ॐ श्री साई वसंतसाई साय नमः

सुविचार 

     " जेव्हा इंद्रियांवर नियंत्रण असते तेव्हा मन आपोआपच नियंत्रित होते . "

पुष्प २८ पुढे सुरु 

              ६ जुलैच्या संध्याकाळी मी एडीना म्हटले की जगामध्ये कोठे भूकंप झाला आहे का ते पहा . त्यांनी पाहिल्यानंतर , ९१ ठिकाणी भूकंप झाल्याचे आणि ९ ठिकाणी ज्वालामुखीचा उद्रेक झाल्याचे त्यांना आढळले . या घटना ४ व ५ जुलै रोजी घडल्या. अॅलर्जीमुळे माझ्या दोन्ही पायांना , डोक्यामध्ये व संपूर्ण त्वचेवर जखमा झाल्या होत्या . स्वामींनी सांगितले की वायुतत्व व स्पर्शसंवेदना यासाठी हे तुला होत आहे . माझ्या त्वचेवर त्याचा अधिक परिणाम झाला होता . गेली अनेक वर्षे मला अॅलर्जीचा त्रास आहे . स्पर्श संवेदना हे मानवाच्या जन्ममृत्यूचे कारण आहे . मनुष्याच्या अनुचित स्पर्शामुळे वायू  प्रदूषित झाला आहे . 
             ह्यानंतर मला दातदुखी सुरु झाली . माझं डोकं , मान व कानांत अतिशय वेदना होत होत्या . दंतवैद्याने काही औषधे दिली . मुख जलतत्वाशी संबंधित आहे . त्याचवेळी स्वामींनी मला गंगेविषयी लिहिण्यास सांगितले . मी लिहिल्यानंतर गंगेला महापूर आला . ज्या महापुराने संपूर्ण जगाला अपरिमित हानी पोहोचली असती , तो जलप्रलय  थांबविण्यात  आला. 
           अग्नितत्वाच्या प्रदूषणामुळे माझ्या शरीरात न्  मस्तकात दाह होत आहे . मी केस धुवून स्नान केले . डोके पुसत असताना खूप उष्णता जाणवत होती . विमला माझ्या पायांना तेल लावताना म्हणाल्या की त्यांच्या हाताला भाजल्यासारखी जाणीव होत होती . हा अग्नि आहे . अशा तऱ्हेने मी सर्व पंचमहाभूतांपासून ओढवणाऱ्या आपत्ती थांबविल्या . 
            साधारणतः प्रलयानंतर कलियुग संपुष्टात येते व नवयुग निर्माण होते . आता स्वामी प्रलयाविना सत्ययुग आणत आहेत . मी प्रकृति असल्याने माझ्यावर सर्वाधिक परिणाम होतो. ६ तारखेच्या रात्री मी एक नवीन औषध घेतले. 

उर्वरित वसंतामृत पुढील भागात .......

जय साई राम