ॐ श्री साई वसंतसाईसाय नमः 

सुविचार 

" सत्याच्या प्राप्तीबरोबरच साधनेची सांगता होते."

प्रकरण वीस 

वैश्विक मुक्ती भाव 

 

            पुढील आकृतीमध्ये जीव परमेश्वर प्राप्ती कशी करतो ते दर्शविण्यात आले आहे. तसेच जन्मापासून ते परमेश्वराशी ऐक्य होईपर्यंत जीवाचे भाव कसे असायला हवेत हेही दर्शविले आहे.
 

              बाहेरील वर्तुळ सामान्य माणसाच्या जीवनाच्या प्रवासाचे प्रतिनिधित्व करते. तुमचे भाव तुम्हाला मुक्त करतात का बांधून ठेवतात हे याद्वारे जाणून घ्या. या आकृतीत आतील वर्तुळ परमेश्वर प्राप्तीच्या दिशेने होणाऱ्या माझ्या जीवनप्रवासाचे प्रतिनिधित्व करते. 

उर्वरित प्रकरण पुढील भागात ..... 

जय साईराम

ॐ श्री साई वसंतसाईसाय नमः

सुविचार 

          " प्रेम म्हणजे अनेकांमध्ये त्या एकाला पाहणे आणि ज्ञान म्हणजे त्या एकामध्ये अनेकांना पाहणे."

प्रकरण वीस 

वैश्विक मुक्ती भाव

              स्पर्शभावातूनच इतर सर्व भाव उदित होतात, हे भाव आपला जगाशी व इतर लोकांशी संबंध जोडण्यास कारणीभूत असतात. ह्यामुळे आपण बंधनात पडून आपला पुनर्जन्म होतो. जर आपले भाव परमेश्वराशी जोडलेले असतील तर तो आत्मबंध होतो. आपला मुक्तीचा मार्ग मोकळा होतो. 
            

उर्वरित प्रकरण पुढील भागात .....

जय साईराम

ॐ श्री साई वसंतसाईसाय नमः

सुविचार 

          " आपल्या अंतर्यामी असणाऱ्या परमेश्वराचा शोध घेतल्यानंतर होणारी अनुभूती म्हणजेच आनंद होय."

प्रकरण वीस 

वैश्विक मुक्ती भाव 

             " तुमचे भावाच पुन्हा पुन्हा तुमचे जीवन घडवत असतात. मनामध्ये उमलणारा प्रत्येक भाव जेव्हा ईश्वराभिमुख केला जातो, तेव्हा कुंडलिनीचा चक्रे एका मागोमाग एक उघडत जाऊन अखेरीस बिंदू उघडतो. जीव मोक्ष प्राप्त करतो."

              मानवामध्ये पहिल्या प्रथम स्पर्श संवेदना (स्पर्शाची जाणीव ) निर्माण होते, अगदी जन्मल्यापासून माणूस ह्या जाणीवेस (भावास) प्रतिसाद द्यायला सुरुवात करतो, त्याच्या इतर सर्व जाणीवा ह्या जाणीवेभोवती केंद्रित असतात. 
             देह स्पर्शभावाचा पाया आहे तर देहाचे मूळ कारण जन्म आहे. आपल्या जन्माचे कारण असलेला हा स्पर्शभाव आपण आत वळवला पाहिजे.

उर्वरित प्रकरण पुढील भागात .....

जय साईराम

ॐ श्री साई वसंतसाईसाय नमः 

मोती पाचवा 

 

३ जून २००७ ध्यान 
वसंता - स्वामी, साई गीता ऋषी होती का असे एका  भक्तानी विचारले. 
स्वामी - नाही, ती ऋषी नव्हती, पण कामदेवाचा अंश होती. तुझ्यापासून मी विलग झाल्यानंतर ४६ वर्षे मी कामदेवाला माझ्या नियंत्रणात ठेवले. पूर्वी तू कामदेवाची आराधना करून, त्याला माझ्याकडे दूत म्हणून पाठवलेस. मी विचलित झालो नाही. ह्यावर्षी देव, ब्रम्हा आणि शिवा ह्यांनी मला कामदहन करण्यास भाग पाडले. कामदहनानंतर आपला विवाह संपन्न होईल. साई गीता २२ मे ला मृत्यु पावली. २३ मे ला वसंत साई मंत्राचा जन्मदिन. नवनिर्मितीसाठी तो शब्द ब्रम्ह प्रणव नाद आणि विराटपुरुषाचे रूप आहे. नवनिर्मितीसाठी दिनांक २७ हा आपला विवाह दिन आहे.           
              स्वामींचा आणि माझा जन्म दिनांक २३ आहे. कामदेवाला स्वामींनी ४६ वर्षे त्यांच्या नियंत्रणात ठेवले. २३ + २३ = ४६. ही संख्या सत्ययुगातील नवनिर्मितीसाठी आवश्यक असणाऱ्या ४६ गुणसूत्रांचे प्रतिनिधित्व करते. माझा ज्या रुपाशी विवाह झाला त्या रूपातून १९६१ साली स्वामींचे दिव्यत्व बाहेर पडले. व त्यांनंतरच मी तीव्रतेने परमेश्वराचा शोध घेऊ लागले. १९६२ साली साईगीता स्वामींकडे आली. व ४६ वर्षानंतर दिनांक २२ मे २००७ रोजी तिने देहत्याग केला. साईगीताचा मृत्यू कामदहनाचे प्रतीक असल्याचे स्वामींनी सांगितले. २३ मे १९९८ रोजी स्वामींनी ' ॐ श्री साई वसंत साईसाय नमः ' हा वसंतसाई मंत्र प्रकट केला. हा शिवशक्ती मंत्र आहे असे स्वामींनी सांगितले. हे स्वामींच्या आणि माझ्या संयोगाचे प्रतीक असून परमेश्वराच्या विराट पुरुष रूपाचे प्रतिनिधित्व करते. स्वामींचा आणि माझा जन्म दिनांक २३ आहे. तसेच वसंतसाई मंत्राचा जन्मदिनांक २३ आहे. आलींगन अवस्थेतील नर आणि नारी हे परमेश्वराचे विराटपुरुष रूप होय . हे रूप विभागते आणि निर्मितीस प्रारंभ होतो. नवजीवनाच्या निर्मितीसाठी आवश्यक असणारी २३ नर गुणसूत्रे व २३ नारी गुणसूत्रे ह्यांच्या संयोगाचे प्रतीक म्हणजे विराटपुरूष रूप. जसे सूरपद्माचा वध करण्यासाठी शिव पार्वतीच्या संयोगाद्वारे सुब्रमण्यमचा जन्म झाला, तसा कलियुगाचा अंत करण्यासाठी नवनिर्मिती, सत्ययुग जन्मते आहे. 
             जीव शिवापासून विलग झाला. ४६ वर्षे त्यांनी तपश्चर्या केली. साई गीताचा मृत्यू साई शिवाच्या कामदहनाचे पूर्णत्व दर्शवतो. 

..... 

संदर्भ - श्री वसंत साईंच्या ' शिव शक्ती प्रिन्सिपल  ' ह्या पुस्तकातून 

जय साईराम

ॐ श्री साई वसंतसाईसाय नमः

सुविचार 

         " जर आपण अत्यंत एकाग्रतेने एखादी गोष्ट मागितली तर वैश्विक शक्तीकडून आपल्याला त्याचे उत्तर मिळते."

प्रकरण एकोणीस 

दिव्य व्याधी

              १ जूनपासून स्वामींनी स्वतःला बरं करायला सुरुवात केली. ७ जूनला ते पुट्टपर्तीला गेले. त्यांनी मला कोईमतूरला जाण्यास सांगितले. ते म्हणाले, " तू पूर्ण बारी झाल्यानंतर मुक्ती निलयमला जा. " मी २३ दिवस कोईमतूरला राहिले. गेले १२ महिने त्रास, दुःख  अश्रू याशिवाय दुसरे काही नव्हते. आता ते संपले आहे. कोईमतूरला असताना मी खूप आनंदात होते. स्वामी रोज मला संदेश पाठवत होते. तेथील प्रेमळ भक्तांच्या प्रेमापुढे मी माझा सर्व त्रास विसरून गेले. 
              २७ मे  नंतर माझी आणि स्वामींची तब्येत कशी सुधारली, ते आता आपण पाहू या.

दिनांक	स्वामी	वसंता
२७/५/२००४	* स्वामी व्हीलचेअरमध्ये आहेत.	* पायावरील वाहणाऱ्या जखमांमुळे मी चालू शकत नाही.
२८/५/२००४	* स्वामींनी त्यांचा उजवा हात थोडा वर उचलला.	* तापाने फणफणलेली अंगदुखी, संपूर्ण शरीरावर फोड आणि गळवे. स्वामींनी डॉक्टरांचा सल्ला घेण्यास सांगितला आणि मी औषधे घेऊ लागले.
२९/५/२००४	* स्वामी त्यांच्या हाताची जास्त हालचाल करतात.	* दुपारी  ताप उतरला. अंगदुखी थांबली व गळवेही थोडी कमी झाली.
३०/५/२००४	* स्वामींनी त्यांचे दोन्ही हात चांगले वर उचलले.	* सूज नाही. कंड नाही. आधार घेऊन मी चालू लागले. संध्याकाळी दर्शनाला गेले.
३१/५/२००४	* स्वामींनी त्यांच्या उजव्या हातानी तोंड पुसले.	* मी पण बारी आहे आणि माझी त्वचा पूर्ववत झाली.
१/६/२००४	* भजनांनंतर स्वामी हळूहळू उठले आणि दोन चार पावले चालले.	* मी पूर्ण बरी झाले. मी आता नेहमीसारखी चालू शकते. एवढ्या लवकर बरी झाल्याचे पाहून सर्वांना आश्चर्य वाटले.
२/६/२००४	* स्वामी सकाळच्या आणि संध्याकाळच्या दर्शनाच्या वेळेस काही पावले चालले.	* प्रकृतीत खूपच सुधारणा, त्वचेला तिचा नैसर्गिक रंग यायला सुरुवात झाली.

उर्वरित प्रकरण पुढील भागात ..... 

जय साईराम

ॐ श्री साई वसंतसाईसाय नमः 

सुविचार 

          " मनुष्य सिद्धिंद्वारे जडवस्तूंचे सृजनीकरण करू शकतो परंतु जर तो त्याच्याही पलीकडे गेला तर तो परमेश्वर म्हणून स्वतःचे प्रकटीकरण करू शकतो."

प्रकरण एकोणीस 

दिव्य व्याधी 

             " हे करुणामया, तुम्ही समस्त जागाच्या कर्मांचा हिशोब तुमच्या अंगावर घेतला आहे. त्यामुळे आज तुमची ही अवस्था झाली आहे. मला जर हे आधी माहित असते, तर मी तुमच्याकडे कधीच वैश्विक मुक्तीचा वर मागितला नसता." माझे अश्रू थांबतच नव्हते, थांबतच नव्हते. 
             माझ्या सर्वांगाला खाज सुटली होती. रात्रभर मी जागीच होते. माझ्या दोन्ही हातांवर फोड उठले होते. माझी त्वचा फणसाच्या सालीसारखी दिसत होती. हातापायाच्या फोडांमधून द्राव स्त्रवत होता. 
ध्यान 
वसंता - स्वामी, तुम्ही स्वतःला बरं करा आणि मलाही बरं करा. 
स्वामी - हे आपले अवतार कार्य आहे. वैश्विक मुक्तीसाठी हे सर्व आपण आपल्या अंगावर घेतले आहे. गेल्या २७ मे पासून आतापर्यंत आपल्याला जास्तच त्रास होतो आहे. या २७ मे पासून हळूहळू सर्वकाही ठीक होईल. 
ध्यान समाप्ती 

उर्वरित प्रकरण पुढील भागात .....

जय साईराम

ॐ श्री साई वसंतसाईसाय नमः 

सुविचार 

           " देह, मन, बुद्धी, इंद्रिये आणि अहंकार रहित प्रेम शुद्ध आणि सत् चितआनंद स्वरूप आहे. त्याचे सार मनुष्याच्या आकलनापलीकडचे आहे. " 

प्रकरण एकोणीस 

दिव्य व्याधी 

               माझ्या त्वचेला अॅलर्जीमुळे कंड सुटते. गेली १५ वर्षे मला हा त्रास होत आहे. यासाठी मी कोणत्याही डॉक्टरकडे गेले नाही. जेव्हा स्वामींसाठी व्याकुळ होऊन मी रडत असते, तेव्हा मला अधिकच त्रास होतो. स्वामींच्या विरहामुळे मी करुण विलाप करत असते. आणि माझा देह माझ्या प्रेमाचा आवेग सहन करू शकत नाही. माझ्या देहावर त्यामुळे परिणाम होतो. त्यासाठी भक्त मला तऱ्हेतऱ्हेची क्रीम, तेलं वगैरे आणून देतात. तरीसुद्धा कशाचाच उपयोग होत नाही. 
              २७ मे २००३ ला मी मुक्ती निलयमला येईन, असे स्वामी म्हणाले परंतु ते आले नाहीत. २७ मे २००३ ते २७ मे २००४ या कालखंडामध्ये स्वामी आणि मी सतत शारीरिक व्याधींनी ग्रासलो होतो. स्वामी म्हणाले की ते सर्व वैश्विक मुक्तीसाठी होते. वैश्विक मुक्ती म्हणजे लोकांच्या कर्मांचा (यामध्ये पाप आणि पुण्य दोन्ही आले ) संहार. सर्व कर्मांची ओझे दूर हटवण्यासाठी स्वामींनी आणि मी ती कर्म आमच्या देहावर घेऊन भोगली. जून २००३ मध्ये स्वामी पडले व त्यांच्यावर शस्त्रक्रिया करण्यात आली. त्यांना चालताही येत नव्हते. त्यानंतर त्यांनी सांगितले, की त्यांच्या एका डोळ्यात रेटिनाच नाहीये. ऑगस्ट महिन्यात पुट्टपर्तीत ते पुन्हा पडले. ४ मे रोजी त्यांच्या हातावर एक विट पडून हाताचे हाड मोडले. डॉक्टरांनी स्वामींचा हात स्लींगमध्ये घातला. त्याचे विद्यार्थी त्यांना व्हीलचेअरवर बसवून दर्शनासाठी घेऊन येत. हृदय पिळवटून टाकणारे दृश्य होते ते !

उर्वरित प्रकरण पुढील भागात .....

जय साईराम

ॐ श्री साई वसंतसाईसाय नमः 

सुविचार 

          " जो दुसऱ्याला काया, वाचा, मनाने दुखवत नाही तो खरा साधक होय."

प्रकरण एकोणीस

दिव्य व्याधी 

              माझी दुष्टी अधू आहे आणि दिवसेंदिवस ती अधिकच अधू होत चालली आहे. १० वर्षांपूर्वी मला उजव्या डोळ्याने पूर्ण दिसेनासे झाले. आम्ही डोळ्याच्या डॉक्टरांकडे गेलो. त्यांनी माझा डोळा तपासला आणि म्हणाले, " तुमच्या डोळ्यात रेटिना नाहीय. एक मोठी शस्त्रक्रिया करावी लागेल.  मी शस्त्रक्रियेस नकार देऊन स्वामींना एक पत्र लिहिले की मी कोणत्याही डॉक्टरांकडे जाणार नाही. काही महिन्यांनी मला त्या डोळ्याने दिसायला लागले." दिव्यत्वाने माझ्या डोळ्यात प्रवेश करून नवीन रेटिना दिला. 
             " हे कसं शक्य आहे ?" असे उपहासाने म्हणू नका कारण खरंच हे घडले आहे. भगवद्गीतेतील   ' अनन्यश्चिन्तयन्तो... ' या श्लोकात असे नमूद केले आहे की, जे अनन्य प्रेमी भक्त मज परमेश्वराचे निरंतर चिंतन करीत निष्काम भावनेने भजतात, त्यांचा योगक्षेम मीच पाहतो. माझी हीच अवस्था आहे. मी केवळ परमेश्वराचेच चिंतन करते. म्हणून माझ्या सर्व व्याधी दिव्य बनल्या. माझे जीवन म्हणजे गीतेचे प्रात्यक्षिक आहे. वसंतमयम, रिक्त, संस्कार शस्त्रक्रिया, विश्वगर्भ आणि युद्धासाठी सुसज्ज हे सर्व ' उपनिषदांपलीकडचे सत्य ' आहे आणि सत्ययुगाचा पाय आहे. जसा मी जगासाठी विलाप केला तसा कोणी करेल का ? कोणीही करणार नाही आणि म्हणूनच जग मला समजूशकणार नाही. 

*    *    *

उर्वरित प्रकरण पुढील भागात .....

जय साईराम

ॐ श्री साई वसंतसाईसाय नमः 

सुविचार 

          " आपला जन्म कसा झाला हे महत्वाचे नसून आपला मृत्यू कसा होतो हे महत्वाचे आहे."

प्रकरण एकोणीस 

दिव्य व्याधी

           माझे प्रियतम भगवान यांच्या दिव्य चरणी,

कोटी कोटी प्रणाम !

              स्वामी, गेल्या चार दिवसांपासून माझी पाठ दुखतेय. घरातील सर्व कामे मला एकटीलाच करावी लागतात. पायलाही खूप कंड सुटते आहे. दृष्टी अधू असल्यामुळे काम करताना मला अगतिक वाटत आहे, चिंता आणि ताण जाणवत आहे. मी काल रात्री तुमच्या पाशीरडले. " कितीही मोठा आजार असला तरी मी कुठल्याही डॉक्टरांकडे जाणार नाही." स्वामी, माझ्या या निर्धाराशी ठाम राहण्यासाठी माझ्यावर कृपा करा. स्वामी, माझ्या छातीत दुखतंय, हे तुमच्याशिवाय मी कोणाला सांगू ? स्वामी ! तुम्ही माझ्यावर ब्रम्हास्त्र सोडले आहे. मी अगतिक आहे. त्याला औषधरुपी शस्त्राने प्रतिकार करण्याची शक्ती माझ्याकडे नाही. मी स्वसंरक्षण करण्यास असमर्थ असल्यामुळे मी ब्रम्हास्त्रापुढे मन तुकवते. ही जर तुमचीच इच्छा असेल तर मी तिचे स्वागत करते. हे कृपादान माझ्यासाठी शाप ठरेल का वरदान ? हे मला माहित नाही. तरीपण स्वामी, प्लिज माझ्यासाठी एक गोष्ट करा, इतरांनी माझी रुग्ण म्हणून सेवा करण्याची वेळ माझ्यावर येऊ देऊ नका. लोकांना माझ्याविषयी अनुकंपा वाटावी, असे जीवन मला जगायचे नाही. मला कोणाकडूनही सेवा वा मदत घ्यायची नाही. तर मीच इतरांची सेवा करायला हवी. दुसऱ्यांच्या मदतीची प्रतीक्षा करणारा असहाय्य रुग्ण बनण्यापेक्षा मृत्यू आलेला चांगला. 
            स्वामी, भगवान तुमच्याशिवाय मला अन्य कोणतेही आश्रय स्थान नाही. 
            तुमचे दिव्य नामच माझ्यासाठी औषध बनू दे.

तुमची लाडकी लेक 

वसंता 

उर्वरित प्रकरण पुढील भागात ..... 

जय साईराम  

ॐ श्री साई वसंतसाईसाय नमः

सुविचार 

             " परमेश्वरमध्ये समरस झालेला मनुष्य केवळ एकच गोष्ट जाणवतो - परमेश्वर, परमेश्वर आणि परमेश्वर !"

प्रकरण ऐकोणीस 

दिव्य व्याधी

               " सर्वकाही सत्यप्रसाद आहे "
               व्याधी कशा काय दिव्य होतात ? याच्या पाठीमागे एक इतिहास आहे. गेल्या अनेक वर्षात अनेकानेक व्याधींची पीडा व दुःख याद्वारे स्वामींनी माझी कसोटी घेतली आहे. कधी दातदुखी, पोटदुखी, कानदुखी तर कधी नेत्रविकार. अशा प्रकारे स्वामींनी माझ्या प्रत्येक अवयवाला यातना भोगायला लावल्या. तथापि माझी प्रत्येक व्याधी, पीडा दिव्य बनली. एक  दिवस मला तीव्र दातदुखीचा त्रास होत होता. माझा चेहराही सुजला होता. मी स्वामींना म्हणाले," स्वामी, आज मी ऊस खाणार आहे पण मला दुखणार नाही ! " आणि ऊस खाताना मला खरंच अजिबात दुखलं नाही. हिरड्यांना सूज असूनही मला वेदना झाल्या नाहीत. अशातऱ्हेने माझ्या प्रत्येक व्याधीमध्ये दिव्यत्वाने प्रवेश केला. माझी स्थिती वर्णन करणारी अनेक पत्रे मी स्वामींनी लिहिली. ११ जून १९८८ रोजी लिहिलेले एक पत्र मी खाली देत आहे. 

उर्वरित प्रकरण पुढील भागात ..... 

जय साईराम