ॐ श्री साई वसंतसाईसाय नमः

सुविचार

" परमेश्वर ना नर आहे ना नारी, वास्तविक त्याला लिंग नाही."

सूत्र चौथे

प्रेमाची सखोलता

            प्रेमामध्ये नीतिनियम नसतात, त्याला मर्यादा नसतात, सीमा नसतात, कायदेही नसतात. हे असे का असते ? कारण प्रेम हे व्यक्तिसापेक्ष असते. आता मी माझ्या प्रेमाच्या सखोलतेबाबत लिहिले आहे. सामान्य प्रेम असे नसते. ते क्षणभंगुर असते, नश्वर असते. माझे प्रेम केवळ परमेश्वरासाठी आहे. ते अन्य कोणालाही मिळणार नाही. कोणीही ते समजू शकणार नाही. 
२९ जून २००८ ध्यान 
वसंता - स्वामी, तुम्ही प्रेमसूत्राविषयी काही सांगा ना. 
स्वामी - प्रेमाची अभिव्यक्ती दोन व्यक्तींमध्ये होते. तू केवळ तुझ्या प्रेमाविषयीच का लिहिलेस ? माझ्या प्रेमाचे काय ?
वसंता - स्वामी, तुमच्या प्रेमाविषयी केवळ तुम्हालाच माहिती ! मी कशी काय लिहू शकेन ?
स्वामी - तू म्हणजे मी. मी जेव्हा तुझा विचार करतो तेव्हा तुझ्या प्रेमाने तू मला व्यापून टाकतेस. जेव्हा मी तुझी पत्रे वाचतो तेव्हा तू रूप धारण करतेस. 
वसंता - आता मला समजले. स्वामी, माझ्या डोळ्यात अश्रू आले की तुमच्याही डोळ्यात अश्रू येतात. 

उर्वरित प्रकरण पुढील भागात .....

जय साईराम