ॐ श्री साई वसंतसाईसाय नमः

सुविचार 

       " मातेचा त्याग एवढा महान असतो की फक्त तिच्यापुढे नतमस्तक झाले तरी पुरेसे आहे . " 

पुष्प २७ पुढे सुरु

               हरीची थोरवी गाण्याव्यतिरिक्त दुसऱ्या कशानेही जीवनात शांती मिळत नाही . भगवन्नामाशिवाय दुसरे काहीही आपल्याला आनंद देऊ शकत नाही . माणसाला केवळ प्रेमभक्ती संसार सागरातून तारू शकते . गुरुसेवाच  मुक्ती प्रदान करू शकते . योग शिकण्याची गरज नाही . जप व ध्यान पुरेसं आहे . प्रज्ञानम् म्हणजे ईश्वर साक्षात्कार ; म्हणूनच आपण म्हणतो , ' प्रज्ञानम् ब्रम्ह '. प्रज्ञान देहात असते त्यास जागृत केले पाहिजे . हे ईश्वर दर्शन आहे . साधनेद्वारे आपण आपले प्रज्ञान जागृत करतो ; त्यामुळे साक्षात्कार होतो . दया हा एकच धर्म आहे . याशिवाय कुठलेही कर्म चांगले होऊ शकत नाही . भगवंताशिवाय कोणीही आपले नाही . हे जग सोडताना आपण काहीसुद्धा बरोबर घेऊन जात नाही . या भजनावर रोज चिंतन करा . त्याचा अर्थ जाणून घ्या . असे केल्यास तुम्हाला कोणताही योग शिकण्याची गरज नाही .
               तुम्ही सर्वांवर प्रेम करायलाच हवे . भगवंताला धरून ठेवा . पुरे ! जागे व्हा ! ममत्वाचा त्याग करा , प्रेम करा . ममत्व प्रेमाहून वेगळे आहे . सर्वांवर सारखे प्रेम करा . संसार सागरातून बाहेर पडा.

                 

स्तूप गीत , साधना करा

                    हे मूढजनांनो ,

                    शोध घेता तुम्ही कशाचा ? 

                    या बाह्य मायावी जगतात 

                    शोध घेता तुम्ही कशाचा ?

                    कोरस

                    सुखाची आस असे का अंतरी ? 

                    वा मनिषा धनदौलतीची ?

                    अंतर्मुख होऊनी 

                    करा साधना , करा साधना 

                    करत राहा मार्गक्रमण अंतरंगी 

                    हृदयातील तिमिरात 

                    दिसेल तुम्हा एक दिव्य ज्योत 

                    तोच असे अंतरात्मा 

                    द्या त्यासी दृढ आलिंगन , दृढ आलिंगन 

                    कोरस

                    सुखाची आस असे का अंतरी ? 

                    वा मनिषा धनदौलतीची ?

                    अंतर्मुख होऊनी 

                    करा साधना , करा साधना 

                    करत राहा मार्गक्रमण अंतरंगी 

                    तेजोमय बनवा ती अंतर्ज्योत

                    दूर करा अज्ञानाची रात 

                    करिता त्याग तव साधना फलाचा 

                    होईल दर्शन तुम्हा मुक्तीताऱ्याचे ! 

                    कोरस 

                   सुखाची आस असे का अंतरी ? 

                   वा मनिषा धनदौलतीची ?

                   अंतर्मुख होऊनी 

                   करा साधना , करा साधना 

                   करत राहा मार्गक्रमण अंतरंगी 

जय साईराम