ॐ श्री साई वसंतसाईसाय नमः

सुविचार

" भौतिक जग मिथ्या आहे."

पुष्प २९ पुढे सुरु

 

               मनुष्याला जन्मापासून मृत्युपर्यंत अनेक कार्ये करावी लागतात . जर एखाद्याने सकाळपासून संध्याकाळपर्यंत काय काय केले हे लिहून काढायचे म्हटले तर त्या यादीला अंत नाही . आपण झोपेतून उठतो , दात घासतो , स्नान करतो , कपडे घालून तयार होतो, परमेश्वराची प्रार्थना करतो , भोजन करतो , शाळा वा ऑफिसमध्ये जातो . आपण दररोज विविध कृती करत असतो . असंख्य कार्ये करत असताना आपल्या मनात हजारो विचार येतात , बोलणे , वाद विवाद , दुसऱ्यातील दोष काढणे , कठोरपणा , क्रोध द्वेष - शेकडो वेगवेगळे भाव मनात येतात . एक दिवस वेळ काढून सकाळपासून रात्रीपर्यंत करत असलेल्या सर्व गोष्टी न् मनातील सर्व विचार व भाव लिहून काढा अस म्हंटल तर अबब ! तुमचं डोकं भणभणायला लागेल . हे झालं एका दिवसाच ! मग संपूर्ण जीवनाची कल्पना करा !
               आपल्या मनामध्ये अनेक भाव दडून बसलेले असतात जे आपल्याला फसवतात . म्हणून त्यांच्यापासून सुटका मिळविण्यासाठी अर्धा तास शांत बसा . परमेश्वराचे चिंतन करण्याचा हा एकमेव मार्ग आहे . जप, ध्यान, भजन, श्लोकपठण इ. गोष्टींमध्ये वेळ व्यतीत करा . अशा तऱ्हेने वेळ घालवल्यास तुम्हाला शांती मिळेल . जर ह्या गोष्टींमध्ये मन रमत नसेल तर अध्यात्मिक पुस्तके वाचा पण परमेश्वराबरोबर वेळ व्यतीत करण्याचा मार्ग शोधा. 

उर्वरित वसंतामृत पुढील भागात .....

 जय साई राम