ॐ श्री साई वसंतसाईसाय नमः 

सुविचार 

          " जेव्हा आपली भक्ती अधिक शुद्ध आणि परिपक्व होत जाते तेव्हा परमेश्वर आणि आपण यातील अंतर कमी होऊन गोष्टी आपोआप घडून येतात."

      

        प्रकरण पाच 

चंद्र आणि मन 

            
               हळूहळू मला ध्यानामध्ये अनेक दृश्य दिसू लागली. त्यांची मी माझ्या डायरीमध्ये नोंद ठेवली आहे. 
               दरवर्षी आम्ही पादुकापूजनासाठी पुट्टपर्तीला जात असू. आम्हाला स्वामींचे दर्शन आणि पादनमस्कार मिळे. जिथे जिथे स्वामींचे चमत्कार घडत तिथे जाऊन, स्वामींच्या लीला पाहून मी आनंदविभोर होत असे. परमकुडीचे डॉ. कोदंडपाणी यांच्या घरी अनेक चमत्कार होत असत. स्वामींनी मला लिहिण्यास सांगितलेले ' इथेच याक्षणी मुक्ती ' हे पुस्तक प्रकाशित करण्यासाठी त्यांनीच मला प्रोत्साहन दिले. माझे संपूर्ण जीवन साईमय होऊन गेले. 

***

उर्वरित प्रकरण पुढील  भागात .....

 जय साईराम

ॐ श्री साई वसंतसाईसाय नमः 

सुविचार 

        " सत्याचा साक्षात्कार सहजतेणे होत नाही त्यासाठी पूर्णतः आत्मशुद्धी व्हावी लागते. "

प्रकरण चार 

आध्यात्मिक प्रगतीचे टप्पे पुढे सुरु 

               संत तिरुवल्लुवर यांच्या तिरुकुरलवर आधारीत मी स्वामींवर काही दोन दोन ओळींच्या पद्यरचना केल्या आहेत, त्या खाली देत आहे. 

... कर्म किंवा दैवगतीची बाळगू नका भीती 
कृपा संपादन करा साईंची

... दानधर्म वा तप करण्याची गरज नाही 
करा साईंचे ध्यान 

...ज्यांच्या हृदयात आहेत साई 
त्यांनी इंद्रियास जिंकीले 

...पृथ्वीवरील कोणत्या गोष्टीची इच्छा धराल ?
साईंचे चरण 

... साईंच्या शिकवणीतून लाभ होईल 
शिकवण पूर्णत्वाने आचरणात आणली तरच 

...तुम्हाला जर काही हवे असेल तर 
मागा केवळ त्यांचे चरण 

... तुम्ही त्यांची भक्ती करा, पूजन करा 
ते तुम्हाला अमरत्व बहाल करतील 

... शुचिता, प्रेम, सदाचरण, अहिंसा 
हाच मार्ग आहे सत्य भगवंताचा 

... त्यांची कृपा, प्रेम घडवून आणेल विश्वात परिवर्तन 
दुष्टांचा नाश, हा त्यांचा स्थायीभाव 

... ज्यांनी ' साईनाम ' ऐकलेच नाही 
ते म्हणती अमृत मधुर असते. 

उर्वरित वसंतामृत पुढील भागात ..... 

जय साईराम

ॐ श्री साई वसंतसाईसाय नमः 

सुविचार 

           "  आपली परमेश्वराप्रती असलेली भक्ती आपल्या नको असलेल्या प्रवृतींचे सद्गुणांमध्ये परिवर्तन करते. "

प्रकरण चार 

आध्यात्मिक प्रगतीचे टप्पे पुढे सुरु 

दिवस पाचवा 
     हा भव्यदिव्य सोहळा 
     जन्मदिन परमेशाचा 
     प्रभुकृपेने होईल 
     आपुला कर्मसंहार 
     चोहीकडे उत्सवाचे वातावरण 
दिवस सहावा 
     प्रिय प्रभुंना दुग्धाभिषेक 
     भक्तीच्या परमानंदाचे रूप 
     दिव्यत्वाला मधाभिषेक 
     भक्तांच्या परमप्रेमाचे रूप 
     दिव्य मनमोहनाला समर्पित पुष्पमुकुट 
     भक्तांच्या उत्साहाचे रूप
     प्रभूंचा सुवर्णमुकुट 
     त्यांच्या प्रियजनांचे हृदय
     झुलणारा हिंदोळा त्यांचा 
     स्वरूप अखिल निर्मितीचे 
दिवस सातवा
     तेजोवलयांकित मुकुटधारी स्वामी चिरायू होवोत !
     त्यांचे परमकरुणामयी नेत्र चिरायू होवोत !
     प्रेम हाची श्वास जिचा , नासिका ती चिरायू होवो !
     अमृतवाणी उच्चारणारे दिव्य मुख चिरायू होवो !
     रंजल्या गांजल्यांच्या विनवण्या ऐकणारी कर्णेनद्रिये चिरायू होवोत ! 
     चंदेरी  घंटांच्या सुरावटीत झंकारणारा त्यांचा आवाज चिरायू होवो !
     वेदांचे निकेतन दिव्य वक्षस्थल चिरायू होवो !
     स्वस्पर्शी दिव्य महाबाहू चिरायू होवोत !
     ब्रह्याचे निकेतन दिव्य नाभी चिरायू होवो !
     सर्वांना सुमार्गावर घेऊन जाणारे दिव्य चरण चिरायू होवोत !
     समस्त विश्वाचा आश्रय ही सोनपावले चिरायू होवोत !
चिरायू होवोत ! चिरायू होवोत !!

उर्वरित प्रकरण पुढील भागात ..... 

जय साईराम  

ॐ श्री साई वसंतसाईसाय नमः 

सुविचार 

" ना संभ्रमाचे तिमीर 

ना द्वंद्वाचा धोका भयंकर 

ना मायेचे कृष्णमेघडंबर 

येथे भक्तीचे संगीत मधुर 

सत्याची पहाट आहे ही तर 

आत्म्याचा सुंदर बहर 

जेथे जाते माझी नजर 

तेथे दिव्यत्वात शांती स्थिर "

प्रकरण चार 

आध्यात्मिक प्रगतीचे टप्पे पुढे सुरु

हृदयगवाक्षातून पाहिलेला सोहळा 
दिवस पहिला 

     हा महासागर आहे ? 

     का सागर ? 

     जमला प्रचंड जनसमुदाय 

दिवस दुसरा 

     नजर टाकीता दशदिशांस 

     दिसे अफाट जनसागर 

     तिष्ठती जन दिव्य चरणांच्या ओझरत्या दर्शनास 

     ही तर त्या परम ईश्वराची कृपा 

     उसळती जनसागर लहरी 

     लयलूट ही परम आनंदाची 

     दर्शनाने वितळती ओझ्यांचे पर्वत 

     महद् आश्चर्य हे ! करूणा परमेशाची ! 

तिसरा दिवस 
     स्वर्गाची अरुंद दारे 
     क्षणार्धात बदलली त्याने 
     आता स्वर्गास दारेच नाहीत 
     येईल त्यास आश्रय, असा आहे हा स्वर्ग 
दिवस चौथा 
     हे औदार्य गोमातेचे 
     मधुरामृत मातेच्या ममतेचे 
     वस्त्रदान करिती सर्वांसी 
     हे परमप्रेम त्या प्रभूपरमेशाचे  
     देतो परमधाम सर्वास
     मुक्त हस्ते उधळीतो सुवर्णाची रास 
     प्रवेशद्वार हे स्वर्गाचे 
     क्षुधाशांती करी प्रसाद देवोनी 
     ही अपरिमित कृपा, मातृहृदयाची

उर्वरित प्रकरण पुढील भागात ..... 

जय साईराम

    

ॐ श्री साई वसंतसाईसाय नमः 

सुविचार 

         " जो अहंकार आणि इच्छा यांच्या मलीनतेपासून मुक्त असतो त्यांच्या मनाच्या आरशामध्ये सत्य झळकते. " 

प्रकरण चार 

आध्यात्मिक प्रगतीचे टप्पे पुढे सुरु

                  मी १९८४ मध्ये कृष्णाला पत्र लिहिले. १२ वर्षांनंतरही मी दृश्यामध्ये तोच वर मागितला. ही सर्व परमेश्वराचीच कुशल योजना आहे, हे आता मला स्पष्ट झाले. 
२० सप्टेंबर २००८ ध्यान 
मी स्वामींना या पत्राविषयी व दृश्याविषयी विचारले. 
स्वामी म्हणले, 
                 " परमेश्वरासाठी तू प्रत्येक संतमहात्म्याकडे धावलीस. तुला त्यांनी ध्यानदृश्यांद्वारे आशीर्वाद दिले. आता नाडीग्रंथातून अनेक संत तुझे परमेश्वराशी असलेले शाश्वत नाते प्रकट करत आहेत."
भगवानांचा जन्मदिन - २३ नोव्हेंबर १९८५ 
                  स्वामींना मी अखंड प्रार्थना करत होते, " पुट्टपर्तीतील स्वामींचा जन्मदिन सोहळा पाहण्यासाठी संजय आणि अगस्त्य ऋषिंप्रमाणे मलाही दिव्य दृष्टी प्रदान करा." २४ नोव्हेंबर १९८५ ला स्वामींनी माझ्या प्रार्थनेला प्रतिसाद दिला. सतत आठवडाभर भगवानांच्या जन्मदिनाचा सोहळा मला स्वप्नामध्ये दिसत होता. त्याचे वर्णन मी खाली दिलेल्या गीतामध्ये केले आहे. गीताचे शीर्षक आहे 
' हृदयगवाक्षातून पाहिलेला सोहळा ' 

वडक्क्मपट्टी अन् पुट्टपर्ती दूर आहेत एकमेकांपासून 

तरीही अष्टाक्षरी व्यवहार चालतो त्यांच्यात 

मज हृदय दिलेस तूच, करी चिंतन ते सदा तुझेच 

 भावभावनांच्या मधुर संगीताचे गूज 

लाभे परमानंद तव कृपेच्या वर्षावाने 

              अशा तऱ्हेने माझ्या अंतःकरणात उमलणाऱ्या भाव व विचार व्यक्त करणाऱ्या गीतांची मालिका सुरु झाली. मी तो संपूर्ण सोहळा डोळे भरून पाहिला आणि या पद्यरचनांच्या रूपात स्वामींना अर्पण केला. मी स्वामींना म्हणाले, " मी या पद्यरचना तुमच्या दिव्य चरणांवर अर्पण करते, कारण त्या तुमच्याच आहेत." 

उर्वरित प्रकरण पुढील भागात ..... 

जय साईराम

ॐ श्री साई वसंतसाईसाय नमः 

सुविचार 

          " मायेच्या पिंजऱ्यातून स्वतःला मुक्त करा, परमेश्वर ही एकमात्र इच्छा ठेवा." 

प्रकरण चार 

आध्यात्मिक प्रगतीचे टप्पे पुढे सुरु 

                  हे ऋण फेडण्यासाठी कृष्ण प्रेमसाई बनून येणार आहे. तो माझ्या प्रेमाचे ऋण फेडण्यासाठी येणार आहे. मी जसे स्वामींना अनुभवले आहे, तसेच त्यांनी मला अनुभवायचे असे मी स्वामींना सांगितले. स्वामींचा पादनमस्कार, दर्शन व संभाषण यासाठी मी किती तळमळले ? त्यांनीही माझ्यासाठी असेच तळमळायला हवे. ते माझ्या एका दृष्टीक्षेपासाठी, एका शब्दासाठी तळमळतील. 
                  पत्रांची वही चाळताना मी ह्याच पत्राचे पान का उघडले ? त्याचा या प्रकरणात उल्लेख करण्यासाठीच. 
                  माझ्या नाडीत असे म्हटले आहे की हजारो लोक माझ्या दर्शनासाठी प्रतीक्षा करतील. मी उद्गारले, " मला याचा काय उपयोग ? मी त्या प्रत्येकाकडे जाऊन विचारेन, " तुम्ही मला स्वामींच्या दर्शनासाठी घेऊन जाल का ?" याचा उल्लेख मी ' आनंदसूत्र ' पुस्तकात केला आहे. मला फक्त स्वामी हवेत. मला अन्य कशातही रस नाही. मला केवळ त्यांचे दर्शन पुरेसे आहे. ही माझी अवस्था आहे. मी जन्मल्यापासूनच कृष्णासाठी रडत आहे. कृष्ण म्हणाला, " साई आणि मी एकच आहोत. तू जा आणि स्वतः याची अनुभूती घे." यामुळे माझे प्रेम स्वामींकडे वळले. आज त्यांनी हे सिद्ध केले की तेच कृष्ण आहेत. 
                माझ्या पहिल्या पुस्तकात ४ जून १९९६ रोजी मी पाहिलेले ध्यानातील दृश्य नोंद केले आहे ( दृश्य ). 
                ... ' अगस्ति ऋषी व त्यांची पत्नी लोपामुद्रा माझ्यासमोर प्रकट झाले. त्यांच्या कमंडलूमध्ये कावेरीचे पवित्र जल होते. त्यांनी ते माझ्यावर शिंपडले व ते म्हणाले," तुला काय हवे ते माग. " मी म्हणाले, " हे ऋषिवरा, स्वामींचे माझ्याप्रती असलेले प्रेम तसूभरही कमी होऊ नये. मी त्यांच्यावर अधिकाधिक प्रेम करावे. त्या प्रेमाने त्यांनाही माझ्यासाठी असाच ध्यास घ्यावा. गेली ३५ वर्षे मी केवळ परमेश्वरासाठीच अश्रू ढाळते आहे. परमेश्वरानेही माझा ध्यास घ्यावा, माझ्यासाठी वेडेपिसे व्हावे. तरच त्यांना माझी तगमग समजेल. " अगस्ती ऋषी म्हणाले, " तथास्तु !" 
दृश्य समाप्ती. 

उर्वरित प्रकरण पुढील भागात ..... 

जय साईराम

ॐ श्री साई वसंतसाईसाय नमः 

सुविचार 

            " आपण जन्म का घेतला ? पुन्हा केवळ मृत्यू पावण्यासाठी आपण जन्म घेतला आहे का ? आपण मुक्त होण्यासाठी आणि इतरांसमोर आदर्श उदाहरण प्रस्थापित करण्यासाठी जन्म घेतला आहे. " 

प्रकरण चार

आध्यात्मिक प्रगतीचे टप्पे पुढे सुरु 

               मी माझी जीवनगाथा का लिहीत आहे ? अनेकांच्या मनातील शंका दूर करण्यासाठी. काहीजण म्हणाले, 
               " तुम्ही वेगळा आश्रम का स्थापन केलात ?  जर तुम्ही खऱ्या साईभक्त आहात तर वेगळ्या आश्रमाची गरजच काय ? तुम्ही साई संघटनेचे सभासद बनून समितीमधील भजन, सेवा इ. उपक्रमात भाग घेतला पाहिजे. तुम्ही ही  सर्व पुस्तके लिहून स्वामींची प्रतिमा का मलिन करताय ? विश्वगर्भ कशासाठी ? " 
                 अशाप्रकारे अनेक शंका उदभवल्या आहेत. मी लिहिलेल्या क्रमानुसार जे माझी पुस्तके वाचतात, ते माझी अवस्था जाणू शकतात. तथापि सर्वांना हे शक्य नाही. या कारणास्तव स्वामींनी मला आत्मचरित्र लिहिण्यास सांगितले. 
                 मी कृष्णाला आणि स्वामींना हजारो पत्रे  लिहिली आहेत व वह्यांमध्ये त्यांच्या नोंदी केल्या आहेत. मी कृष्णासाठी किती अश्रू ढाळलेत ! पंधरा वर्षे मी रात्री झोपले नाही. मी सदैव कृष्णाच्या विचारात जागी असे. याच दरम्यान मी ही हजारो काव्ये व गीते लिहिली. मी घरातील भिंतींवरही लिहीत असे. किती पत्रे ! 

उर्वरित प्रकरण पुढील भागात ..... 

जय साईराम

ॐ श्री साई वसंतसाईसाय नमः

सुविचार 

" चिरकाल आनंद म्हणजे परमेश्वराशी एकात्मता."

प्रकरण चार 

आध्यात्मिक प्रगतीचे टप्पे पुढे सुरु 

                मी नेहमीच रडत रडत स्वामींना विचारते,"हे प्रेम म्हणजे शाप आहे का ? आणि त्यामध्ये सूडभावना असते का ? जर हे खरे प्रेम आहे तर हे असे कसे काय व्यक्त होते ? त्यावर स्वामी म्हणाले की, हे शब्द सत्यात उतरण्यासाठी असेच व्यक्त केले पाहिजेत. 

उर्वरित प्रकरण पुढील भागात ..... 

जय साई राम

ॐ श्री साई वसंतसाईसाय नमः 

सुविचार 

         " जर तुम्ही अखंड नामस्मरण केलेत तर ते तुमच्या श्वासाइतके स्वाभाविक बनून जाते."

प्रकरण चार 

आध्यात्मिक प्रगतीचे टप्पे पुढे सुरू 

                  ही सर्व पत्रे आता खूप जुनी झाली म्हणून मी ती पत्रे पुन्हा नवीन वहीत लिहिली. परंतु तीही आता जीर्णशीर्ण झाली आहेत. आज मी ही वही उघडल्यावर १९८६ चे एक पत्र मला मिळाले. ते वाचू लागल्यावर मला अश्रू आवरेनासे झाले. मला असे लक्षात आले की या पत्राला प्रतिसाद देण्यासाठी स्वामी प्रेमसाई अवतार घेणार आहेत. आज माझ्या त्यांच्यासाठी ज्या भावना आहेत त्याच भावना भविष्यकाळात माझ्यासाठी त्यांच्या मनात असतील. २५ वर्षांपूर्वी लिहिलेले हे पत्र मी पूर्णपणे विसरून गेले होते. जेव्हा मी ही वही शोधू लागले तेव्हा ते पुन्हा माझ्या मनाच्या पृष्ठभागावर आले . आज मी स्वामींसाठी जशी तळमळते आहे तसे स्वामी प्रेमसाई अवतारात माझ्यासाठी तळमळतील. ते मला पाहण्यासाठी व माझ्याशी बोलण्यासाठी तळमळतील. 
११-९-२००८ ( दुपारचे ध्यान )
वसंता : स्वामी, हे असे पत्र मी का लिहिले ? हे तळतळाट तर नाहीत ना ? का हे प्रेमापोटी आलेले शब्द आहेत ? 
स्वामी : हे तर प्रेमच आहे. ते ऋण फेडण्यासाठी मी अजून एक अवतार घेतो आहे. तू जशी सदैव माझ्या विचारांमध्ये असतेस, माझ्यासाठी अश्रू ढाळतेस, जसे तुझे अंतःकरण माझ्यासाठी द्रवते तसेच मीही तुझ्यासाठी करेन. मी ही तुझाच विचार करेन व तुझ्या प्रेमाचा ध्यास घेईन. 
वसंता : स्वामी, मला हे काहीही नकोय. खरे प्रेम असे नसते. 
स्वामी : आता तुझे सर्व भाव शब्दातून व्यक्त झाले पाहिजेत. मगच ते शब्द सत्यात उतरतील. माझा पुढील जन्म म्हणजे तुझ्या भावविश्वाचे प्रतिबिंब, प्रतिक्रिया आणि प्रतिध्वनी असेल. 
वसंता : स्वामी, परमेश्वराला प्रतिबिंब, प्रतिक्रिया व प्रतिध्वनी कसे लागू होईल ? 
स्वामी : हे सर्व परमेश्वराच्या दिव्य कार्यासाठी घडते आहे. हे प्रतिरोधाच्या भावनेने उच्चारलेले शब्द आहेत असे तू समजू नकोस. तू केवळ तुझी इच्छा व्यक्त केली आहेस आणि म्हणून ती पूर्ण होईल. 
ध्यान समाप्ती 

उर्वरित मजकूर पुढील भागात .....

जय साईराम