ॐ श्री साई वसंतसाई साय नमः 

सुविचार

        " जेव्हा मनाला बाह्य जगताची जाणीव असते तेव्हा ते मायेमध्ये अडकते . " 

 

पुष्प २९ पुढे सुरु 

             मनुष्याच्या मूलाधार चक्रात निद्रिस्त असणाऱ्या शक्तीला जागृत करून आज्ञाचक्रात तिचा शिवाशी योग घडवून आणणे हे अवतार कार्य आहे . ही अमर्याद कुंडलिनी शक्ती आज भौतिक गोष्टींसाठी वाया घालवली जातेय . जर आपण साधनेद्वारे या शक्तीवर मन केंद्रित केले तर एकेक चक्र उघडून आज्ञा चक्रात जीवाचे शिवाशी मिलन होईल . या शक्तीद्वारे जीवनमुक्त अवस्था प्राप्त होते . सातवे चक्र उघडल्यानंतर परमेश्वरप्राप्ती होते व जीव देह त्याग करतो. परंतु आता मात्र जीव देह न सोडता , येथेच राहून मोक्षावस्थेच्या आनंदाची अनुभूती घेईल . हे दर्शवण्यासाठी स्वामी येथे आले .

           काही दिवसांपूर्वी स्वामींनी एक कार्ड दिले त्यावर काही वाक्ये लिहिली होती . मी त्यातील २ मुद्यांवर लिहिले व आता ते लिखाण पुढे सुरु राहील . त्या कार्डवरील शब्द संत पॉल यांचे होते .  

खेळण्यासाठी वेळ काढा, ते चिरतारुण्याचे रहस्य आहे. 

             इथे ते म्हणतात , खेळणे आरोग्यासाठी हितकारक असल्यामुळे खेळण्यासाठी वेळ दिला पाहिजे . जर सतत काम करत राहिले तर मन आणि देह दोन्ही थकून जाते . थोडा वेळ खेळल्याने देह आणि मन ताजेतवाने होते . सर्वजण असे करतात . शाळेमध्ये खेळण्यासाठी एक तास वेगळा ठेवला जातो . कार्यालयांमधूनही खेळण्यासाठी थोडासा वेळ किंवा मोकळा वेळ ठेवला जातो . 

उर्वरित वसंतामृत पुढील भागात .....