ओम श्री साई वसंतसाईसाय नमः 

सुविचार 

      " इतरांमधील दोष शोधू नका . स्वतः मध्ये असणारे दोष शोधून काढा ". 

वसंतामृतमाला

पुष्प बारावे 

साई कृष्ण लीला

         
           
           " स्वामींचा विरह असह्य होऊन मी अश्रू ढाळत होते ". 
२६ एप्रिल २०१३ संध्याकाळचे ध्यान 
वसंता - स्वामी , स्वामी ! माझे प्रभू !
स्वामी - रडू नकोस , ये , काय झाल सांग मला ? 
वसंता - स्वामी, श्रीराम  पत्नी आणि मुलांपासून केवळ १२ वर्षे वेगळे राहिले . तुम्ही मी न् माझ्या मुलांपासून १९६१ सालापासून वेगळे राहताय . ५२ वर्षे झाली ! मी अजून ५० वर्षे वाट पाहू का ?
स्वामी - रडू नकोस मी नक्की येईन . 
वसंता - हे असं कधी , कोणत्या ठिकाणी वा पूर्वीच्या कोणत्या युगात घडले आहे का ? 
स्वामी - तू रडू नकोस . तू माझी देवी आहेस . मी नक्की येईन . मी हे लिहीन . तुझ्या या कोमल भावांमुळे तुझी  ही काया अत्यंत नाजूक झाली आहे . या सर्व कालखंडात तुझा विरह व तुझे अश्रू माझ्यासाठी अत्यंत क्लेशकारक ठरले आहेत . मी तुला पाहताक्षणी धावत येऊन तुझा हात हाती घेत तुला माझ्या अश्रूंनी चिंब भिजवून टाकेन . पण त्यावेळी तुझ्या कायेला क्लेश होतील का काय अशी भीती मला वाटते . 
वसंता - स्वामी , तुमचे प्रेम मला सहन होत नाही . 
स्वामी - तुझा देह एवढा कोमल आहे की त्यावर थोडा जरी दाब पडला तरी तुला त्रास होतो , म्हणून तुला स्पर्श करतांना मी तुझी काळजी घेईन . 
ध्यान समाप्ती 
            आता आपण पाहू या . मी कितीही लिखाण केले तरी स्वामींच्या विरहाने मी सतत रडत असते . माझ्या देहाला होणाऱ्या त्रासाचे हेच कारण आहे . रामाने गर्भवती सीतेला अरण्यात पाठवले . लवकुशाच्या जन्मानंतर ते तिघही वाल्मिकींच्या आश्रमात राहिले . त्यानंतर १२ वर्षांनी राम , सीतेला आणि त्यांच्या मुलांना पहिल्यांदा भेटले . स्वामी आमच्यापासून ५२ वर्षांपूर्वी दूर गेले . मी कोण आहे हे त्यांनी उघड केले नाही . यासाठी मी त्यांना विचारले , " मी अजून किती प्रतिक्षा करायची "? या विचाराने मी अधिकच रडत होते . पूर्वीच्या युगातील कोणालाही कधीही अशा परिस्थितीला तोंड द्यावे लागले नाही . माझ्या अश्रूंना उत्तर देतांना स्वामी म्हणाले की  जेव्हा आम्ही पहिल्यांदा एकमेकांना भेटू तेव्हा ते माझा हात धरून मला घरी घेऊन जातील.  स्वामी पुढे असेही म्हणाले की त्यांनी माझा हात हातात घेतल्यावर माझ्या नाजूक देहाला त्यांचा स्पर्श पेलवणार नाही अशी त्यांना भीती वाटते . अशा तऱ्हेने स्वामी त्यांचे प्रेम दर्शवितात.  आतापर्यंत परमेश्वराच्या कोणत्याही रूपाने अशा तऱ्हेने उघडपणे आपले प्रेम दर्शवले नाही . स्वामी हे सर्व अवतार कार्यासाठी करत आहेत . त्यांच्या प्रमाणे कोणत्याही अवताराने असे प्रकटीकरण केले नाही.  इतर सर्व अवतार साक्षी भावात स्थित होते . हा अवतार त्याचे भावविश्व दर्शवण्यासाठी आला . स्वामींचे आणि माझे भाव बाहेर जाऊन विश्वामध्ये परिवर्तन घडवतात . 
           स्वामींनी एक विणलेला कापडाचा तुकडा दिला त्यावर काही मजकूर लिहिला होता तो आता आपण पाहू या . 
18 d be yearn * ( heart shape )
it would be 
My verge promise to you 
Garden we around
Then , SV in the form of a rose . 
           वैकुंठ पृथ्वीवर अवतरावे यासाठी मी सदैव व्याकुळ असते . 18 d या मधून हे दर्शवले जाते . आता अखेरीस स्वामी मला हे वचन देतात . संपूर्ण विश्व फुलांचे सुंदर उपवन बनेल जिथे सर्व S आणि V गुलाबपुष्पे असतील . हे स्वामींचे वचन आहे . 
            त्या कापडावर काही संगीताचे स्वरही होते . सत्ययुगामध्ये सर्व मधुर संगीतासारखे असेल . स्वामींनी असे वचन दिले आहे . त्या दिवशी मी सतत रडत होते . त्याचा माझ्या डोळ्यांवर परिणाम झाला . 

उर्वरित वसंतामृत पुढील भागात ..........

जय साई राम