ॐ श्री साई वसंतसाईसाय नमः
सुविचार
" भक्ती हा परिपूर्णतेकडे जाणाऱ्या आत्म्याचा प्रवास आहे . सदैव ईश्वरचिंतनात लीन ही खरी भक्ती होय ".
पुष्प पंधरावे पुढे सुरु
आज मनुष्याने ही जीवन प्रणाली सोडून दिली असून तो मन मानेल त्याप्रमाणे जीवन जगतो आहे . त्याच्या अंगी शिस्त वा आत्मसंयमन नाही . शिस्त लावणे आणि ज्ञानदान हे सरस्वतीचे कार्य आहे . हे ब्रम्हा आणि सरस्वती या दोघांचे कार्य आहे . प्रत्येक पुरुष आणि स्त्री ब्रम्हा आहेत . त्यांचे ज्ञान सरस्वती आहे . ज्ञान आणि बोधरहित जीवन हे पशुजीवनासमान आहे . म्हणून सर्वांनी भारतीय संस्कृतीचे अनुसरण केले पाहिजे .
पुढचा मुद्दा - शिव शक्ती . संहारकर्ता म्हणून शिवाचे पूजन केले जाते . पार्वती ही शिवाची अर्धांगिनी आहे . शिव आणि शक्ती हे कोणी पुरुष आणि स्त्री नव्हेत . शिव आणि शक्ती हे रूपक आहे जे जगाला तप आणि कामदहन याविषयी निर्देश करते . भगवान शंकराने कामदहन केले . विवाहापूर्वी कामदहन करणे गरजेचे आहे . अशा तऱ्हेने शिव हे नितीतत्व शिकवतात . पार्वती हे तपाचे प्रतिक आहे . सर्व इच्छांचा नाश करण्यासाठी ती तप आणि साधना करते . सर्व भौतिक इच्छांचा नाश झाल्यानंतरच त्यांचा विवाह होतो . तसे न केल्यास पुन्हा जन्म अटळ आहे . शिव संहारकर्ता आहे याचा हा अर्थ आहे . आपण साधना करून शिखर गाठतो . याचा अर्थ सर्वांमध्ये असणाऱ्या मूलाधार शक्तीचा आज्ञा चक्रात असणाऱ्या शिवाशी संयोग होतो . यानंतर जन्म मृत्यूचे चक्र थांबते .
माझा जन्म का झाला ? माझा जन्म आणि माझ्या जीवनातील दुःख यामागे नेमके काय कारण असावे ? यावर मनुष्याने चिंतन केले पाहिजे . अशा तऱ्हेने चिंतन करून आसक्ती , इच्छा आणि ' मी व माझे ' भाव या सर्वांचा नाश केला पाहिजे . असे केल्यानंतर एका मागोमाग एक ज्ञानाची कवाडे खुली होतात . तुम्ही प्रत्येकजण शिव आहात . तुम्ही तुमच्यामधील दुर्गुणांचा नाश केला पाहिजे . यासाठी तुम्हाला सोबत करते तुमची साधना . हेच तप आहे . तुमच्या दुर्गुणांचा नाश करणारे तुम्ही शिव आणि तुमची साधना म्हणजेच तुमची शक्ती , पार्वती . या दोघांचा संयोग हा विवाह अथवा मुक्ती होय .
उर्वरित वसंतामृत पुढील भागात .......
जय साई राम
कोणत्याही टिप्पण्‍या नाहीत:
टिप्पणी पोस्ट करा