ॐ श्री साई वसंतसाईसाय नमः 

गोकुळाष्टमी संदेश 

" पौर्णिमेच्या शीतल रात्री वृंदावनात रासलीला केली जात असे परंतु येथे मुक्ती निलयममध्ये भर दुपारच्या उन्हात रासलिलेचे नृत्य केले गेले. प्रत्येक गोपीला स्वतःचा एक कृष्ण होता. एक गोपी, एक कृष्ण, एक गोपी, एक कृष्ण असे सर्वांनी हातात हात घालून नृत्य केले ! स्वामींनी म्हटले आहे की सत्ययुगामध्ये प्रत्येक स्त्री राधा असेल व प्रत्येक पुरुष कृष्ण. सत्य आणि प्रेम हातात हात घालून रासलिलेचे नृत्य करतील. प्रत्येक क्षण अन क्षण आनंदाने भरून गेलेला असेल. अखिल विश्व वृंदावन बनून जाईल. प्रत्येकाचे जीवन म्हणजे रासलिलाच असेल. सर्वांना राजविद्या म्हणजेच चंद्र आणि सूर्य ह्यांच्या एकत्वाचे ज्ञान असल्यामुळे ते रासलिलेच्या आनंदात न्हाऊन निघतील. येथे इंद्रियांचे काहीही काम नाही. ह्या परम आनंदाची अनुभूती केवळ भावांद्वारे घेता येते."

तुझ्या लेखनात पाहिले मी सौंदर्य तुझ्या हातांचे 

तुझ्या पदन्यासात पाहिले मी सौंदर्य तुझ्या चरणांचे 

शरीर निवेदनात पाहिले मी सौंदर्य तुझ्या रूपाचे 

ह्या भ्रामक जगात, शोध घेतो मी तुझ्यासाठी 

- बाबा 

संदर्भ - श्री वसंतसाईंच्या ' गीत गोविंदम् अगेन ' ह्या पुस्तकातून 

*     *     *

कृष्णाने धरती मातेला दिलेली प्रतिज्ञा पूरी करण्याच्या हेतूने, विश्वाची अनेक दुष्ट राजकर्त्यांपासून मुक्तता केली आहे आणि सज्जनांच्या रक्षणार्थ धर्माधिष्ठित शासन स्थापित केले. सदाचरणाचे रक्षण करण्यासाठी, दुष्टांना दंड देण्यासाठी आणि धर्माची स्थापना करण्यासाठी दिव्यत्व युगानुयुगे अवतार घेते. असे म्हटले जाते की कृष्णाने अनेक दुष्टांचा विनाश केला परंतु हे कथन बरोबर नाही. दुष्टांचा त्यांच्यामधील दुष्टताच नाश करते. असा प्रश्न उपस्थित केला जाऊ शकतो की," कृष्णानी कंसाचा वध केला नाही का ? " नाही, बिलकुल नाही. हे पाठ्य पुस्तकातील संस्करण आहे. वास्तविक, हा कंसाचा स्वतःचा भ्रम होता ज्याने त्याचा संहार केला. कृष्णाविषयी असणाऱ्या भयाने तो सदैव अस्वस्थ असे. त्याचा मृत्यु म्हणजे त्या भयाची प्रतिक्रिया व त्याचा परिणाम होता. व्यक्तीचे विचारच व्यक्तीची नियती निर्धारित करते. म्हणून लोकांनी चांगले विचार विकसित केले पाहिजेत सर्व दुर्भावांपासून आपला बचाव केला पाहिजे. ईश्वराला कोणाविषयीही ईर्ष्या वा द्वेषभाव नसतो ना ही त्याच्यासाठी कोणी विशिष्ट व्यक्ती प्रिय असतो. जी व्यक्ती कृपा प्राप्त करते, तो त्याच्या स्वतःच्या भावनांचाच परिणाम असतो.

 

संदर्भ - भगवान बाबांच्या २९ ऑगस्ट १९९४ रोजी दिलेल्या दिव्य संदेशातून.    

जय साईराम