ॐ श्री साई वसंतसाई साय नमः 

सुविचार

               " पृथ्वीची लुटमार करणाऱ्या मानवाप्रती पृथ्वी जशी सहनशीलता दाखवते तशी सहनशीलता आपण चुकीचे वर्तन करणाऱ्यांप्रती दाखवायला हवी.

वसंतामृतमाला 

पुष्प ३८ 

आमची विवाह मनोकामना

                 माझ्या आयुष्यात आजवर किती डॉक्टर्स येउन गेले ? अगदी बाल वयापासूनच मला औषधोपचार घ्यावे लागले. मी अंदाजे ५ वर्षाची असताना नेहमी ' पोट दुखते ' म्हणून रडत असे. त्यांनी मला बऱ्याच डॉक्टरांना दाखविले. अखेरीस माझे पोट भुकेने दुखत असल्याचे एका डॉक्टरांच्या लक्षात आले. परंतु मला भूक लागल्याचे समजत नव्हते, त्यामुळे मी रडू लागल्यास मला दूधभात किंवा दहीभात द्यावा असे त्यांनी सांगीतले. मला भुकेची जाणीव नाही हे त्यांनी ओळखले. मदुराईतील वसतिगृहात शिकत असताना मी अनेक रोगांनी पीडीत होते. तिसऱ्या प्रसवानंतर असह्य प्रसववेदनांमुळे माझ्या हृदयाचा आकार वाढला होता. पाच महिने मी अंथरुणावर खिळून होते. अशी केस लाखांत एखादीच असते, असे डॉक्टर म्हणाले. 
              या गोष्टी अवतारकार्यासाठी घडल्या. माझे जीवन अवतारकार्यासाठीच आहे हे दर्शविण्यासाठी माझ्या बालपणापासूनच हे सर्व घडले. मला भुकेची जाणीव नव्हती. असह्य प्रसववेदनांमुळे माझ्या हृदयाचा आकार वाढला. ही घटना १९६१ मध्ये घडली. त्यानंतर ५० वर्षांनी माझे हृदय विश्व ब्रम्ह गर्भ कोटमच्या रूपात बाह्य जगामध्ये स्थित झाले. ह्या हृदयातूनच नवनिर्मिती उदय पावेल. १९६१ मधेच स्वामी माझ्यापासून दूर गेले. 

उर्वरित वसंतामृत पुढील भागात …… 

जय साईराम