ॐ श्री साई वसंतसाईसाय नमः 

सुविचार 

        " आपण का जन्मलो ? मी कोण आहे ? यावर पुन्हा पुन्हा विचार करा. "

भाग - नववा 

आत्मगीते 

          वेगवेगळ्या देवांना उद्देशून मी लिहलेली गीते हेच दर्शवतात की अनेक नावांनी ओळखला जाणारा तो एकच आहे. 
          सुरुवातीला मी माझे भाव गीतांमधून आणि कवितांमधून व्यक्त केले. आता स्वामींनी पुस्तकरूपात भाव व्यक्त करायला सांगितले. प्रथम मी कृष्णावर कविता केल्या. त्यानंतर स्वामी माझ्या जीवनात आले. माझ्या जीवनात घडलेल्या प्रत्येक महत्त्वाच्या प्रसंगाने कवितेचे रूप धारण केले. स्वामींनी माझ्या पहिल्या पत्राचा स्वीकार केल्यानंतर मी त्यावर १०० ओव्यांचे काव्य केले. आमच्या घरात स्वामींच्या फोटोवर पहिल्यांदा विभूती साक्षात झाली तेव्हा मी १०० कविता केल्या. त्यांच्या पादुकांची प्रतिष्ठापना झाल्यावर १०० कविता, पहिला पादनमस्कार मिळाल्यावर १०० कविता. स्वामींचे चमत्कार ज्या घरांमध्ये होत अशा अनेक घरी मी जात असे. मी माझे विविध अनुभव १०० कवितांमधून लिहिले आहेत; आणि शेवटी मी स्वामींवर १०० कविता रचल्या. 

उर्वरित प्रकरण पुढील भागात .....

जय साईराम