ॐ श्री साई वसंतसाईसाय नमः 

सुविचार 

" सर्वांवर प्रेम करा ..... हा तुमचा मंत्र बनवा."

सूत्र सातवे 

वेग 

           स्वामींनी सांगितल्यानुसार अनेक महात्म्यांनी ध्यानामधून उच्च ज्ञान प्राप्त केले आहे. उपनिषदे, पुराणे आणि महाकाव्ये याच पद्धतीने लिहिली गेली आहेत. जगाने त्याचा आहे तसा स्वीकार करून लाभ मिळवला. त्या महात्म्यांच्या मनात कोणताही किंतु नव्हता. ते असं म्हणाले नाहीत," जर परमेश्वराने स्वतः येऊन सांगितले तरच मी विश्वास ठेवेन." महर्षी व्यासांनी मानवजातीवर केवढे उपकार केले आहेत. त्यांनी ब्रह्मसूत्र व महाभारत यांसारखे ग्रंथ लिहिले. म्हणून श्रीकृष्णाने गीतेत म्हटले आहे, " मुनींमध्ये मी व्यास आहे." मानवजातीला त्यांनी एवढे प्रचंड ज्ञान दिले आहे की, त्यांना ' व्यास भगवान ' म्हणून संबोधतात. हे सर्व लेखन त्यांनी परमेश्वराशी ऐक्य साधल्यानंतरच्या अवस्थेमध्येच केले आहे म्हणून  त्यांना व्यास भगवान म्हटले जाते. 

उर्वरित प्रकरण पुढील भागात ..... 

जय साईराम