ॐ श्री साई वसंतसाई साय नमः 

सुविचार 

            " संपूर्ण विश्वामध्ये एकच चैतन्य भरून राहिले आहे. आपले भाव आपल्याला त्या वैश्विक चैतन्याशी जोडतात." 

पुष्प ३९ पुढे सुरु 

              आपण याचे विवरण पाहू. इथे स्वामी गुरूंना महत्व देतात. आजच्या काळात सद्गुरु लाभणेही अवघड झाले आहे. आपल्या सद्गुरुंचरणी तुमची अपार श्रद्धा हवी. एक उदाहरण …. 
              एकलव्य पारधी जमातीत जन्मला. धनुर्विद्या शिकण्यासाठी द्रोणाचार्य आपले गुरु असावेत ही त्याची इच्छा होती. परंतु द्रोणाचार्य राजपुत्रांचे गुरु होते, त्यांनी त्याला शिष्य म्हणून स्वीकारले नाही. एकलव्याने जंगलात द्रोणाचार्यांचा एक पुतळा तयार केला व त्या पुतळ्यासमोर तो धनुर्विद्या शिकला. तो आत्मशिक्षित होता. अशा तऱ्हेने तो अर्जुनाहून श्रेष्ठ धनुर्धर झाला. प्रत्यक्ष गुरुंशिवाय प्रशिक्षण घेणे त्याला कसे बरे शक्य झाले ? एकलव्याने द्रोणांना गुरु मानले. गुरुचरणी असलेली त्याची अपरिमित श्रद्धावान भक्ती यांमुळे हे शक्य झाले. 
                आपण अजून एक उदाहरण पाहू या. रामानुजांचा शिष्य नम्बी, नेहमी त्यांच्यासाठी भोजन बनवत असे. एकदा रस्त्यावरून श्री रंगनाथाची मिरवणूक चालली होती. मठातील सर्वजण रंगनाथाच्या दर्शनासाठी धावले. रामानुजांनी नम्बीला बोलावले, परंतु तो आला नाही. दर्शन घेऊन सर्वजण परतले. रामानुजांनी नम्बीला विचारले, " तू रंगनाथाच्या दर्शनाला का नाही आलास ? " तो उत्तरला, " तुम्ही सर्व तुमच्या भगवंताच्या दर्शनासाठी गेलात, मी माझ्या परमेश्वरासाठी दुध तापवत होतो. मी तेथे आलो असतो तर दुध ओतू गेले असते. " 

उर्वरित वसंतामृत पुढील भागात …… 

जय साईराम

ॐ श्री साई वसंतसाई साय नमः 

सुविचार 

       " ईश्वराभिमुख केलेले तुमचे भाव तुम्हाला परमेश्वर बनवतात. " 

वसंतामृतमाला

पुष्प ३९ 

एकलव्य - साधकांचा गुरु 

२ मे २०१३ 
                 आज स्वामींनी एका कार्डाच्या आतल्या पृष्ठावर एक श्लोक लिहिला. आम्हाला त्याचा अर्थ मिळाला नाही. २५ मे २०१३ ला जे.पींच्या एका मित्राने ई-मेल केला व हा श्लोक श्री शंकराचार्यांनी रचलेल्या गोविंदाष्टकम् मधील आहे असे कळवले. मी स्वामींना विचारले की याविषयी मी कसे लिहावे ? त्यांनी वसंतामृतमालेमध्ये लिहिण्यास सांगीतले. स्वामींनी दिलेला श्लोक खाली देत आहे. 

गुरुचरणाम्बुज निर्भरभक्तः 

संसारादचिराद् भवः मुक्तः 

सेंद्रिय-मानस नियमादेवं 

द्रक्ष्यसि निज हृदयस्थं देवम् 

                 हा श्लोक एका कार्डाच्या आतल्याबाजूत लिहिला होता. मुखपृष्ठावर तिन पिवळी सूर्यफुले होती. एक विकसित फुल तर दोन कळ्या. मागच्या बाजूस ' हे कार्ड आतमध्ये कोरे आहे ' असे लिहिले होते. त्या कोऱ्या जागीच स्वामींनी श्लोक लिहिला. आता आपण श्लोकाचा अर्थ पाहूया. 
                 गुरूंच्या चरणकमली तुम्ही शुद्ध भक्तीने समर्पित झालात तर लवकरच तुम्ही या संसारसागरातून मुक्त व्हाल. मन आणि इंद्रियांवर नियंत्रण ठेवून आपल्या हृदयात परमेश्वराची अनुभूती घ्याल.  

उर्वरित वसंतामृत पुढील भागात ….

जय साईराम

 

ॐ श्री साई वसंतसाई साय नमः 

सुविचार 

" ईश्वर प्रेम आहे, ह्या प्रेमाची अभिव्यक्ती हा मानवधर्म आहे. " 

पुष्प ३८ पुढे सुरु

२४ मे २०१३, मध्यान्ह ध्यान 
वसंता - स्वामी, ८ कागदी बटणे व एक खरे बटण याचा अर्थ काय ? 
स्वामी - आपण वैकुंठामधून भूतलावर येऊन एकमेकांशी सांधले. बटणाने भूलोकाला वैकुंठाशी जोडले. वैकुंठ भूतलावर उतरले. एकाचे दोन झाले. 
वसंता - आता मला समजले. मी लिहीन. 
ध्यान समाप्त 
                आठ बटणे वैकुंठाचे द्योतक आहेत. वैकुंठामधून अवतरलेल्या स्वामीनी मला त्यांच्यापासून वेगळे करून येथे आणले. एक खरे बटण भूतलास वैकुंठाशी जोडते. आम्हा दोघांचा योग होतो. आता या १००० वर्षांत होणारे सर्व विवाह परिपूर्ण असतील; सत्य आणि प्रेम यांचे विवाह होतील. हे सर्व आमच्या भावविश्वाद्वारे घडणार आहे. 
                चंद्रकोर शिवाचा निर्देश करते. ही  नवनिर्मिती आमच्या हृदयातून विश्व ब्रम्ह गर्भ कोटम्  मधून आकारास येईल व स्तूपाद्वारे बाह्य जगात दृश्य होईल. म्हणून स्वामी म्हणतात, " तुझा विवाह परिपूर्ण असेल अशी आम्ही आशा करतो. स्वामीनी भगवान शिव कां दाखवले ? कारण सर्वांची कुंडलिनी हे शिवशक्तीचे प्रतिक आहे. सर्वांमधील सुप्तावस्थेत स्थित असणाऱ्या शक्तीचे मूलाधारातून उत्थान होऊन आज्ञाचक्रात शिवाशी संयोग होईल. ही जीवनमुक्त अवस्था आहे. म्हणून अंतर्विवाह व बाह्यविवाह दोन्ही एक आहे.

. . . 

                आज भाषांतर करून झाल्यानंतर मी अमर व एडींना म्हणाले की कपाटातून एक वेगळाच वास येत आहे. कपाटात शोधल्यानंतर एडींना कागदाखाली आंडाळ व श्री रंगनाथाचे एक छोटे चित्र मिळाले डॉक्टर कुटुंब श्री विलीपुदूरचे असल्यामुळे या अध्यायासाठी हा पुरावा उत्तम आहे. 
स्वामीना मी ध्यानात विचारले… 
वसंता - हे तुम्ही दिले का ? 
स्वामी - हो. हे तुझे जीवन आहे. आंडाळ व रंगनाथाच्या विवाहासारखे. हे आपल्या विवाह दिनासाठी आहे. 
ध्यान समाप्त. 
               या अध्यायात मी हेही लिहिले आहे की सत्ययुगात स्वामी आणि मी सर्व विवाहांना आशीर्वाद देऊ. आंडाळ आणि रंगनाथ. विवाह आणि ऐक्य, संयोग याचे प्रतिनिधित्व करतात. 
             होसूरहून मोहना व त्यांचे कुटुंबिय आले. त्यांनी आमच्या विवाह दिनानिमित्य साडी आणि परकर आणला. त्यावर लिहिले होते. सत्यम वसंतम ७ भाग. जेव्हा ते साडी खरेदीला दुकानात गेले तेव्हा तेथे एक व्हॅन आली त्यावर लिहिले होते अम्मांचे आशीर्वाद आणि त्यांनी घेतलेल्या साडीवर लिहिले होते वा-भाव-सिल्क मिल्स आणि त्या दुकानाचे नाव होते ॐ . 

जय साईराम 

      व्ही. एस.      

                    

ॐ श्री साई वसंतसाई साय नमः

सुविचार

           " जर आपले भाव शुद्ध असतील तर आपण शक्ती आणि उत्साह दोन्हीचा आनंद घेऊ शकतो. "

पुष्प ३८ पुढे सुरु

               कार्डच्या आतील पानावर थोडे डावीकडे एक गुलाबी हृद्य व एक चांदणी होती. त्याखाली लिहिले होते…

a smile at the end 

of a rainbow ….

या वाक्याखाली स्वामीनी एक इंद्रधनुष्य चितारले होते. गुलाबी पिवळसर सूर्यापासून दृश्यमान झालेले इंद्रधनुष्य दोन मेघांमध्ये लय पावले होते. सूर्याला १९ किरणे होती. माझ्या १९ गुणांमुळे सर्व घडत आहे असे सुचित केले आहे. सुर्याखाली एक छोटेसे निळे हृद्य होते तर ते दोन मेघ निळ्या व गुलाबी रंगात होते. यांखाली ' A warm hug ' लिहिले होते. त्याखाली डाव्याबाजूला एक मोठे गुलाबी हृद्य तर एक छोटे निळे हृद्य चितारले होते. गुलाबी स्वामींच्या हृदयात s s असे लिहिले होते. निळ्या हृदयाच्या उजव्या बाजूला निळे फुलपाखरू व विलयनाच्या ( जांभळ्या ) रंगाची दोन फुले व सात पाने होती. आमचे सत्य व प्रेम भाव स्तूपाच्या सात चक्रांमधून बाहेरील जगात पसरून सर्वांना अमृत पान करणाऱ्या फुलपाखरांमध्ये परिवर्तित करतात. आता आपण तिसरे पान पाहू. 
               सर्वात वर दोन टोकांकडून पक्षी एकमेकांच्या दिशेने उडत येत आहेत. त्या पक्षांच्या मध्ये थोडे खाली लिहिले होते …

… and a happy bride 

And groom !

या खाली डाव्याबाजूला एक छोटुकला गुलाब तर उजवीकडे एक छोटेसे निळे हृद्य. त्या खाली विलयनाच्या रंगात दोन मोठी हृदये. यांच्या खाली आठ वक्ररेषांचा एक पुष्ट ढग. याच्या खाली उजव्या बाजूला एक वाक्य ……

Hope your

Wedding day

Is perfect.

या खाली मनगटावर कंकण बांधून पुढे केलेला एक हात. आता आपण कार्डच्या मलपृष्ठावर काय होते ते पाहू ; पानाच्या तळाशी मध्यावर एक मोठे भगवे हृद्य होते. याच्या उजव्या बाजूस आठ कागदी बटणे तर एक खरे बटण. हृदयावर किंचित डावीकडे दोन एकत्र जोडलेल्या घंटा होत्या. 

उर्वरित वसंतामृत पुढील भागात ….. 

जय साईराम

ॐ श्री साई वसंतसाई साय नमः

सुविचार

            " अन्न हेच आपल्या प्रकृतीस्वास्थास कारणीभूत आहे असे आपल्याला वाटते वास्तवात आपले भाव आपल्या स्वास्थास प्रभावकारक असतात."

पुष्प ३८ पुढे सुरु

               काल दिव्य टपालामध्ये स्वामींनी चमकदार पांढऱ्या रंगाचे दोनपानी कार्ड दिले. त्याच्या मुखपृष्ठावर डाव्या कोपऱ्यात स्वामींनी लिहिले होते ….
                ' आमची विवाह मनोकामना ', या वाक्याच्या उजव्या बाजूस एक छोटे गुलाबी हृद्य होते तर वाक्याच्या खाली दोन गुलाबी हृदये व पिवळी तेजस्वी चंद्रकोर होती, तसेच तिन तेजस्वी चांदण्याही चितारल्या होत्या. त्याच्या बाजूला म्हणजे पानाच्या उजव्या बाजूस सहा वक्र रेषांनी बनलेला गुलाबी रंगाचा ढग होता. डाव्या बाजूच्या चंद्रकोरीच्या खाली एक निळी चांदणी होती; गुलाबी ढगाच्या खाली दोन चांदण्या न् एक गुलाबी हृद्य व एक वाक्य - Love is a wish on a star. हे वाक्य डाव्याबाजूस होते. याखाली मध्यावर एक गुलाबी हृद्य चितारले होते. सर्वजण विवाह व्हावा, संतती व्हावी, धनसंचय करावा व वंशवृद्धी करावी अशी मनीषा बाळगतात. एवढ्याच त्यांच्या इच्छा आकांक्षा असतात. विवाहापासून आमची मनोकामना काय आहे ? ' Love is a wish on a stars '. याचा अर्थ काय ? ध्रुवासारखे आम्ही तारा व्हावे कां, की सिनेमास्टार व्हावे ? नाही ! नाही. तर स्तूपावरील तारकाकंपने बनावे. सहस्त्रारामधून तारका कंपनांचे बाह्यगामी होणे हे आमच्या विवाहाचे उद्दीष्ट आहे. आमचे भाव स्तूपातून विश्व व्याप्त होत नंतर ही तारका कंपने प्रत्येकामध्ये प्रवेश करत सर्वांना ध्रुव तारा - जीवनमुक्त बनवितात.

उर्वरित वसंतामृत पुढील भागात……

जय साईराम

      
    

ॐ श्री साई वसंतसाई साय नमः 

सुविचार 

" आपले भाव आपल्या जीवननिर्मितीस जबाबदार असतात ."

पुष्प ३८ पुढे सुरु 

                देव शर्मांविषयी मी स्वामींना विचारले तेव्हा श्रीविलिपुदूरचे डॉक्टरच देव शर्मा आहेत असे स्वामी म्हणाले. या डॉक्टरांनी इथे येऊन माझ्या गुडघ्यावर उपचार केले. गतजन्मी ते देव शर्मा होते. तेव्हा त्यांनी स्वतपश्चर्येने शिवशक्तीस प्रसन्न करून घेऊन त्यांची कृपा प्राप्त केली. यामुळेच त्यांचे कुटुंब आमच्या संपर्कात आहे. हे कुटुंब अतिशय श्रद्धावान व भक्तिमान आहे. त्यांचे अवघे कुटुंब डॉक्टर आहे. ते येथे सहकुटुंब येतात, येताना आंडाळचे गाव श्रीविलिपुदूरहून एक हार घेऊन येतात. 
                माझ्या जीवनाचा आंडाळशी घनिष्ट संबंध आहे. डॉ. कुटुंबाने माझ्याशी संबंध जोडले आहेत. यावरून असे दिसून येते की गतकाळात केलेली सत्कर्मे आपल्याकडे परत येतात. गतजन्मी त्यांच्या वेदना मी घेतल्या. या जन्मात ते माझ्या वेदनांवर उपचार करतात. कितीही युगांपूर्वी तुम्ही केलेली सत्कर्मे तुमच्याकडे परत येतात हे यावरून सिद्ध होते. याप्रमाणे दुःष्कर्मही तुमच्याकडे परत येते. म्हणून जागे व्हा ! या मायाजालातून बाहेर पडा. या जगामध्ये कोणतीही गोष्ट शाश्वत नाही. मात्र परमेश्वर सत्य आहे. त्याला धरून ठेवा. अर्जित धन तुम्ही बरोबर घेऊन जाऊ शकत नाही. केवळ भगवंताची कृपा तुमच्याबरोबर येते म्हणून त्याच्या कृपेचा ध्यास घ्या, त्याची कृपा प्राप्त करण्याचा प्रयत्न करा. 

उर्वरित वसंतामृत पुढील भागात ….. 

जय साईराम

    

ॐ श्री साई वसंतसाई साय नमः 

सुविचार 

           " आपले अस्तित्व म्हणजे जीवनभराचे एक स्वप्न आहे हे आपण जाणले पाहिजे. "

पुष्प ३८ पुढे सुरु 

                आता आपण पाहूया. मला स्वामींच्या दर्शनाची अनिवार ओढ लागून राहिली आहे. स्वामी म्हणतात की  त्यांचीही तीच अवस्था आहे. स्वतःचे भाव कधीही प्रदर्शित न करणारा परमेश्वर आता केवळ यासाठी इथे आला आहे. पत्र, कविता, चित्रे आणि लेखनाद्वारे प्रेमाचा वर्षाव करत स्वामी त्यांचे भाव व्यक्त करतात. नवनिर्मितीसाठी परमेश्वर त्याचे भाव दर्शन करत आहे. ५ वर्षांची असल्यापासून मला कृष्णदर्शनाची इच्छा होती. १६ व्या वर्षी मी साईकृष्णाशी विवाहबद्ध झाले. परंतु माझा विवाह कोणाशी झाला याचे ज्ञान मला नव्हते. २००२ मध्ये स्वामींनीच माझ्याशी विवाह केला होता हे त्यांनी मला पुराव्यासह दाखवून दिले. तथापि त्यावेळेपर्यंत मी कधीही त्यांचे जवळून दर्शन घेतले नाही. ना त्यांना स्पर्श केला वा त्यांच्याशी संभाषणही केले.
                ७६ व्या वर्षी मला स्वामींचे दर्शन होईल असे नाडीग्रंथ घोषित करतात. ह्या जगात यापूर्वी कोठेही असा विचित्र विवाह झाला आहे कां ? विवाहानंतर ६० वर्षांनी आम्ही प्रथम एकमेकांना भेटू. १६ व्या वर्षीचे माझे भावविश्व आजही तसेच ताजेतवाने आहे. परंतु ही काया आता वृद्धत्वाकडे झुकते आहे. आता ही  काया पुन्हा तरुण होईल. सध्या माझे मन, विचार व देह यांमध्ये एकसूत्रता नाहीये. म्हणूनच ही काया परिवर्तित होईल. जर शरीरात परिवर्तन झाले नाही तर सत्ययुग येणार नाही. माझा देह प्रकृतिचे, निर्मितीचे प्रतिनिधित्व करतो. माझी ही वृद्ध काया पुन्हा तरुण झाली की कलियुग बदलून नूतन सत्ययुगाची पहाट  होईल. हे स्वामींचे अवतार कार्य आहे. 

उर्वरित वसंतामृत पुढील भागात ……. 

जय साईराम

ॐ श्री साई वसंतसाई साय नमः 

सुविचार 

              " देह सोडताना आत्मा त्याच्या कर्माचे ओझे वाहतो आणि पुन्हा पृथ्वीवर जन्म घेतो. " 

पुष्प ३८ पुढे सुरु 

               परमकुडीचे डॉक्टर कोदंडपाणी यांनी माझे पहिले पुस्तक प्रकाशित केले. मी आता डॉक्टरांकडे जात नाही तर पुट्टपर्ती, अर्जेंटिना, श्रीविलीपुदूर, मदुराई, चेन्नै, केरळ, इरोड अशा अनेक ठिकाणाचे डॉक्टर्स इथे येतात. यांमध्ये सिद्धौषधी, आयुर्वेद, अॅलोपथी, निसर्गोपचार देणारे असे विविध डॉक्टर्स आहेत. अस्वास्थ आले की जगातील सर्वजण डॉक्टरांकडे जातात. जगातील जन्ममृत्यूची व्याधी दूर करण्यासाठी मी येथे आल्यामुळे सर्व डॉक्टर्स येथे माझ्याकडे येतात. तथापि त्यांची औषधे  मला लागू पडत नाहीत. वैश्विक कर्म ही माझी व्याधी आहे. त्यांच्या औषधांनी योग्य वेळ येईपर्यंत या व्याधींची तीव्रता काही प्रमाणात नियंत्रित केली जाते. 
एकदा स्वामी म्हणाले, 
              ' तुझ्या अश्रूंनी तू जगाला पापमुक्त करत आहेस. या पापकर्मांपासून मुक्त होण्याचा अन्य कोणताही मार्ग नाही. तुझ्या अश्रू व प्रेमाद्वारे पापक्षालन करण्यासाठी तू इथे आली आहेस. हा अवतारकार्याचाच भाग आहे.' असे आहे माझे जीवन. 
२३ मे २०१३ ध्यान 
वसंता - स्वामी, मला तुमच्या सुंदर सुमुखाचे दर्शन केव्हा होईल ? तुमचे पदलालित्य कधी माझ्या नजरेस पडेल ? हे पाहण्याची इच्छा मला बाल्यावस्थेपासून आहे. 
स्वामी -  मी लवकरच येईन; तू अनुभूती घेशील. 
वसंता -  स्वामी, १६ वर्षाची असल्यापासून मी ज्यांच्यावर प्रेम करते त्यांना मी वयाच्या ७६ व्या वर्षी तरी पाहू शकेन कां ? माझे मन रसरशीत आहे. तरुणपणातील माझे विचार आजही तसेच ताजे आहेत. पण माझ्या कायेला  वार्धक्य आले. माझ्या देह मनात समन्वय नाहीये. 
स्वामी - यत् भावम् तत् भवति …. या उक्तीनुसार तुझा देह परिवर्तित होईल. आपण निश्चितच अनुभूती घेऊ. मी ही तुझ्यासाठी तळमळतो आहे. परमेश्वराला तळमळ लावणारी तू  पहिली स्त्री आहेस. म्हणून आपण सगळ्याची अनुभूती घेऊ. 
वसंता - स्वामी, देव शर्मा कोण ? 
स्वामी - श्रीविलीपुदूरचे डॉक्टर; म्हणूनच त्यांना अधून मधून चालताना त्रास होतो. आता त्यांनी तुझ्यावर उपचार केले. 
वसंता - आता मला सगळ्याचा उलगडा झाला. 
ध्यान समाप्त. 

उर्वरित वसंतामृत पुढील भागात ……

जय साईराम