ॐ श्री साई वसंतसाई साय नमः
सुविचार
" प्रारंभी जग एक माया आहे अशा दृष्टीने पाहा त्यानंतर अंतर्मुख होऊन परमेश्वराला अंतर्यामी पाहा व त्यानंतर संपूर्ण विश्वामध्ये परमेश्वराला पाहा. "
पुष्प ३६ पुढे सुरु
कौरवांनी कृष्णाचा वध करण्यासाठी एक कुटील कारस्थान रचले. कृष्ण पांडवांचे दूत बनून कौरवांच्या दरबारात गेले. कृष्णाच्या आसनाखाली त्यांनी एक खड्डा खणला. जेव्हा कृष्ण आसन ग्रहण करतील तेव्हा ते त्या खड्ड्यात पडतील असा दुर्योधन आणि शकुनींनी डाव रचला. मनुष्याची कुटीलता भगवंताला ज्ञात नाही का ? कृष्ण आल्यानंतर सर्वांनी त्याचे स्वागत केले. त्यांनी आसन ग्रहण करताक्षणीच ते त्या खड्ड्यात पडले. विश्वरूप धारण करून ते बाहेर आले. कोण त्यांना मारू शकणार ? कोण त्यांची प्रतिमा डागाळू शकणार ? कोण त्यांच्यावर चिखलफेक करू शकणार ? ते परमेश्वर आहेत ! परमेश्वर !
स्वामी सर्व देवदेवता स्वरूप आहेत. कोण त्यांचे नाव कलंकित करू शकेल ? जर मी लिहिलेला पुस्तकातील मजकूर चुकीचा असता तर स्वामींनी त्यावर स्वाक्षरी केली असती का ? त्यांच्या सत्याने तत्काळ मला भस्मसात केले असते. जे परमेश्वराच्या निकट आहेत आणि जे परमेश्वराशी संबंधित बाबी हाताळतांना चुका करतात. त्या चुकांचे परिणाम अत्यंत गंभीर असतात. म्हणून जे कोणी त्यांच्या निकट आहेत त्यांनी अत्यंत दक्ष रहायला हवे. जगामध्ये सर्वजण चुका करतात ज्यासाठी त्यांना पुन्हा पुन्हा जन्म घ्यावा लागतो. तथापि जे परमेश्वराच्या निकट आहेत त्यांना कित्येक पटीनी त्यांच्या कर्मांचे परिणाम भोगावे लागतील. साधारणतः साधनेच्या सुरुवातीच्या काळात साधकाकडून चुका झाल्यास त्याच्या परिणामांची बाधकता एवढी तीव्र नसते. परंतु जे योगाच्या उच्च अवस्थांमध्ये चुका करतात ते योगभ्रष्ट होतात. त्यांच्यासाठी कर्माच्या परिणामांची बाधकता तीव्र असते. सर्वसाधारणपणे प्रत्येक चुकीला परिणाम असतो. तथापि परमेश्वर संबंधित चुकीचे परिणाम अत्यंत तीव्र आणि गंभीर असतात.
जय साईराम
व्हि. एस.
कोणत्याही टिप्पण्‍या नाहीत:
टिप्पणी पोस्ट करा