ॐ श्री साई वसंतसाई साय नमः 

सुविचार 

               " जेथे जेथे आपली दृष्टी जाते तेथे आपले मन जाते आणि इच्छांचा उदय होतो. "

पुष्प ३७ पुढे सुरु

                  ही माझी प्रतिज्ञा होती. हीच नवनिर्मिती, सत्ययुग घेऊन येत आहे. इथे आम्ही केवळ दोघं असू. सत्ययुगात असण्याला थारा नसेल. प्रत्येकजण सत्य, प्रेम आणि ज्ञान यांनी व्याप्त होईल. या करुणासागर परमेश्वराच्या समकालीनानी दुष्कृत्ये करण्याचे थांबविले पाहिजे. मी तुमच्यासाठी स्वामींशी किती विवाद करते हे महत्वाचे नाही. तुम्ही केलेल्या कुकर्मांचे परिणाम तुम्हाला भोगावेच लागतील. सत्युगात सर्वांना क्षमा केली जाईल, मुक्तिही मिळेल. परंतु आता तुम्ही स्वतःमध्ये परिवर्तन घडविलेच पाहिजे अन्यथा तुम्ही पुढे येणाऱ्या कलियुगात जन्म घेऊन दुःख भोगाल. स्वामी येथे आले, त्यांनी सर्वांना जीवनमुक्त अवस्थेची गोडी चाखण्यास दिली. तुम्हाला तुमच्या जन्माचा उद्देश समजला तर तुम्ही ह्या स्वादाचा आनंद घेऊ शकाल. " हे कचऱ्यासारखे जीवन माझ्यासाठी पुरेसे आहे. " असा जर तुमचा विचार असेल तर तुम्ही पुन्हा पुन्हा जन्ममृत्यूच्या फेऱ्यात अडकाल. एवढेच काय पण परमेश्वराकडूनही चूक झाली अथवा धर्मविरोधी कृती झाली तर त्यालाही त्या कर्मांचे परिणाम भोगावेच लागतात. मग मानवाची काय कथा ? म्हणून म्हणते जागे व्हा !
                  भीष्म , द्रोणाचार्य आणि कृपाचार्य हे महान गुरु होते. कृष्ण म्हणाला की या तिघांनीही एकेक चूक केली होती. आपण अजून अशी काही उदाहरणे पाहू. युधिष्ठीर हा धर्मराज होता. तो धर्ममार्गावरून कधीही ढळला नाही. परंतु महाभारत युद्धाच्या वेळी तो मोठ्याने ओरडला, " अश्वत्थामा हतह कुंजरवा (अश्वत्थाम्याचा मृत्यू झाला ). " त्यानंतर अगदी मृदू आवाजात तो उद्गारला " हत्ती अश्वत्थामा ." या पापकर्मांसाठी धर्मराजाला त्याच्या अंतिम यात्रेत नरकाचा अनुभव घ्यावा लागला. अंतिम  यात्रेवर निघालेल्या पांडवांचे एकामागोमाग एक पतन झाले. द्रौपदीला इतर चार भावांहून अर्जुन अधिक प्रिय होता त्यामुळे प्रथम द्रौपदी पडली. हे तिचे पापकर्म होते. दुसरा सहदेव पडला, कारण त्याला त्याच्या शास्त्रपुराणांविषयी असणाऱ्या विद्वत्तेचा किंचित अहंकार होता. स्वतःच्या सौंदर्याचा अहंकार नकुलच्या  पतनास कारणीभूत झाला. सर्वश्रेष्ठ धनुर्धर असण्याचा अहंकार अर्जुनाच्या पतनास कारण ठरला होता. भीमाचे पतन त्याला असणाऱ्या अफाट शक्तीच्या अहंकारामुळे झाले. 

उर्वरित वसंतामृत पुढील भागात ……

जय साईराम