ॐ श्री साई वसंतसाईसाय नमः 

सुविचार 

" आपण केवळ परमेश्वराचे आहोत अन्य कोणाचेही नाही."

प्रकरण तिसरे 

 

मूळ पुढे सुरू 

* या सर्व प्रार्थना झाल्यावर मी स्वयंपाकगृहात जात असे. तिथे मी विभूतीची डबी ठेवते. त्यातील विभूती घेऊन मी गॅसस्टोव्ह व सिलेंडरवर ॐ हे पवित्र अक्षर लिहित असे आणि ' मातृ देवो भव पितृ देवो भव अग्नी देवो भव अतिथी देवो भव ' हा श्लोक म्हणून, स्टोव्हला अग्निकुंड मानून अग्निदेवाची प्रार्थना करत असे की अग्निसंस्कार केलेल्या या अन्नामधून आम्हा सर्वांना सत्वगुणांचा लाभ होवो आणि मग यज्ञकुंडातील पवित्र अग्नी प्रज्वलित करण्याचा भाव मनात ठेवून मी गॅस पेटवत असे. अशा तऱ्हेने माझे स्वयंपाकघरातील काम पुढे चालू होत असे. मी भजने म्हणत वा स्वयंपाकघरात ठेवलेल्या स्वामींच्या फोटोशी संवाद करत स्वयंपाक करत असे. 
* स्नान करण्यापूर्वी मी त्या पाण्याला स्पर्श करून त्यामध्ये गंगा, यमुना, गोदावरी, कावेरी, कृष्णा, नर्मदा आणि चित्रावती या सप्तसिंधूंच्या पवित्र जलाचे अस्तित्व आहे असे मानून गंगामातेला प्रार्थना करत असे की तिच्या पवित्र जलाने माझ्या सर्व पापांचा नाश होवो. स्नान करताना मी विभूती कवचाचे उच्चारण करून म्हणत असे,' ही साईंची विभूती माझे रक्षण करो, रक्षण करो. माझे मस्तक, माझे डोळे तसेच माझ्या प्रत्येक अवयवाचे रक्षण करो. ' आणि हे म्हणत असताना साबण लावून माझे स्नान पूर्ण होत असे. 

उर्वरित प्रकरण पुढील भागात .....

जय साई राम