ॐ श्री साई वसंतसाई साय नमः 

सुविचार 

" आपले भाव रूप धारण करून आपले जीवन बनवतात."

पुष्प ४२ पुढे सुरु 

                   माझ्या स्वामींवरील अतीव प्रेमामुळे हे सर्व घडते. स्वामींचा आणि माझा सर्वसामन्यांसारखा विवाह झाला, मुले बाळे झाली आम्ही कौटुंबिक जीवन जगलो. त्यानंतर आमची ताटातूट झाली. आमच्या विरह वेदनांमुळेच वैश्विक कर्मसंहार होत आहे. माझी अखंड ७२ वर्ष स्वामींप्रती एकाग्र भक्ती, अश्रू आणि व्याकुळता पृथ्वीच्या भ्रमण कक्षेमध्ये बदल घडवते. मानवजातीला भवसागरातून उद्धरून नेण्यासाठी स्वामींनी आणि मी वैश्विक पापकर्मे आमच्या अंगावर घेतली. स्वामी आल्यानंतर सर्वकाही बदलेल. स्वामी मला बोलावतील, आम्ही एकमेकांना पाहू, एकमेकांशी बोलू व एकमेकांना स्पर्श करू तेव्हा विश्व ब्रम्ह गर्भ कोटम आणि मुक्ती स्तूप कार्यरत होईल. त्यानंतर आम्ही हे जग सोडू व प्रेम साई अवतारात पुन्हा येऊ. त्यावेळी जगाचे सत्य युगात पूर्ण परिवर्तन होईल. आम्ही तेव्हा सुखी, आनंदी जीवन जगू. 
                  स्वामींनी ४ जून २०१३ ला दिलेला संदेश या विषयाशी संबंधित आहे. त्यामध्ये पिवळ्या रंगाचा, मनुष्याचा आकार आहे. आणि  'Wise Nuggets ' असे शब्द लिहिले आहेत. त्यानंतर संस्कृत व इंग्रजीमध्ये खालील वचन लिहिले आहे. 
                ' रुप हा मानवाचा अलंकार आहे. मुल्ये हा रुपाचा अलंकार आहे. ज्ञान हा मुल्यांचा अलंकार आहे. संयम हा ज्ञानाचा अलंकार आहे. 
                रूप हा मनुष्याचा अलंकार आहे. ८४ लक्ष योनींपैकी रूप हा केवळ मानवाचा अलंकार आहे. नरजन्म दुर्लभ आहे. केवळ मनुष्य देहाद्वारे परमेश्वर प्राप्ती होऊ शकते. देवांनाही परमेश्वरप्राप्ती साध्य नाही. म्हणून आपण ह्या रूपाचा परमेश्वरप्राप्तीसाठी वापर केला पाहिजे. रूपाचे अलंकार सद्गुण आहेत. दुर्गुणी माणूस पशुवत् आहे. तो केवळ मूल्याधिष्ठीत शिक्षणांतर्गत स्वामींनी मुलांना हीच शिकवण दिली. एज्युकेअर हे एज्युकेशनहून अधिक महत्वाचे आहे हे स्वामींनी सर्वांना शिकवले. सद्गुणांचा अलंकार ज्ञान आहे. मनुष्याला ज्ञान प्राप्त झाल्यावरच सद्गुणांच्या आवश्यकतेविषयी समज येते. ज्ञान प्राप्तीनंतरच त्याला ८४ लक्ष योनींमधील नरजन्माचे महत्व समजते. पुन्हा जन्म न घेण्याची अवस्था प्राप्त होण्यासाठीच हा जन्म दिला आहे, हे त्याला ज्ञात होते. 

उर्वरित वसंतामृत पुढील भागात …… 

जय साईराम