ॐ श्री साई  वसंतसाई साय नमः 

सुविचार 

        " आपल्या भक्तीची गुणवत्ता म्हणजे आपल्या मनोदशेचे थेट प्रतिबिंबच होय . "

पुष्प ३४ पुढे सुरु

               प्रत्येक दिवशी स्वामी केवढी शिकवण देत होते. विस्मरणात गेलेली भारतीय संस्कृती त्यांनी पुनर्प्रस्थापित  केली. लहान मुलांना भारतीय संस्कृतीचे धडे देण्यासाठी त्यांनी बाल विकास वर्ग सुरु केले. सेवेचे महत्व सांगून समस्त जगाला सेवा करण्यास प्रवृत्त केले. स्वामींच्या संघटने मार्फत संपूर्ण जगामध्ये सेवाकार्य केले जाते. त्यानंतर त्यांनी वेद विद्वान महासभा आयोजित केल्या. त्यामध्ये विद्वान पंडितांना आमंत्रित करून त्यांना बोलण्याची संधी दिली. स्त्रीधर्म सांगण्यासाठी महिला विभाग सुरु केला. अशा तऱ्हेने त्यांनी भारतीय संस्कृतीला संजीवन दिले. त्यांचे विद्यार्थी वेदपठण करतात इतर कोणत्याही अवताराने असे केले आहे का ? स्वामींची संघटना समस्त विश्वामध्ये प्रेम आणि नैतिकतेचा प्रसार करते आहे. 
                केवढी महान साधना ! मनुष्य हे करू शकतो का ? परमेश्वर आता आला आहे आणि तो संपूर्ण विश्वाचे भारतातील प्राचीन वेदिक कालामध्ये परिवर्तन करणार आहे. यासाठी त्याने त्याचे पायाभूत कार्य पूर्ण केले व लोकांना परमेश्वराचा स्वाद घेण्याची संधी दिली. आध्यात्मिक जागृती करून त्याने लोकांचे पोषण केले. अशा तऱ्हेने अनेक जण जागृत झाले. आता सर्वांनी अखंड साधना करून स्वतःला प्रशिक्षित केले पाहिजे आणि ज्ञान संपादन केले पाहिजे. 
                त्या कासवाच्या कवच्यावर सर्वत्र V होते आणि मधोमध एक मोठे हृद्य होते. सर्वांना ज्ञानाप्रत घेऊन जाणाऱ्या साधनेचे प्रात्यक्षिक दर्शविण्यासाठी मी येथे आले आहे. यासाठी स्वामींनी हा पुरावा दिला.  तुम्हाला कदाचित असे वाटेल की स्वामींची संघटना जगभर हेच कार्य करत आहे मग तुमच कार्य काय ? जेव्हा मी स्वामींच्या आणि  माझ्या भावविश्वाबद्दल लिहिते तेव्हा आमचे भाव गर्भगृहातून बाहेर पडून स्तूपाद्वारे विश्वामध्ये परिवर्तन घडवत आहेत. या कारणासाठी मी लेखन करते . 

जय साईराम 

व्ही.एस.