ॐ श्री साई वसंतसाई साय नमः 

सुविचार 

         " सत्य ईश्वर आहे. सत्यवचनाने परमेश्वर प्राप्ती होऊ शकते. "

पुष्प ३७ पुढे सुरु

                एस.व्ही. आले; त्यांची तब्येत बरी नसल्याने ते काही दिवस येथे येऊ शकले नाहीत असे त्यांनी सांगीतले. मी त्यांना माझ्या गुडघे दुखीविषयी सांगीतले. श्रिविलिपुदूरच्या डॉक्टरांनी दिलेले मलम मी गुडघ्याला लावावे  का ? याविषयी यामिनीने एस.व्हीं ना   विचारले. एस.व्हीं नी  फोन करून डॉक्टरांना विचारण्यास सुचविले. डॉक्टरांनी दोन गोळ्यांची नावे सांगून गरम पाण्याच्या पिशवीने शेकण्यास सांगीतले. एस.व्हीं नी  ताबडतोब एका माणसाला गोळ्या आणण्यास पाठविले.  

                संध्याकाळी ६ वाजता यामिनी व एडी ना मी देव शर्माची गोष्ट सांगीतली. एखादे फुल पडून मला याचा पुरावा द्या असे मी स्वामींना सांगीतले होते. परंतु संध्याकाळी एवढ्या जोराचा वारा आला की संपूर्ण व्हरांडाच फुलांनी भरून गेला. त्यानंतर मुक्ति निलयमला भेट देऊ इच्छिणाऱ्या नेपाळी भक्ताचा ई-मेल आल्याचे एडीं नी सांगीतले. त्यांचे नाव शर्मा होते. ह्या नेमक्या पुराव्याने आम्हाला आनंद झाला.

               ६:३० वाजता अमरनी स्वामींचा एक व्हिडीओ दाखविला. त्यामध्ये स्वामी कोडाईकॅनलला जाण्यासाठी विमानात बसले होते, नंतर स्वामींनी विमान चालकाच्या हातावर सोन्याचे ब्रेसलेट बांधले ! ते पाहिल्याक्षणी सत्या पोदार उद्गारले, ' त्याचे नावही शर्मा आहे !' आम्ही चकीत झालो. मला ' मी ' नसल्यामुळे माझ्या पहिल्या पुस्तकाच्या लेखनापासून मी स्वामींकडे पुरावे मागते.

उर्वरित वसंतामृत पुढील भागात …… 

जय साईराम