ॐ श्री साई वसंतसाईसाय नमः
सुविचार
" मन बाह्य जगतातून काढून घेऊन , जाणीव अंतर्यामी केंद्रित करणे तोच आत्मा होय . "
अम्मा
भगवान श्री सत्यसाई
बाबाच्या ८९ व्या जन्मदिनानिमित्य
( २३/११/२००५
रोजी , ८० व्या जन्मदिनानिमित्य दिलेल्या भगवंताच्या दिव्य
प्रवचनामधून.)
ॐ श्री साई राम
आत्मस्वरुपांनो ,
हा नाश पावणारा देह म्हणजे तुम्ही नाही . तुम्ही अंतरात्मा आहात, ज्याला ना जन्म आहे ना मृत्यू. तो बंध मुक्त आहे. जेव्हा तुम्हाला तुमच्या खऱ्या स्वरूपाचे ज्ञान होईल तेव्हा तुम्हाला अमरत्व प्राप्त होईल . तुम्ही सर्व चिंता, काळज्या आणि इच्छा वासनांमधून मुक्त व्हाल . तुम्ही कदाचित म्हणाल , " चिंता आणि इच्छांपासून मुक्त कोणीतरी या जगामध्ये आहे का ?" या बाबतीत मी स्वतः एक जितेजागते उदाहरण आहे . मला कोणत्याही इच्छा नाहीत . सर्व काही माझ्याच हातामध्ये आहे . तुम्ही जे मागाल ते मी तुम्हाला देऊ शकतो . तथापि माझ्याकडे भौतिक गोष्टींची मागणी करू नका . त्या धावत्या मेघांसारख्या क्षणिक असतात जे शाश्वत आहे ते मागा. सत्य आणि प्रेम या जुळ्या तत्वांनी अखिल जगताचे पोषण होते . ते प्रत्येकामध्ये विद्यमान आहे . मी सत्य आणि प्रेम आहे .जे सर्वांमध्ये विद्यमान आहे . सत्य आणि प्रेम सर्वव्यापी आहे . तथापि तुम्ही सत्य आणि प्रेम यांची अनुभूती घेण्याचा प्रयत्न करत नाही. जीवनामध्ये तुम्हाला कोणत्याही गोष्टीचे विस्मरण झाले तरी चालेल परंतु सत्य आणि प्रेमाचे विस्मरण होऊ देऊ नका . सत्य बहिर्वाहिनी आहे तर प्रेम अंतर्वाहिनी. या दोन्हीचे रक्षण आणि पोषण करणे हा मनुष्याचा धर्म आहे.
बाबा
पुष्प २९ पुढे सुरु
माझ्या जीवनात मी कृष्णाशी खेळले . मी एकटीचखेळत असे . शाळेत असताना मी कधी कोणताही खेळ खेळले नाही . मी माझ्याशी खेळलेला एकमेव खेळ म्हणजे ' तोड आणि जोड ' ( तोडजोड ) दिवसभरात घरातलीकामे करून मी रात्री आकाश , ढग, तारे यांच्याशी संवाद साधून त्यांच्याशी खेळत असे . मी गीते आणि काव्यांद्वारे त्यांच्याशी खेळले . आश्रमात आल्यावर सुरुवातीला आम्ही अनेक खेळ खेळत असू . एका खेळामध्ये सर्वांनी वेगवेगळे ३ शब्द घेऊन त्याचे परमेश्वराशी संबंधित वाक्य बनवायचे , तर दुसऱ्या खेळात सर्वांनी गोलाकार बसायचे आणि दोन दोनच्या जोड्यांनी दोन व्यक्तीमत्वांच्या भूमिका घेऊन संवाद करायचा . उदा. एकदा त्या खेळात आम्ही सीता आणि हनुमान यांच्यामधील संभाषण केले. स्वामीही काहीतरी करण्यास सांगून आमच्या खेळात सहभागी होत . नुकतेच त्यांनी काही खाद्यपदार्थांची नावे देऊन ती सूत्रांशी जोडून त्यावर लेखन करण्यास सांगितले . अशा तऱ्हेने खेळतानासुद्धा आम्ही स्वामींना विसरत नाही आणि नवनवीन खेळ खेळत राहतो .
मी माझ्या बालपणापासून खेळत असलेल्या खेळामुळे माझ्या देहाने पुन्हा तारुण्य प्राप्त केले . इतर योगप्रशिक्षणाचा काहीही उपयोग नाही . प्रत्येकाने परमेश्वराशी खेळले पाहिजे . मी कधीही कोणतेही बाह्य खेळ न खेळल्याने त्याचा माझ्यावर प्रभाव नाही . आता माझा वयस्क देह तरुण होईल . म्हणून म्हणते परमेश्वरासाठी , परमेश्वराविषयी , परमेश्वराशी खेळा.
शांत होण्यासाठी वेळ द्या . शांत होणे म्हणजे परमेश्वराचा शोध घेण्याची संधी .
उर्वरित वसंतामृत पुढील भागात ......
जय साई राम
