ॐ श्री साई वसंतसाईसाय नमः 

सुविचार 

" आपल्या भक्तिची गुणवत्ता म्हणजे आपल्या मनोदशेचे थेट प्रतिबिंबच होय."

भाग चौथा 

हृद्गत ......... 

जगामध्ये चार गोष्टी आहेत -
१) माझे प्रभू, माझे भगवान, माझे वडील 
२) विश्वशक्ती, माझी आई, साईमाता 
३) त्यांचे एकुलते एक लाडके मूल, मी 
४) हे विश्व, त्यांनी माझ्यासाठी बनवलेलं खेळणं 
               इथे अनेक बाहुल्या आहेत, सर्कशीतले विदूषक, विविध पशुपक्षी, सुंदर बगीचे, सरोवरे, जलाशये आहेत. प्रत्येक बाहुली निराळी, एक रागीट तर दुसरी संत ... यांच्याशी खेळत असताना माझ्या मनात अनेक भावना उमलतात. ह्या सृष्टीची सर्व संपत्ती माझी आहे. विश्वातील प्रत्येक वस्तू माझी आहे; असे असताना त्यातील मोजक्याच मी माझ्यासाठी का ठेवते ? जे काही वडिलांचे आहे ते सर्व मुलांचेही आहे. हो की नाही ? माझ्याकडे ही सर्व समृद्धी आहे, परंतु अजूनही मला माझ्या मातापित्यांच्या स्वभावाचा वारसा आला नाही. वंशाचा नाश करण्यासाठी आलेली मी कुऱ्हाड तर नव्हे ? परमेश्वरा, कृपा करून तुझ्या या अज्ञानी मुलीमध्ये सुधारणा घडव. तिला चारित्र्यसंपन्न बनव. युवराजामध्ये राजाचे गुण असायला नकोत का ?

उर्वरित प्रकरण पुढील भागात ..... 

जय साईराम .....