ॐ श्री साई वसंतसाई  साय नमः

सुविचार

" देहभाव गळून पडल्यावर सत्याचा साक्षात्कार होतो. "

पुष्प ३३ पुढे सुरु

                सकाळी स्वामींनी सुशोभित केलेला एक छोटा चंदेरी रंगाचा बॉक्स दिला. आतमध्ये एक सप्तरंगी षट्कोन होता. त्यावर स्वामींनी ' ॐ साई राम ' लिहिले होते . राम मधल्या ' M ' पाशी S आणि V एकत्र होते . आतमध्ये स्वामींचा आशीर्वाद देणारा फोटो होता . त्याच्या मागे एक कॅलेंडर होते . त्याची सुरुवात ऑगस्ट २००३ ने झाली व शेवटचा महिना जुलै २००४ होता . त्यावर स्वामींनी लिहिले होते-  

                      अग्नीपुत्रीस 

                                       साईप्रेमीकडून

                 हे शब्द तेलगूमध्ये लिहिले होते . त्याच्याखाली १० चंदेरी चांदण्या होत्या . आता आपण याविषयी पाहु. ते शब्द तेलगू असल्यामुळे अर्थ जाणण्यासाठी आम्ही ते श्री राव यांच्याकडे पाठवले . २००३ ते २००४ या काळामध्ये स्वामींनी आणि मी अत्यंत क्लेश सहन केले. सुरुवात ऑगस्ट २००३ व शेवट २००४ असलेले विचित्र कॅलेंडर स्वामीनी कां बरं दिले ? मला काही समजले नाही . कृष्ण जयंती च्या दिवशी उत्सवास सुरुवात झाली . 
१६ मे २०१३ संध्याकाळचे ध्यान 
वसंता - ऑगस्ट ते जुलै , अशा या कॅलेंडरचा अर्थ काय , स्वामी ? 
स्वामी - ऑगस्टपासून मी माझ्या आगमनाची अनेक चित्रे दाखवली . तेव्हापासून तुझेही शारीरिक क्लेश अधिक वाढले . मे पासून त्यामध्ये सुधार होईल .
वसंता - खरच स्वामी ! परंतु रोज नवीन त्रास उद् भवत आहे . 
स्वामी - ही दोन औषधे घे. सगळ काही ठीक होईल. मी ही येईन आणि तुझे सर्व क्लेश संपतील . 
ध्यान समाप्ती 

उर्वरित वसंतामृत पुढील भागात ……

जय साईराम

ॐ श्री साई वसंतसाई  साय नमः 

सुविचार

" त्याग ही सत्याची गुरुकिल्ली आहे . "

पुष्प ३३ पुढे सुरु

               ' चिंतन म्हणजे काय ? ' सर्व साधारणपणे एखाद्या गोष्टीचा सखोल विचार करणे . त्यानंतर त्यावर चर्चा करून लिखाण करणे . इथे माझ्या मनाच्या रूपाने स्वामीच कार्यरत आहेत . स्वामीच माझ्यामधून बोलतात आणि नंतर मी आमच्या संभाषणाविषयी लिहिते . लिखाण करते वेळी मी त्या विषयी विचार करत नाही तर ते स्वाभाविकपणे माझ्या आतून ओघवते . माझ्यामधील स्वामीच हे लिहितात हे यावरून दिसून येते . 

                स्वामींनी लिहिलेल्या ' ब्रम्हांड स्फोट ' या    कवितेत स्वामी म्हणतात , 

 देह स्तुपाचा तूची होऊनी

अंतरी तयाच्या विद्यमान मी 

               हे तेच आहे. माझ्या देहामध्ये केवळ स्वामीच भरून राहिले आहेत. म्हणून मला योग्य रितीने ध्यान करणे शक्य होत नाही. आम्ही केवळ ध्यानामध्येच संभाषण करू शकतो . परंतु आता माझ्या शारीरिक क्लेशांमुळे मला ध्यान करणे शक्य होत नाही . माझे ध्यान होत नाही . तथापि मला कितीही शारीरिक क्लेश झाले तरी माझे लेखन अखंड चालू आहे . मी लिहीतेच आहे . अशा प्रकारे माझ्या अंतर्यामी असणारे स्वामीच माझ्याद्वारे लिहित आहेत . त्यासाठी चिंतन, वा ध्यान करण्याची आवश्यकता नाही . फक्त सर्वांना मुक्त करायचे आहे ! 
 

उर्वरित वसंतामृत पुढील भागात …….

जय साईराम

ॐ श्री साई वसंतसाई साय नमः 

सुविचार 

         " आपण केवळ अशा गोष्टींची वाच्यता केली पाहिजे ज्या आपण स्वतः आचरणात आणल्या आहेत. "

पुष्प ३३ पुढे सुरु 

                  स्वामी म्हणाले की हे सर्व म्हणजे लपंडाव आहे . हो, हे खंर आहे. इथे अवतरलेल्या ह्या परमेश्वराने किती लोकांचे आजार बरे केले ? स्वामी सर्वदेवदेवता स्वरूप आहेत. त्यांच्या ह्या एका रुपामध्ये सर्व समाविष्ट आहे. त्यांनी मनात आणले तर ते पृथ्वीचे आकाशात वा आकाशाचे पृथ्वीमध्ये परिवर्तन करू शकतात . तथापि मला बरे न करता हा लपंडाव कशासाठी ? कारण, सर्वकाही वैश्विक कर्मसंहार करण्यासाठी . हे बरं कधी होणार आणि हे खातं कधी बंद होणार ? केवळ तेच ह्या प्रश्नाचे उत्तर जाणतात . योग्य वेळ येताच सर्व ठीक होईल. 
                   गेल्या दोन दिवसांपासून रोज सकाळी मी स्वामींनी दिलेली कस्तुरी पावडर घेतेय . काही दिवसांपूर्वी स्वामींनी मला दिलेली दिव्य वनौषधीही मी घेतेय . स्वामी आल्यानंतर मी बरी होणार . तोपर्यंत हा लपंडाव चालूच राहील ! 
१६ मे २०१३ दुपारचे ध्यान 
वसंता - स्वामी मला ध्यान करणेही शक्य होत नाही . मी कोणत्याही गोष्टीवर चिंतन करू शकत नाही . 
स्वामी - चिंतन म्हणजे काय ? जर एखाद्याला एखाद्या गोष्टीविषयी लिहायचे असेल तर प्रथम तो त्यावर विचार करतो , तेच चिंतन होय . सर्वजण या पद्धतीने चिंतन करतात . मन हेच चिंतन परंतु तू तुझ्या मनाला माझे स्वरूप दिले आहेस . तू आपल्या संभाषणामध्ये तुझ्या लेखनाची भर घालून लिहितेस . जेव्हा एखादी व्यक्ती लिहिते , तेव्हा ती तिच्या विचाराने लिहिते परंतु जेव्हा तू लिहितेस , तेव्हा तुझ्यामध्ये असणारा ' मी ' लिहितो. 
ध्यान समाप्ती 

जय साईराम 

उर्वरित वसंतामृत पुढील भागात …….

        

ॐ श्री साई वसंतसाई  साय नमः

महाशिवरात्र निमित्य 

सर्व साधनांचा अंतिम उद्देश

   

वद्य पक्ष चतुर्दशी। जास्तीत जास्त क्षय चंद्रमासी ।
चंद्रामुळे मानस ये अधिष्ष्ठितेसी। साधनेसी पराकाष्ठा ये दिनी ।।१।।

रात्री करावे प्रयत्ना। नष्ट होतो स्वप्न आणि कल्पना । 
यांसहित हो मानस निर्मूलना। साधकांना साध्य साधे ।।२।।

या तिथीस म्हणतो शिवरात्र। तिच्या आगमना सर्व महिने पात्र ।
माघ महिन्यात महाशिवरात्र। साधना सत्र या मुहूर्ती ।।३।।

शिवरात्र मानवाच्या। सुविजयी अस्तित्वाच्या । 
स्मृतीच्या आणि ध्येयाच्या। उजळा देण्याच्या कामास येते ।।४।।

( सौ. सीता कुलकर्णी यांच्या ' भगवान श्री सत्यसाई सच्चरित ' यामधून )

                   शिवोपासना करण्यासाठी, महाशिवरात्र वर्षातून केवळ एकदाच येत नाही तर दर महिन्यात शिवरात्र येते . ही रात्र एवढी महत्वाची का आहे ? रात्रीवर चंद्राचे अधिपत्य असते . चंद्राला १६ कला आहेत . कृष्ण पक्षातील प्रत्येक रात्री, अमावस्ये पर्यंत त्याची एक एक कला कमी होत जाते व अमावस्येच्या दिवशी चंद्राचा पूर्णतः क्षय होतो. त्यानंतरच्या प्रत्येक रात्री एक एक कला वाढत जाऊन पौर्णिमेला पूर्ण चंद्रबिंब दिसते. चंद्र ही मनाची अधिष्ठात्री देवता आहे . मनाची ही चंद्रासारखी वृद्धी आणि क्षय होतो . ' चंद्रमा मनसो जातः ' परमात्म्याच्या मनापासून चंद्राचा जन्म झाला आहे. 
                अमनस्क बनण्यासाठी , मनोनाश हेच सर्व साधनांचे अंतिम ध्येय आहे हे आपण लक्षात ठेवले पाहिजे . तरच मायेचा पगडा दूर होऊन सत्याचे प्रकटीकरण होईल . जर ह्या दिवशी पूजा , जप , ध्यान या सारख्या आध्यात्मिक साधनांद्वारे काही विशेष प्रयत्न केले तर निश्चितपणे यश प्राप्त होते . उपवास आणि रात्रभर जागरण करून त्या रात्री केवळ शिवाचे ध्यान करावे. 
                प्रत्येकाने दर महिन्याच्या शिवरात्रीस तसेच वर्षातून एकदा येणा-या  या महाशिवरात्रीस ही  विशेष अध्यात्मिक साधना केल्यास मनामध्ये आत्मनिवासी परमात्म्याची अखंड जाणीव राहून जे शवम् ( मृत ) आहे ते शिवम् होईल.

भगवान बाबांच्या दिव्य प्रवचनातून 

 ( फेब्रुवारी ६९ महाशिवरात्र ) 

जय साईराम      

          

ॐ श्री साई वसंतसाई साय नमः 

सुविचार

          " मनुष्याने त्याचे विहित कर्म करताना येणारी दुःख आणि ताप सहन केले आणि आपले कर्तव्य चोख  बजावले तर ते तप बनते ." 

पुष्प ३३ पुढे सुरु

१५ मे २०१३ 
वसंता - स्वामी, आता मला हे असह्य झाले आहे, एकतर तुम्ही स्वतःस मला द्या किंवा तुम्ही हा जीवप्रवाह घ्या. 
स्वामी - असं नको बोलूस. मी लवकरच येईन . रडू नकोस. तू माझा जीवप्रवाह आहेस , या जीवाचे चैतन्य आहेस. 
वसंता - स्वामी तुम्ही खरच येणार का ? स्वामी तुम्ही औषध देईन म्हणालात परंतु दिले नाही. तेथे फक्त कस्तुरी पावडर सापडली . 
स्वामी - हेच तुझे औषध आहे . त्यातील सकाळी अर्धे घे. 
वसंता - हे औषध आहे ? स्वामी , मी ते कसे घेऊ ? 
स्वामी - सकाळी एकदा घे आणि अभिषेकानंतर घे . 
वसंता - खरच स्वामी ? मी घेईन. दोन खड्यांचा अर्थ काय ? 
स्वामी - आपण दोघं हिरे आहोत आणि सर्वांना हिऱ्यांसारखे बनवत आहोत . 
वसंता - आता मला समजले स्वामी . मी लिहीन . 
ध्यान समाप्ती 
                आता आपण याविषयी पाहु. स्वामींनी मला कस्तुरी पावडर औषध म्हणून घेण्यास सांगितली. अमरनी इंटरनेटवर त्याची माहिती काढून त्याची छापील प्रत काढली . अनेक व्याधींच्या उपचारांसाठी या पावडरचा उपयोग केला जातो असे त्यामध्ये म्हटले होते . वैश्विक कर्म ही माझी व्याधी आहे . केवळ स्वामीच माझा आजार बरा करू शकतात . किती औषधे ? किती डॉक्टर्स ? स्वामींनी मला डॉक्टरांकडून औषध घेण्यास सांगितले . त्याचप्रमाणे मी घेतलेही परंतु व्यर्थ ! आता मला अधिकच त्रास होतोय . स्वामींनी अनेक औषधांची नांवे लिहली. डॉक्टरांचे नावही  लिहले व त्यांच्याकडे मला जाण्यास सांगितले . त्यांनी माझ्या पायाचे फोटो काढून डॉक्टरांना दाखवले व औषध घेऊन आले. डॉ. रामस्वामी वरचेवर येथे येतात व मला औषधे देतात. 

उर्वरित वसंतामृत पुढील भागात ……

जय साईराम

ॐ श्री साई वसंतसाई  साय नमः

सुविचार

      " केवळ स्वतःमध्ये परिवर्तन घडवण्यासाठी केलेल्या निरंतर प्रयत्नांद्वारे सत्याचा बोध होतो . "

 

वसंतामृतमाला

पुष्प ३३

अग्निपुत्री

                 
                   मला अत्यंत शारीरिक क्लेश होत आहेत. शिंका थांबल्यावर दाह सुरु झाला . मी स्वामींना यावर काही देण्यासाठी विनंती केली. ते म्हणाले की ते दुसऱ्या दिवशी औषध देतील .
१५ मे २०१३ सकाळचे ध्यान
वसंता - स्वामी, तुम्ही माझ्या १९९६ च्या डायरीमध्ये ' लपंडाव ' असे लिहिले आहे, याचा अर्थ काय?
स्वामी - आतापर्यंत तू किती त्रास सोसलास ! मी सुद्धा  तुझे सांत्वन करण्यासाठी अनेक गोष्टी सांगितल्या . आपण लपंडाव खेळत होतो. आता तो खेळ संपला . मी तुला औषध देईन आणि सर्व ठीक होईल. आता शक्तीच्या स्वभावाचे प्रकटीकरण केले जाईल .
वसंता - स्वामी, तुम्ही खरच औषध देणार आहात का ? मी त्यांना शोधायला सांगते .
स्वामी - हो मी खरच देणार आहे.
वसंता - स्वामी, त्या डायरीमध्ये केवढे अनुभव आहेत ! आपण त्यावेळी किती ठिकाणी गेलो होतो.
स्वामी - आता तसे कशाला ? आता तू सर्व प्रत्यक्ष अनुभवशील .
ध्यान समाप्ती . 
                 आता याविषयी पाहू . सकाळी मी अमरला वडक्कमपट्टीच्या कपाटात औषध शोधण्यास सांगितले . कारण पूर्वी एकदा स्वामींनी तेथे औषध ठेवले होते. अमरनी शोध घेऊन एक छोटी डबी मला दिली . त्यामध्ये कस्तुरी मृगाची कस्तुरी पावडर होती . काही वर्षापूर्वी हैद्राबादच्या रुख्मिणीने आणलेली कस्तुरी पावडर आम्ही सर्वांनी पाहिली . कृष्णाच्या कपाळावर सदैव कस्तुरी तिलक कसा शोभायमान असतो या विषयी आमची चर्चा झाली . 

उर्वरित वसंतामृत पुढील भागात ……. 

जय साईराम  

  

ॐ श्री साई वसंतसाई साय नमः

सुविचार

" केवळ सर्वसंगपरित्याग केल्याने मोक्ष प्राप्ती होते ."

पुष्प ३२ पुढे सुरु 

                समस्त विश्व परमेश्वरामधून आलेले आहे हे दर्शविण्यासाठी आम्ही येथे आलो. आम्ही ब्रम्हांडस्फोटाच्या सिद्धांताचे प्रात्यक्षिक केले. पूर्वी स्वामींनी मला दिलेल्या कवितेत आमची अवस्था व निर्मितीच्या आगमनाविषयी स्पष्टीकरण दिले आहे. 

भगवंत संभ्रमित जाहला

त्यानेही ना देखिला

असा विलक्षण सामर्थ्यशील

अग्निस जाळणारा अग्नि !

भगवंत म्हणतो …. 

" नको मागुस वैश्विक मुक्ती !

चुकवू दे मुल्य प्रत्येक जीवास 

त्याच्या सत् असत कर्माचे 

हेच खरे बीज ! 

प्रत्येकास भोगू दे कर्मफल 

आपापल्या कर्मांचे 

तप साधनेने तुझ्या, होऊनी प्रसन्न 

देऊ करेन मी अवतारपद तुज 

वा अन्य वरदान माग मजसी तू 

माझे कोमल सुमन तू 

आहेस माझी मधुरिमा 

हृदयसम्राज्ञी तू माझी 

माझी तेजोमय पौणिमा !" 

" जीवलगा , प्रियतमा 

प्रलोभन दावुनी अवतारपद 

पकडू नकोस मज

मधुर शब्दांच्या जाळ्यात 

पातिव्रत्यास माझ्या ध्यास केवळ तुझा "

" परि  इनाम देऊ इच्छितो मी तुज 

हे अग्निसुमना !

युक्तिवाद न करी मजसवे . 

मीच कायद्याचा कर्ता करविता  

कैसे करू उल्लंघन , सांग वसंता !"

गिरीपर्वत कापती थरथर 

भयभीत होऊनी गोठती महासागर 

अचंबित देवांनी, प्रिय स्वामींसवे 

केला युक्तिवाद 

अखेरीस त्या करुणामुर्तीने

प्रसन्नचित्त दिधले आशीर्वचन 

" काही भक्तांसवे रहा ,

बांधोनी आश्रम !

दिव्य नाडी भाकितानुसार 

स्तूप तू स्थापित कर 

देह स्तूपाचा तुची होऊनी 

अंतरी त्याच्या विद्यमान मी 

माझ्यातूनी  उदय 

माझ्यातची लय 

होईल तुझा !"

जय साईराम

ॐ श्री साई वसंतसाई  साय नमः

सुविचार

       " आपण केलेले सत्कर्म सुद्धा परमेश्वराच्या साक्षात्कारामध्ये अडथळा बनू शकते . "

पुष्प ३२ पुढे सुरु

                  ' प्रेम ' सर्व धर्मांची शिकवण देतात . स्वामींनी इथे येऊन हेच सांगितले . ते सत्य आहेत . प्रेम आहेत. जगातील सर्व धर्म, जाती, वंश, वर्णाचे लोक स्वामींजवळ एकोप्याने राहतात. हे कसं ? कारण स्वामी सर्वांवर प्रेमाचा वर्षाव करून सर्वएक असल्याचे दर्शवितात . या सत्याचा साक्षात्कार केवळ स्वामींच्या कालखंडात आपल्याला होऊ शकतो . एक सत्य अनेक रुपात आविष्करीत झाल्याचे भासते . केवळ स्वामींच्या सान्निध्यात आपण हे उमजू शकतो . म्हणून सर्वांवर प्रेम करा . तरच तुम्हाला ' एकोहम् बहुस्यामि ' यातील सत्याचा साक्षात्कार होऊ शकेल . स्वामींना मी ध्यानात विचारले ,
वसंता - स्वामी, मी सत्याविषयी लिहित आहे . सत्याविना कोणते स्थान आहे कां ?
स्वामी - परमेश्वर सत्य आहे. तो निर्मितीचा संकल्प करतो त्याच्यापासून त्याची शक्ती बाह्यगामी होत निर्मिती होते व विश्वस्वरूप धारण करते .
                  सत्य सर्वकाही आहे हे दर्शविण्यासाठी व आद्य निर्मिती कशी होते हे दर्शविण्यासाठी आम्ही येथे आलो . तू निर्मितीच्या रुपात विस्तार पावलीस.  हा ब्रम्हांडस्फोटाचा सिद्धांत नसून त्याचे प्रात्यक्षिक आहे.
वसंता - आता मला समजले स्वामी.
ध्यान समाप्त  

उर्वरित वसंतामृत पुढील भागात ......

जय साईराम

 

ॐ श्री साई वसंतसाई साय नमः

सुविचार

               " आपला मृत्यू त्याचे ठिकाण आणि वेळ ही अगोदरच निश्चित केलेली असते व त्यानुसार ते घडते . यामध्ये कोणीही बदल करू शकत नाही . "

पुष्प ३२ पुढे सुरु

                 ज्यांच्या ठायी शुद्ध प्रेम आहे केवळ तेच परमेश्वराला पाहू शकतात . म्हणून आपण आपले हृदय प्रेमाने ओतप्रोत केले पहिजे. केवळ प्रेम सत्यदर्शन घडविते . हे प्रेम स्वार्थी नसावे तर विश्वामधील सर्वांसाठी निरपेक्ष निस्वार्थ प्रेम असावे . माझ्या प्रेमाने स्तूप प्रेममय होतो आणि स्तुपाद्वारे सत्य आणि प्रेम सर्वव्याप्त होते. 

                 स्वामींनी काल एक चित्र दिले. त्यात दोन गुलाब होते. एक मोठा तर दुसरा लहान . शिवाय ६ कळ्या व १९ पाने होती. खाली लिहिले होते.

                                    फोटोफ्रेम - ४"×६"

                 क्रमांक ४६ निर्मितीसाठी आवश्यक गुणसूत्रांचा सूचक आहे.  स्वामींची जन्मतारीख २३ आणि माझीही जन्मतारीख २३ आहे . आमच्या हृदयांत म्हणजे विश्वब्रम्ह गर्भ कोटम् मध्ये या दोन संख्या मिळून गुणसूत्रांचे कार्य करतात , आणि यातून नवनिर्मिती होते मोठा गुलाब म्हणजे स्वामी, मूलअग्नी तर छोटा गुलाब म्हणजे मी - त्यांची शक्ती. ६ कळ्या षड्गुणांसाठी आहेत तर १९ पाने माझे १९ गुण सुचवितात. या गुणांद्वारे विश्वपरिवर्तन होते. माझे १९ गुण सर्वांमध्ये कार्यरत होतील . ते एका चौकटीत कार्य करतात याचा अर्थ सत्ययुगामध्ये कार्यरत होतात . हे कलियुगातील सत्ययुगासारखे आहे. हे आहे प्रेम, अखिल निर्मितीवर वर्षवलेले प्रेम. या प्रेमाद्वारे सत्याचे सर्वव्यापकत्व आपण व्यक्त करू शकतो म्हणून सर्वांना प्रेम द्या.

उर्वरित वसंतामृत पुढील भागात …… 

जय साईराम