ॐ श्री साई वसंतसाईसाय नमः
सुविचार
" विनयशीलता, निरहंकारी मन आणि अढळ श्रद्धा या गुणांसहित मार्गक्रमण करणाऱ्यास निश्चित यशप्राप्ती होते. "
१४
समारोप
सत्ययुगात सर्वजण परमेश्वरासोबत आनंदात राहतील. तरीसुद्धा, ज्यांची कर्म बाकी आहेत, ते पुढील कलियुगात पुन्हा जन्म घेतील.
उदाहरणार्थ, तुम्ही तुमच्या कुटुंबासोबत जत्रेला जाता. तिथली दुकाने, खेळ, सुंदर आरास, नृत्ये, गाणी आणि प्रदर्शने इत्यादी मनोरंजनाचा मनमुराद आस्वाद घेता. तुम्ही सर्वांचा अनुभव घेता आणि घरी परत जाता. नंतर दुसऱ्या दिवशी पुन्हा तुमच्या कामाला सुरुवात करता. मी जे सांगते आहे ते असेच आहे. तुम्ही १००० वर्षे आनंदात घालवाल आणि त्यानंतर तुमच्या कर्माच्या ओझ्यासह पुन्हा जन्म घ्याल आणि तुमचे जुने आयुष्य जगण्यास सुरुवात कराल. तुम्हाला शाश्वत आनंद हवा आहे का ? तुम्ही जत्रेच्या मनोरंजनाप्रमाणे अनुभवलेला अशाश्वत आनंद पुरेसा नाही का ? शाश्वत आनंद मिळवण्याचा प्रयत्न करा. या, आपण सर्वजण एकत्र येऊन मुक्तीचा अनुभव घेऊ या. मनःपूर्वक प्रार्थना करा. स्वामी तुम्हाला मदत करतील.
जय साईराम
सत्यमेव जयते
सत्यसाई जयतु
कोणत्याही टिप्पण्‍या नाहीत:
टिप्पणी पोस्ट करा