा नमस्कार असो !

८९. ॐ श्री साई ॐ तापत्रय विमोचनायै नमः 

अर्थ -  त्रिविध तापांचे विमोचन करणाऱ्या वसंतसाईंना माझा नमस्कार असो !

९०. ॐ श्री साई ॐ साई जीवनायै नमः 

अर्थ - स्वामींची प्राणस्वरूपिणी वसंतसाईंना माझा नमस्कार असो !

९१. ॐ श्री साई ॐ त्रिलोक कुटुंबिन्यै नमः 

अर्थ - त्रिलोकास आपले कुटुंब मानणाऱ्या वसंतसाईंना माझा नमस्कार असो !

९२. ॐ श्री साई ॐ स्वर्णनिलय वासिन्यै नमः 

अर्थ - सुवर्ण निलयवासिनी वसंतसाईंना माझा नमस्कार असो !

९३. ॐ श्री साई ॐ तेजोमयायै नमः 

अर्थ - परमतेजोमयी वसंतसाईंना माझा नमस्कार असो !

९४. ॐ श्री साई ॐ रमणीय रुपिण्यै नमः 

अर्थ - रमणीय रूपिणी वसंतसाईंना माझा नमस्कार असो!

९५. ॐ श्री साई ॐ नवभक्ती उपासिन्यै नमः 

अर्थ - भक्तिच्या नित्य नूतन मार्गांनी उपासना करणाऱ्या वसंतसाईंना माझा नमस्कार असो !

९६. ॐ श्री साई ॐ लोक परिपालिन्यै नमः 

अर्थ - समस्त लोकांचे परिपालन करणाऱ्या वसंतसाईंना माझा नमस्कार असो !

९७. ॐ श्री साई ॐ राधारुपिण्यै नमः 

अर्थ - राधा रूपिणी वसंतसाईंना माझा नमस्कार असो !

९८. ॐ श्री साई ॐ अपराजितायै नमः 

अर्थ - अपराजिता वसंतसाईंना माझा नमस्कार असो !

९९. ॐ श्री साई ॐ साई बंधनायै नमः 

अर्थ - साईंना आपल्या प्रेमपाशात बद्ध करणाऱ्या वसंतसाईंना माझा नमस्कार असो !

१००. ॐ श्री साई ॐ सत् चित् आनंद स्वरूपिण्यै नमः 

अर्थ - अखंड सत् चित् आनंद स्वरूपिणी वसंतसाईंना माझा नमस्कार असो !

१०१. ॐ श्री साई ॐ साई शिरसालंकृत स्यमंतकमणी नमः 

अर्थ - साईंच्या मुकुटातील शोभायमान स्यमंतकमणी असणाऱ्या वसंतसाईंना माझा नमस्कार असो !

१०२. ॐ श्री साई ॐ साई नयन दीक्षन्यै नमः 

अर्थ - साईंचे पूर्ण सत्य ग्रहण करणारे नेत्र असणाऱ्या वसंतसाईंना माझा नमस्कार असो !

१०३. ॐ श्री साई ॐ साई नासिवासिन्यै नमः 

अर्थ - साईंच्या श्वासात वास करणाऱ्या वसंतसाईंना माझा नमस्कार असो !

१०४. ॐ श्री साई ॐ साई सत्यवाक् रुपिण्यै नमः 

अर्थ - साईंची सत्य वाणी स्वरूपा वसंतसाईंना माझा नमस्कार असो !

१०५. ॐ श्री साई ॐ साई कर्णामृतध्वनीयै नमः 

अर्थ - ज्यांचा ध्वनी साईंना कर्णामृतासारखा आहे त्या वसंतसाईंना माझा नमस्कार असो !

१०६. ॐ श्री साई ॐ साई उदरव्यापिकायै नमः 

अर्थ - साईंद्वारे पूर्ण प्रपंच उदरात धारण करणाऱ्या वसंतसाईंना माझा नमस्कार असो !

१०७. ॐ श्री साई ॐ साई हस्तभूषणायै नमः 

अर्थ - साईंचे हस्तभूषण असणाऱ्या वसंतसाईंना माझा नमस्कार असो !

१०८. ॐ श्री साई ॐ साई पादधुलिका नमः 

अर्थ - साईं चरणाकमलांची धुलिका वसंतसाईंना माझा नमस्कार असो !

जय साईराम