ओम श्री साई वसंतसाईसाय नमः 

सुविचार

" परमेश्वराशी तादात्म्य पावलेले मन परमेश्वरच होऊन जाते ". 

पुष्प तेरावे पुढे सुरु 

            
             आता पुढील श्लोक पाहू .ज्योतींमध्ये मी सूर्य आहे ........ असे कृष्णानी घोषित केले . तो तेजाने तळपणारा सूर्य आहे . सूर्य प्रकाशाशिवाय वृक्ष वेलींची वाढ होऊ शकत नाही . मानवालाही जगण्यासाठी सूर्यप्रकाश आवश्यक आहे . अंधारामध्ये पृथ्वीवर कामकाज करणे शक्य नाही . हे ज्ञानासारखे आहे . ज्ञानाविना मनुष्य पशूवत व्यवहार करतो . तो केवळ अन्न ग्रहण , निद्रा आणि प्रजोत्पत्ती एवढेच करतो . मनुष्याने ज्ञान अर्जित करून बुद्धीचा विकास केला पाहिजे .  मानवाने आपण  जन्म का घेतला व आपल्या जन्माचा उद्देश काय हे जाणून घेतले पाहिजे. या सर्व प्रश्नांची उत्तरे आपण शोधली पाहिजेत . 
            ऋषिमुनींनी प्रकट केलेल्या वेदिक वचनांनुसार मनुष्याने आपले जीवन व्यतीत करावयास हवे . नीतीतत्वांनुसार जीवन जगावे . अज्ञानाच्या तिमिरामधून ज्ञानाच्या प्रकाशाकडे गेले पाहिजे .  पुनर्जन्मापासून सुटका करून घेण्यासाठी  त्याने हा जन्म सार्थकी लावावा . सर्वांनी ही साधना करायला हवी . सूर्य ज्ञानाचे प्रतिक आहे . या जीवनामध्ये परमेश्वर प्राप्ती करून देणारे ज्ञान आपण मिळवायला हवे . स्वामी कोटीसूर्यसम तेजस्वरूप आहेत . त्यांनी ८४ वर्षे जगावर ज्ञानवृष्टी केली . तथापि मनुष्यामध्ये परिवर्तन घडले नाही . माझ्या अश्रूंद्वारे मी त्यांच्याकडून ज्ञान खेचून घेऊन ते प्रकाशित करते . 
             काल स्वामींनी एक बनियनच्या कापडाचा तुकडा दिला . त्यावर भगव्या आणि जांभळ्या ( विलयन रंगात ) रंगात खालील मजकूर लिहिला होता . 

17A:OXO: 24GG  17  

संध्याकाळचे ध्यान 

वसंता - स्वामी हे तुम्ही काय लिहिले आहे ? 

स्वामी - सात चक्रांच्या पलीकडे केवळ एक परमात्मा असतो . सर्वजण एकच आहेत , आदिमूलम् . तू , आदिशक्ती पूर्णम्  मधून जे पूर्णम्  बनवतेस जे पूर्णम् च आहे . अशा तऱ्हेने सर्वांची २४ तत्वे ईशस्थिती प्राप्त करतात . आजपासून सर्व काही बदलेल . 

ध्यान समाप्ती 

            आता आपण पाहू या . सात चक्रांच्यापलीकडे , सर्व एकच आहेत . पूर्णम्  मधून पूर्णम्  काढले तरी ते पूर्णम् च रहाते . असे म्हटले आहे. 

पूर्णमदः पूर्णमिदं पूर्णात्पूर्णमुदच्यते

पूर्णस्य पूर्णमादाय पूर्णमेवावशिष्यते 

ते पूर्ण आहे , हे पूर्ण आहे. पूर्णम्  मधून पूर्णम्  जन्मते . पूर्णम् मधून पूर्णम्  वजा केले असता शेष राहते जे ते केवळ पूर्णम्  असते . 

           तथापि इथे स्वामी सांगतात की पूर्णम्  ला गुणले तरी ते पूर्णम् च राहते . ही निर्मिती आहे . ही परमेश्वर स्वरूपाला प्राप्त होणारी २४ तत्वे आहेत . याचा अर्थ प्रत्येक व्यक्ति जीवनमुक्त अवस्था प्राप्त करते.  स्वामींनी विलयन रंगात १७ हा आकडा लिहिला होता . जेव्हा सर्व सात चक्रांद्वारे  एकत्व प्राप्त करतील तेव्हा आम्ही दोघ सर्वांमध्ये प्रवेश करू . 

जय साई राम