ॐ श्री साई वसंतसाईसाय नमः 

सुविचार 

       " जर कोणी तुम्हाला त्रास देत असेल तर त्याचा क्रोध परमेश्वराचा क्रोध आहे.असे मानून आनंद घ्या."

सूत्र नववे 

प्रज्ञान आणि अनुभव ज्ञान

           कालीमातेचे मंदिरामध्ये रामकृष्ण तिच्या प्रत्यक्ष दर्शनासाठी तळमळत असत. कालीमाता त्यांची इष्टदेवता होती. माझी इष्टदेवता स्वामी आहेत, ते आता अवताररूपाने भूतलावर वावरत आहेत. 
            मी स्वामींचे दर्शन घेतले आहे, परंतु मला त्यांचे सान्निध्य हवे आहे. मला त्यांच्या भौतिक सहवासात राहायचे आहे. मी त्यांच्या सामीप्यासाठी रडते. अनेकांनी स्वामींचे दर्शन, स्पर्शन, संभाषण यांचा लाभ घेतला आहे. त्यांची अवस्था माझ्याहून वेगळी आहे. माझे प्रज्ञान जाणते की, आम्ही कोण आहोत, आमचे नाते काय आहे. अनेकांनी स्वामींचे सान्निध्य अनुभवले असले तरीही त्यांच्या स्वामींशी असलेल्या नात्याबद्दल त्यांच्या प्रज्ञानाला जाणीव नाही. पांडुरंगाच्या मूर्तीला स्पर्श केल्यानंतर माझ्या प्रज्ञानाने आमच्यातील नाते ओळखले. हे दिव्य नाते आहे. जर ते कृष्ण असतील तर मी राधा आहे ; राम असतील तर मी सीता आहे, ते रंगनाथ असतील तर मी आंडाळ आहे, पांडुरंग असतील तर मी रखुमाई आहे, सत्यसाई असतील तर मी वसंता आहे, प्रेमसाई असतील तर मी प्रेमा आहे. हे सत्य माझ्या प्रज्ञानाला कळून चुकले. आता त्याचे अनुभवज्ञानात परिवर्तन होईल. स्वामींनी इतरांना दर्शन, स्पर्शन, संभाषण देणे आणि मला देणे यामध्ये खूप फरक आहे. म्हणून मी क्षणोक्षणी रामकृष्णांसारखे दुःख सोसते आहे. 

उर्वरित प्रकरण पुढील भागात ..... 

जय साईराम    

ॐ श्री साई वसंतसाईसाय नमः

 

सुविचार 

     " सज्जन असो वा दुर्जन परमेश्वर प्रत्येकाच्या अंतर्यामी वास करतो. "

सूत्र नववे 

प्रज्ञान आणि अनुभव ज्ञान 

            जन्मतः प्रत्येकामध्ये प्रज्ञान असते. जेव्हा या प्रज्ञानाचे अनुभवामध्ये परिवर्तन होते तेव्हा त्यातून अधिक फळ मिळते. स्वामींनी म्हटले आहे की, सीता म्हणजे मूर्तिमंत प्रज्ञान ! स्वामींनी त्यांच्या प्रवचनात सांगितले आहे की, सीतेचे लंकेहून परतून रामाशी मीलन हे अनुभवज्ञान आहे. प्रज्ञानाचे अनुभवज्ञानात परिवर्तन हे खरे ज्ञान आहे. रामकृष्णांनी कालीमातेच्या दर्शनासाठी दीर्घ प्रतीक्षा केली. रोज रात्री ते आक्रोश करत," कालीमातेचे दर्शनाशिवाय अजून एक दिवस वाया गेला." 

           मी याची माझ्या अवस्थेशी तुलना करून अनेक पुस्तकांमध्ये याविषयी लिहिले आहे. माझी अवस्था त्यांच्यासारखीच आहे. स्वामींच्या सामीप्यविना गेलेला प्रत्येक क्षण वाया जातो या विचाराने मी विलाप करत असते. मला स्वामींचे सान्निध्य केव्हा मिळणार ?

उर्वरित प्रकरण पुढील भागात .....

 

जय साईराम     

ॐ श्री साई वसंतसाईसाय नमः 

पुष्प चोवीस 

सूक्ष्म जगत

           मनुष्याला तीन शरीरे असतात. इच्छाशक्तीमुळे ही तीन शरीरे एकत्रित राहतात. मनुष्याच्या अतृप्त इच्छा त्याच्या बंधनाचे मूळ कारण आहे म्हणून मनुष्य ह्या तीन शरीरांच्या नियंत्रणात राहतो. स्थूल देहात, इच्छा, इंद्रिय सुख,अहंकार अभिमान खोलवर रुजलेला असतो. पंचेंद्रिये मनुष्याला पाच हजार दिशांना ओढत असतात असे भगवद् गीतेत सांगितले आहे. ह्यातून सुटका करून घेण्यासाठी मनुष्याने कठोर साधना करणे आवश्यक आहे. हे केवळ भक्तीद्वारे शक्य आहे.

          साधनेद्वारे सूक्ष्म देह प्राप्त होतो. सूक्ष्म जगत हे भौतिक जगताहून पूर्णतः वेगळे आहे. सूक्ष्म जगतात व्यक्ती भाव भावनांद्वारे जीवन जगतात. सूक्ष्म देहात स्पंदनांच्या शक्तीने इच्छापूर्ती होते. तथापि व्यक्ती त्याच्या येथील अनुभव आणि दृश्यांमुळे भ्रमित होऊ शकते.सूक्ष्म देहातील दृश्यं केवळ अर्धसत्य असते. त्या व्यक्तीच्या कल्पना,अतृप्त इच्छा आणि भविष्यातील स्वप्ने ह्यांचे ते मिश्रण असते. ह्या अवस्थेत, ही अनेक दृश्यं आणि अनुभव घेतल्यानंतर साधकाने पथभ्रष्ट होऊ नाय ह्यासाठी प्रयत्नांची शिकस्त केली पाहिजे. येथे सूक्ष्म इच्छांचे प्रकाशरूपात परिवर्तन होते. सूक्ष्म जगतातील इच्छा स्वनिर्मित प्रकाशरूपाद्वारे पूर्ण होतात. हे जाणल्यानंतर, साधकाने सर्व गोष्टी माया समजून नाकारून आपली मुक्तता करून घेतली तरच तो सूक्ष्म देहाच्या संभ्रम पलीकदिल कारण जगतत् प्रवेश करू शकतो. कारण देहात, इच्छा निर्माण झाल्यावर तात्काळ त्यांची परिपूर्ती होते. व्यक्ती मुक्तीच्या उंबरठ्यावर उभी असते परंतु ती कारण देहात राहते. श्री युक्तेश्वर म्हणतात की अशा व्यक्ती अखिल सृष्टीकडे परमेश्वराचे स्वप्न म्हणून पाहतात. ते केवळ संकल्पाने कोणतीही गोष्ट सृजित करू शकतात. परिणामतः त्यांना इंद्रिय सुखं आणि सूक्ष्म जगतातील सुखं नगण्य वाटतात. त्या सुखांमुळे आत्म्याची सूक्ष्म संवेदनशीलता दाबून टाकली जाते असे त्यांना वाटते.

          आता आपण ह्या विषयी पाहू. इंद्रियांद्वारे प्राप्त झालेली सुखं कमी प्रतीची असल्यामुळे त्यातून दुःख,व्याधिणी अशांती वाट्यास येते. सूक्ष्म देहातील अनुभवांमधुन विविध भाव भावना उद्दीपित होतात. उन्नतीसाठी त्यांचा काहीही उपयोग नाही हे साधकाने जाणले पाहिजे.

संदर्भ - श्री वसंतसाईंच्या उपनिषदांच्या पलीकडे ह्या पुस्तकातून.

जय साईराम 

ॐ श्री साई वसंतसाईसाय नमः

सुविचार

" तो केवळ एकच आहे, जो एकातून अनेक झाला आहे."

सूत्र नववे 

प्रज्ञान आणि अनुभव ज्ञान

         आज मी सतत रडत होते. मी हे सर्व कशासाठी लिहिले ? कोणासाठी लिहिले ? कोणत्या उद्देशाने लिहिले ? जर मी तुम्हाला पाहू शकत नसेन तर या सर्व लिखाणाचा काय उपयोग ? माझा माझ्यावर ताबा राहू शकत नाही. सर्वजण माझे सांत्वन करतात परंतु, मी माझे अश्रू थांबवू शकत नाही. काल मी दीड तास रडत होते. 
दुपारचे ध्यान 
          स्वामी म्हणाले,
          " तू अशी का बरं रडतेस ? आपली निश्चित भेट होणार आहे. तू मला कुठे पाहू इच्छितेस सांग बरं, पुट्टपर्ती का वृंदावनात ? २७ मे ला आपण एकमेकांना पाहिले. त्याचप्रमाणे आपण लवकरच एकमेकांना पाहू. तू नक्की येशील, आपण एकमेकांना पाहू. चल, आपण आपल्या घरी जाऊ. इथे आपण दोघं राहणार आहोत. रडू  नकोस. तू अनुभवशील. मी तुला इथे आणणार आहे. तू माझ्यासमवेत ७० वर्षे अनुभवणार आहेस. आपला तो अनुभव तुझ्या कल्पनेच्याही पलीकडचा असेल."
ध्यान समाप्त 

उर्वरित प्रकरण पुढील भागात ..... 

जय साईराम  

ॐ श्री साई वसंतसाईसाय नमः 

सुविचार 

        " पती, पत्नी, मुलेबाळे माता पिता आणि नातेवाईक यांच्याबरोबर निर्माण केलेल्या आसक्तीमुळे आपण ह्या जगामध्ये अनेक दुःख भोगतो व पुन्हा पुन्हा जन्म घेतो."

सूत्र नववे 

प्रज्ञान आणि अनुभव ज्ञान 

६ जुलै २००८ ध्यान 
वसंता - स्वामी, प्रज्ञानाचे अनुभवज्ञानात परिवर्तन म्हणजे काय? 
स्वामी - प्रज्ञान सर्वांमध्ये असते. प्रत्यक्ष अनुभव घेतल्यानंतर ते अनुभवज्ञानात होते आणि उच्च ज्ञान प्रकटते. 
वसंता - स्वामी, माझ्या बाबतीत काय ?
स्वामी - तू मूर्तिमंत प्रेम आहेस. प्रेमाला अनुभव लागतो. म्हणून तू लहानपणापासून परमेश्वराच्या अनुभूतीसाठी तळमळत आहेस. तुझे प्रेम सर्वत्र व्यापून राहिले आहे, म्हणून तुला प्रत्येक गोष्टीतून परमेश्वराची अनुभूती घ्यायची आहे. 
वसंता - आता मला समजले, स्वामी प्रज्ञान प्रत्यक्ष अनुभव बनते. 
स्वामी - ज्ञानाचे अनुभवज्ञानात परिवर्तन झाल्यांनतर अधिक फळ मिळते. 
ध्यान समाप्ती 

उर्वरित प्रकरण पुढील भागात .....

जय साईराम 

ॐ श्री साई वसंतसाईसाय नमः

सुविचार

"केवळ साधना आणि परिवर्तन याद्वारे परमेश्वर प्राप्ती होते."

सूत्र नववे

प्रज्ञान आणि अनुभव ज्ञान 

           माझ्या मनात धगधगणारा हा विरहाग्नी कधी शांत होईल ? माझ्या विरहाचा आणि दुःखाचा कधी अंतः होईल ?
           मी शेल्फमधून पुस्तक काढले ' समर शॉवर्स इन वृंदावन ' १९९६ पान नं. ८५, त्यात स्वामींनी म्हटले आहे, 
           " बिभीषणाला राज्याभिषेक केल्यानंतर रामाला सीता परत मिळाली. मूर्तिमंत अनुभव ज्ञान. अखेर प्रज्ञानाचे अनुभवज्ञानात परिवर्तन झाले. प्रज्ञानाचे अनुभवज्ञानात परिवर्तन हेच खरे ज्ञान आहे."
           स्वामींनी सांगितले की, रामकृष्ण परमहंसांनी परमेश्वराच्या दर्शनाकरता किती प्रतीक्षा केली, दुःख सोसले. रोज रात्री ते आक्रोश करत," अजून एक दिवस कालीमातेच्या दर्शनाविना व्यर्थ गेला." कलकत्यामध्ये अरविंद घोष, बिपीनचंद्र पाल यांच्यासारखे अनेक महान पंडित होऊन गेले. परंतु रामकृष्णाचे नाव अजरामर झाले. सर्वांच्या अंतःकरणात कोरले गेले.

उर्वरित प्रकरण पुढील भागात ..... 

जय साईराम   

ॐ श्री साई वसंतसाईसाय नमः

सुविचार

        " साधनेच्या मार्गाद्वारे साधक अध्यात्मातील उंच उंच शिखरे पादाक्रांत करतो." 

सूत्र नववे 

प्रज्ञान आणि अनुभव ज्ञान 

            ही सर्व पुस्तके, हा आश्रम, स्तूप त्यांच्याकडून मिळणारा दिलासा हे सर्व असून सुद्धा मी विरहामुळे अशोकवनातल्या सीतेप्रमाणे रडत असते. मी पुढील अवतारापर्यंत  वाट पाहू शकत नाही. सर्वजण आता स्वामींचे सान्निध्य अनुभवत आहेत. मी ह्या अवतारावर, या साईंवर प्रेमवर्षाव करते आहे. मग प्रेमसाई अवतारात त्यांचे प्रेम आणि जवळीक अनुभवण्यात काय अर्थ आहे ? मी आता भुकेने मृत्युपंथाला लागले आहे. 
            स्वामी म्हणतात, " तू दहा वर्षं धीर धर. मी तुला मोठी मेजवानी देईन."  माझ्या आताच्या क्षुधेसाठी मला एक दृष्टिक्षेप, एक शब्द, एक स्पर्श पुरेसा आहे. सर्वांना हे आता मिळते आहे. त्यांच्या मनात कोणते भाव आहेत याची मला पर्वा नाही. स्वामी म्हणाले," त्यांची मने, मत्सर आणि अहंकारयुक्त आहेत." असू देत. जर मत्सर, अहंकार, वैर या भावांमुळे स्वामींचे दर्शन होत असेल तर ते गुण माझ्यामध्येही येऊ देत. या ७० वर्षांच्या तपाचा काय उपयोग ? माझ्या पदरी केवळ विरह आणि अश्रू पडले. मला तुमचा एक दृष्टिक्षेप, एक शब्द, एक स्पर्श  हवा आहे. त्यांनतर माझे अज्ञान, मत्सर, अहंकार आणि वैर नष्ट करण्यासाठी मला हजारो जन्म घ्यावे लागले तरी मला फिकीर नाही. त्यांनतर मी मोक्ष प्राप्त करेन. आता मला मोक्षप्राप्ती नको, काही नको. मला फक्त स्वामींचे  सान्निध्य हवे आहे. 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः

  

सुविचार

" केवळ प्रेमानेच सत्याची प्राप्ती होते. "

सूत्र नववे 

प्रज्ञान आणि अनुभव ज्ञान

              ध्यान संपल्यानंतर मी खूप रडले. तसे पाहायला गेले तर वानरे कुरूप असतात. परंतु, सीतामाईला रामनाम उच्चारणाऱ्या वानरामध्येही सौंदर्य दिसले. पुस्तकात हे उद्धृत केले आहे. ते म्हणतात, 
             " वानरांचे रूप फार गम्मतशीर असते. तथापि रामनामाचे उच्चारण करणाऱ्या वानरामध्ये सीतेला सौंदर्य दिसले .सीता रामापासून दूर होऊन अशोकवनात असताना तिने हनुमानाला रामनाम उच्चारताना पाहिले. त्यामध्ये तिला सौंदर्य दिसले."
             याचप्रमाणे काही जण स्वामींच्या अगदी निकट सान्निध्यात आहेत, तरीही त्यांची मने मर्कटचाळे करतात. ते स्वामींच्या निकट असतील. परंतु त्यांची मने मत्सर आणि अहंकार यांनी८ भरलेली आहेत. यालाच मर्कटमन चेहरा म्हणतात. 
             तरीही त्यांच्या या गुणामध्ये मी सौंदर्य पाहते. ते वारंवार स्वामींच्या निकट असतात. त्यामुळे मला ते देखणे वाटतात. जरी त्यांनी मला अनेक वेळा वेगवेगळ्या मार्गांनी दुखावले असले तरी मला त्यांचे सामीप्य हवे आहे. त्यांच्या संपर्कात राहायचे आहे. मी स्वामींना बऱ्याचदा विचारले की, मी त्यांच्याशी बोलू का ? स्वामी नेहमी म्हणतात," नको, नको. "

उर्वरित प्रकरण पुढील भागात .....

जय साईराम   

ॐ श्री साई वसंतसाईसाय नमः 

सुविचार

       " जेव्हा समस्वभावी लोक एकाच ध्येयासाठी प्रार्थना करतात तेव्हा त्यांच्ये ध्येय साध्य होते."

सूत्र नववे 

प्रज्ञान आणि अनुभव ज्ञान 

             मी ' सुंदर, तरुण आणि अक्षत ' हे प्रकरण लिहीत होते, मध्येच सहज ' समर शॉवर्स इन वृंदावन ' हे पुस्तक वाचले. त्यामध्ये स्वामींनी सांगितले आहे की, एक छोटेसे वानर रामनाम उच्चारताना सीतेने पाहिले. त्यातले सौंदर्य तिला भावले. मी स्वामींना ध्यानामध्ये विचारले ... 

वसंता - स्वामी, काही जण मत्सरग्रस्त भावाने कर्म करतात. त्यांच्या मनाचे मर्कटचाळे चालू असतात, तरीही ते वारंवार तुमच्याकडे येतात. ते तुमच्या निकट असतात. त्या मर्कटमनाच्या चेहऱ्यांमध्येही मी सौंदर्य पाहते. स्वामी, मी त्यांच्याशी बोलू का ? स्तूप, आश्रम, सर्वकाही त्यांच्या स्वाधीन करून त्यांना विचारेन," मला तुम्ही स्वामींकडे घेऊन जाल का ?"
स्वामी - तू असे काही करू नकोस. तू काहीही केलेस तरी त्यातून केवळ तुझे प्रेमच प्रकट होते. तू जे काही वाचतेस ते माझ्याशी जोडून तू अश्रू ढाळतेस. मी तुला बोलावेन. तू त्यांच्या घरी जाऊ नकोस. 
वसंता - तुमचे सान्निध्य आणि प्रेम लाभलेले सर्वजण खूप भाग्यवान आहेत. 
स्वामी - हे शाश्वत नाही, सत्य नाही. 
वसंता - परंतु स्वामी ते आता अनुभवत आहेत.
ध्यानसमाप्ती  

उर्वरित प्रकरण पुढील भागात .....

जय साईराम  

ॐ श्री साई वसंतसाईसाय नमः 

सुविचार 

     " प्रत्येक गोष्टीकडे आपण ईश्वरलिला या दृष्टिकोनातून पाहिले पाहिजे. हे विश्व म्हणजे त्या सर्वश्रेष्ठ परमेश्वराचे नाट्य आहे."

सूत्र आठवे 

भगवंत परतफेड करतो 

             स्वामींनी मला ध्यानामध्ये, प्रेमसाई अवतारातील आमच्या घरी नेले आहे आणि अनेक गोष्टी दाखवल्या आहेत. भविष्यामध्ये होऊ घातलेले आमचे स्वर्गातील अनुभव मी आता ध्यानात अनुभवते आहे. माझे जीवन केवळ परमेश्वरावर केंद्रीत आहे. म्हणून माझे आताचे अनुभव माझ्या भविष्यकालीन अनुभवांचे सूचक आहेत. 
              एक उदाहरण, पुढील प्रेमावतारात राजा प्रेमासाठी निळ्या रंगाची साडी खरेदी करतात. या जन्मामध्ये स्वामींनी मला ३००० रु. दिले आणि ती साडी खरेदी करण्यास सांगितले. स्वामींच्या सांगण्यावरून विकत घेऊन आता मला नेसण्यास सांगितलेली प्रत्येक साडी पुढील अवतारात राजा प्रेमासाठी विकत घेतील. आज मी ध्यानात स्वामींच्या सहवासाचा अनुभव घेत आहे, पुढील अवतारात मी त्यांच्याबरोबर स्थूलदेहात वावरेन. मी सदैव स्वामींचे चिंतन करते. त्यांचा विरह असह्य होऊन मी सतत रडत असते. म्हणून आता ते मला आमचे भविष्यकालीन जीवन दाखवतात, ज्यामध्ये मी त्यांच्याबरोबर असेन. ते स्थूलदेहाद्वारे माझ्यासाठी काहीही करू शकत नसल्यामुळे आम्ही ध्यानामध्ये एकत्र जगतो. 
             त्यामुळे आमच्या पुढील जन्मात हेच जीवन सुरु राहील. आज मी कारणदेह आणि महाकारण देह याद्वारे जे जे अनुभवते आहे ते पुढील जन्मात मी स्थूलदेहात अनुभवणार आहे. 

उर्वरित प्रकरण पुढील भागात ..... 

जय साईराम  

ॐ श्री साई वसंतसाईसाय नमः

सुविचार

           " प्रथम साधना करून आपण मोक्ष प्राप्त केला पाहिजे आणि नंतर स्वतःला संपूर्णपणे समर्पित केले पाहिजे."

सूत्र आठवे

भगवंत परतफेड करतो 

              आता आपण माझ्या जीवनावर नजर टाकूया. जन्मापासून मी केवळ परमेश्वरासाठीच जगते आहे, मला त्याच्या सहवासात जीवन जगण्याची इच्छा आहे. मला त्याच्याशी विवाह करायचा आहे. मी त्याच्या जवळिकीसाठी तळमळते आहे. माझे संपूर्ण जीवन अश्रूमय आहे. माझ्या मनात आता जे भाव आहेत, त्यांची प्रतिक्रिया, प्रतिबिंब व प्रतिध्वनी म्हणून स्वामी पुन्हा अवतार घेणार आहेत. माझी तळमळ, माझे अश्रू आणि माझी त्यांच्याशी विवाह करण्याची इच्छा याचा ते अनुभव घेतील. प्रेमसाई अवतार केवळ एवढ्यासाठीच आहे. भविष्यात काय घडेल हे कोणालाच माहित नसते. तथापि प्रेमसाई अवतारात काय घडेल ते मला माहीत आहे. आता स्वामींबरोबर ध्यानामध्ये मी जे जे काही अनुभवते आहे ते पुढील अवतारात मी सदेह अनुभवणार आहे.आता जे ध्यानात आहे ते पुढे भौतिकदृष्ट्या घडेल. 

उर्वरित प्रकरण पुढील भागात .....

जय साईराम  

ॐ श्री साई वसंतसाईसाय नमः 

सुविचार 

          " जीव परमेश्वराचा शोध घेत, त्याचा पुकारा करत त्याच्याकडे धाव घेतो. परमेश्वर त्याच्या प्रयत्नांची प्रशंसा करतो व त्याच्याकडे धावत जाऊन त्याला आपल्या कृपाछत्राखाली घेतो. "

सूत्र आठवे 

भगवंत परतफेड करतो 

            या जगामध्ये मनुष्य ज्या काही क्रिया व कृती करतो, त्याचे अनुभव प्रतिक्रिया, प्रतिध्वनी व प्रतिबिंब याद्वारे त्याच्याकडे परततात. हे केवळ क्रियांमधूनच घडत नाही तर व्यक्तीचे गुणविशेष, सवयी व विचारधारा यांनुसारही  प्रतिबिंब अनुभवले जाते. 
             मनुष्य आपल्या पूर्वकर्मांची फळे अनुभवण्यासाठी पुन्हा पुन्हा जन्म घेतो. मनुष्य आता जे कर्म करतो त्याचे फळ तो पुढील जन्मात अनुभवतो, ते अनुभवण्यासाठीच तो पृथ्वीतलावर जन्म घेतो. हा कर्मकायदा आहे. या कायद्यानुसार त्याला स्वतःच्या कर्मांचे फळ भोगावेच लागते. 

उर्वरित प्रकरण पुढील भागात .....

जय साईराम  

  

ॐ श्री साई वसंतसाईसाय नमः

जन्मदिन संदेश

भगवान बाबांशी संदेश कसा साधायचा?

            इतक्या काळज्या, इतक्या समस्या, माझी तब्येत बरी नाही, मी श्रीमंत नाही, माझी इतरांकडून उपेक्षा केली जाते, माझे लग्न झाले नाही, मला मुलेबाळे नाहीत ..... भगवान माझ्या प्रार्थना ऐकत नाहीत. का ? का ? माझ्या प्रार्थना ऐकू जातील इतक्या अंतरावर ते आहेत का ? का त्यांना माझ्या समस्या सोडवण्यात काही स्वारस्य नाही ?
             तुम्हाला असं वाटतं का की भगवान कुठेतरी वेगळ्या ठिकाणी आहेत आणि तुम्ही स्वामींपासून दूर आहात ? नाही, नाही ..... मी दुसरीकडे कोठे नाही मी तुमच्या पासून दूर नाही. मी तुमच्या प्रार्थनांना प्रतिसाद देण्याचे टाळले नाही.
             एक गोष्ट ऎका हे जग हे कलियुग नकारात्मकतेने भरलेले आहे. मनुष्य त्याला परमेश्वराकडून काहीतरी हवे किंवा त्याच्या समस्यांचे निराकरण करण्याची प्रार्थना करण्यासाठी मंदिरांमध्ये धावत असतो. तुम्हाला असं वाटत का की भगवान म्हणजे तुम्हाला सतत हव्या असणाऱ्या गोष्टींचा विक्रेता आहे ? मी तुम्हाला कोणतीही गोष्ट विकण्यासाठी येथे  आलो नाही. तुम्ही माझ्याकडे कोणतीही गोष्ट मागण्याची गरज नाही. वासरांसाठी नेहमीच गाय दूध तयार ठेवते. वासरे दूध पिण्यासाठी कधीही तिची परवानगी घेत नाहीत वा तिला विंनती करत नाहीत. तुमची श्रद्धा आणि मी तुमच्यामध्ये असल्याची तुम्हाला समज असूनही तुम्ही प्रार्थना का करता ? स्वामी, मला हे हवे, असे माझ्याकडे मागण्याची गरज नाही.
            तुम्ही तुमच्या अंतरात माझ्याशी संवाद साधा प्रत्येक बाबतीत माझ्याशी चर्चा करा. जर तुम्हाला माझ्याकडून उत्तर मिळाले नाही तर माझ्याशी भांडा. तुम्हाला सर्व हक्क स्वाधीन आहेत कारण तुम्ही माझी प्रिय लेकरे आहात. आज मी तुम्हाला एक गुपित सांगतो. पहाटेच्या वेळी तुमच्या बिछान्यातून उठा आणि अंतरात मला सुप्रभात म्हणा आणि मग तुमचा दिवस सुरु करा. रात्री मला शुभरात्री म्हणून झोपा. ह्याचा सराव केल्याने तुम्हाला स्वामींच्या खूप जवळ असल्यासारखे वाटेल. सर्व दिवस शुभ आहेत. प्रत्येक क्षण स्वामींनी आशीर्वादित केलेला आहे. मग तुम्ही म्हणाल की मी स्वामींना सुप्रभात, शुभरात्री का म्हणू? तुम्ही हे म्हणणे महत्वाचे नाही. आई जसे मुलाला ' अम्मा ' म्हणायला शिकवते, तसे तुम्ही मला प्रथम सुप्रभात व शुभरात्री म्हणा. हळूहळू तुम्ही माझ्याशी संवाद सुरु करा आणि मी तुमच्या सर्व प्रश्नांची उत्तरे देईन. तुमच्या सर्व समस्यांचे निराकरण करण्याची मी तुम्हाला ग्वाही देतो.
             तुम्ही तुमची कंपने (Frequencies ) प्रथम माझ्याशी जुळवा, माझ्याशी सुसंवाद साधा मी तुम्हाला संकेत पाठवीन आणि तुम्ही माझा आवाज स्पष्ट ऐकू शकाल. समुद्र पाण्याने भरलेला असतो परंतु प्रचंड आकाराचे जहाज त्यावर तरंगते. त्या जहाजाच्या आता जर पाणी शिरले तर मात्र ते बुडते. नाकारात्मकताही अशीच आहे. माझ्यावर श्रद्ध ठेवा आणि तुमची जीवनयात्रा सुरु करा. जर तुमच्या मनात तिळमात्र शंका असेल तर तुमची जीवननौका बुडेल. भगवानांच्या सदैव अनुसंधानात राहा.
             मी सदैव तुमच्या सोबत आहे. तुम्हाला माझे आशीर्वाद लाभले नाहीत असा कधीही विचार करू नका. मी अगोदरच तुम्हाला आशीर्वाद दिले आहेत म्हणून तर तुम्ही माझे भक्त आहात. तुमच्या आनंदासाठी मी सदैव तुम्हाला आशीर्वाद देतो.

- भगवान श्री सत्य साई बाबा

जय साईराम 

ॐ श्री साई वसंतसाईसाय नमः

पुष्प तेवीस 

वेद - दृश्य आणि अदृश्य

             एक दिवस आम्हाला दर्शनासाठी प्रथम क्रमांकाचे टोकन मिळाले पहिल्या ओळीत बसण्याचे टाळून मी दुसऱ्या ओळीत बसले. मला पहिल्या ओळीत बसून लोकांचे लक्ष वेधून घ्यायचे नव्हते. माझा लहानपानापासूनच असा स्वभाव होता. मी स्वतःला इतरांपासून लपवण्याचा प्रयत्न करते. हा ' मी ' आणि हा 'देह ' इतरांच्या दृष्ट्टीस पडू नये अशी माझी इच्छा असते.
              हा देह इतरांपासून लपवून ठेवण्याची गोष्ट आहे. पूर्व जन्मातील चुका व इच्छांची निष्पत्ती म्हणजे जन्म होय. आपण हे जाणले पाहिजे की भौतिक सुखाचा आनंद लुटण्यासाठी हा देह दिला नसून परमेश्वर प्राप्त करून घेण्यासाठी साधना करण्याच्या हेतूने दिलेला आहे. देह धारण करणे ही एक लज्जास्पद गोष्ट आहे. जर आपण शुद्ध असतो तर परमेश्वराशी आपला योग झाला असता आणि आपण जन्म घेतला नसता. जन्म हा आपल्या अशुद्धतेचे द्योतक आहे.
            आता आपण स्वामींचे उदाहरण पाहू. दर्शनाच्या वेळी जेव्हा स्वामी येतात तेव्हा त्यांच्या कफणीने त्यांचे संपूर्ण शरीर झाकलेले असते. आपणास केवळ त्यांचा चेहरा दोन तळहात व पावले दिसतात.
             ह्या युगाचा अवतार आपणास अशी शिकवण देतो की देह ही अशी गोष्ट आहे की ती लपवून ठेवावी. आपला जन्म ही आपल्यासाठी शरमेची बाबा आहे. आपल्या मुर्खपणामुळे आपण जन्म घेतो.
            जरी तुम्ही ह्या देहाला जडजवाहिरांनी सजवण्याचा प्रयत्न केलात तरी तो एक कचऱ्याचा डबा आहे. मानवी देह मूत्र, विष्ठा, लाळ, कफ आणि घाम ह्यासारख्या गोष्टींनी भरलेला आहे. मानवी मन हजारो जन्मांमध्ये संग्रहित केलेल्या काम, क्रोध, लोभ, मोह, मद, मत्सर, आसक्ती ह्या सारख्या दुर्गुणांनी लिप्त आहे.
           रुग्णास जेव्हा नैसर्गिक रितीने लघवी होत नाही तेव्हा तो कॅथेटर आणि पिशवीचा वापर करतो. त्याची पिशवी पाहून आपण अस्वस्थ होतो. तथापि ती बाहेर दिसणारी असून मूत्राशयासारखीच आहे. जी आपल्या दृष्टीआड असते. ते बाहेर दिसू लागताच किळसवाणे वाटते. ते आपल्या आतही नसते का ? अशा ह्या देह आणि मनाचे प्रदर्शन करण्यास आपल्याला शरम वाट्याला नको का ?
            पुट्टपर्तीमधील समाधी रस्त्यावर असलेले कचऱ्याचे ढीग उचलण्यासाठी ट्रक येतो. तेथे सर्वत्र दुर्गंधी पसरलेली असल्याने लोकं नाकाला रुमाल लावून वेगाने पुढे चालत जातात. जरी कचरापेटीला बाहेरून हारतुऱ्यांनी सजवले, रेशमी कापडचे आच्छादन घातले सुगंधी अत्तराचे फवारे मारले तरी ती कचरापेटीच राहणार.
             आपले शरीरही एक चालती फिरती कचरापेटीच आहे. आपण तिचे बाह्य रूप सजवून इकडे तिकडे फिरतो. ब्युटी पार्लरला भेट देऊन सौंदर्यवर्धन करतो. एखादी साडी घेण्यासाठी अनेक दुकानांमध्ये जातो. सराफाकडे जाऊन दागदागिने विकत घेतो. किती प्रकारांनी आपण स्वतःला सजवतो !
             वास्तविक, ही देहरूपी कचरा पेटी ह्या भूतलावर कधीही दिसू नये आणि जर देह भूतलावर आला तर तो योग्य कपड्यांनी पूर्ण आच्छादित करावा. ह्या देहाने भूतलावर पुन्हा जन्म घेऊ नये म्हणून आपण साधना केली पाहिजे. आतमधील मलिनता काढून टाकण्यासाठी साधना केली पाहिजे. जर अशा तऱ्हेने आपण साधना केली तर आपल्या देहामध्ये परमेश्वरास क्रियाशील बनवणे आपल्याला शक्य होईल. मानवी तत्व बदलून ईश्वरी तत्व कार्यरत होऊ शकेल. ह्या वसंता नामक मानवी देहात दिव्य तत्व  कसे कार्य करते हे स्तूप दर्शवतो.
           जर परमेश्वराला क्रियाशील बनवायचे असेल तर देह शुद्ध आणि पवित्र बनवणे आवश्यक आहे. ह्या अवस्थेमध्ये जर स्वामींच्या दर्शन, स्पर्शन, संभाषणाची अनुभूती घेतली तर आपण पूर्णत्वास पोहोचतो.

संदर्भ - श्री वसंतसाईंच्या ' साई डायजेस्ट ' ह्या पुस्तकातून.

जय साईराम    

ॐ श्री साई वसंतसाईसाय नमः 

सुविचार 

" आपण इथेच, याक्षणी मुक्ती  प्राप्त करू शक्तो."

सूत्र सातवे 

वेग

            जर ही एक वसंता परमेश्वर आहे तर समग्र वसंतमयम् प्रपंचही परमेश्वर आहे, ईश्वर आहे, प्रभू आहे. 
            इथे कोणीलाही इतरांसाठी स्वतःचे सत्य प्रस्थापित करण्याची गरज नाही. मी ईश्वर आहे, तुम्ही ईश्वर आहात, आपले प्रज्ञान ईश्वर आहे. सर्वजण समान आहेत. यालाच म्हणतात, ' अहं ब्रम्हास्मि ', 'तत् त्वम असि ', 'अयं आत्मब्रम्ह, प्रज्ञानं ब्रम्ह ' सर्वांना ही स्थिती प्राप्त होईल तेव्हाच माझ्या प्रेमाचा वेग स्वामींमध्ये विलीन होईल. 
             माझ्या नाडीमध्ये असे म्हटले आहे की,            परमेश्वरप्राप्तीसाठी एकमेव तत्व म्हणून मी प्रेममार्गाचा पुरस्कार करेन. प्रेममार्गाने परमेश्वर प्राप्ती होईल. हे प्रेमसूत्र आहे. ही वसंताची जन्मकुंडली सर्वांची जन्मकुंडली असेल. वसंताची नाडी सर्वांची नाडी असेल, माझी लग्नरास, जन्मरास, नक्षत्र जे असेल तेच सर्वांचे असेल, मी जशी आहे तसे वसंतमय विश्व असेल. एक वसंता जर परमेश्वर आहे तर सर्वजण परमेश्वर आहेत. स्वामी नेहमी म्हणतात," मी परमेश्वर आहे. तुम्हीही परमेश्वर आहात. सर्वजण परमेश्वर आहेत." तरी कोणालाही याचे आकलन होत नाही. आता माझ्या जीवनातून मी हे सर्वांना दाखवत आहे. मी परमेश्वर आहे, तुम्ही परमेश्वर आहात. वसंतमयम्द्वारे मी हे सिद्ध करत आहे की, मी परमेश्वर आहे, तुम्ही परमेश्वर आहात. हे सत्ययुग आहे. 

उर्वरित प्रकरण पुढील भागात ..... 

जय साईराम     

ॐ श्री साई वसंतसाईसाय नमः

सुविचार 

" आपले भाव रूप धारण करून आपले जीवन बनवतात."

सूत्र सातवे

वेग 

            ज्ञानोदय झाल्यानंतर व्यक्ती लिखाणाद्वारे त्या ज्ञानात इतरांना सहभागी करून घेते. माझ्या पुस्तकांमधील ज्ञान वसंता नावाच्या व्यक्तीमध्ये उदयाला आले नाही. हे ज्ञान व सत्य या एका वसंताला प्राप्त झाले नाही, तर वसंतमय विश्वामधून त्याची उत्पत्ती झाली आहे. संपूर्ण वसंतमय विश्व सत्य आणि ज्ञान यांनी भरून गेले आहे. 
            या वसंताचा जन्म धनुश (धनु )लग्नावर झाला. धनु रास ही उच्चीची रास आहे. धनुष्यातून सुटलेल्या बाणाप्रमाणे तिचे जीवन एकाग्रतेने स्वामींच्या दिशेने जात आहे. सत्ययुगात भूतलावर जन्म घेणाऱ्या सर्वांचे धनु लग्न असेल. सर्वजण परमेश्वराच्या दिशेने जातील. माझी जन्मरा स तूळ आहे. सर्वजण माझ्यासारखेच असतील. ते जीवनात सदाचरण आणि न्याय यांची कास धरतील. हे हेच दर्शविते. या एका वसंताने मिळवलेले सत्य आणि ज्ञान संपूर्ण वसंतमय विश्वामध्ये भरून राहील. अखिल वसंतमय विश्वाची नाडी या एका वसंताच्या नाडीसारखी असेल. प्रत्येक जण ईश्वरमय जीवन जगेल. 

उर्वरित प्रकरण पुढील भागात .....

जय साईराम   

ॐ श्री साई वसंतसाईसाय नमः

सुविचार

          " जेव्हा भक्त केवळ परमेश्वरासाठी जीवन व्यतीत करतो तेव्हा परमेश्वर स्वतः त्या भक्ताचा शोध घेत येतो. "

सूत्र सातवे

वेग

           माझ्या अडचणी अजूनही संपलेल्या नाहीत. का बरं ? स्वामी माझ्याशी का बोलले नाहीत ? मला इथे राहण्यासाठी का बरं स्थान नाही ? त्यांनी मला का बोलावलं नाही ? अशी कुरकुर करू नका. मला तुमची काळजीच नाही किंवा मी तुम्हाला ओळखत नाही असे समजू नका. मी कदाचित तुमच्याशी बोलत नसेन परंतु याचा अर्थ असा नाही की, मला तुमच्याविषयी प्रेम नाही. 
             पुस्तकाचे मधलेच एखादे पान उघडल्यावर हाती आलेला चपखल पुरावा पाहून मी चकित झाले. मी त्वरित स्वामींना धन्यवाद दिले आणि पुन्हा लिहिण्यास सुरुवात केली. माझ्या मनात नेहमी हे तीन प्रश्न येतात -
१) तुम्ही मला कधी बोलावणार ?
२) तुम्ही माझ्याशी कधी संभाषण करणार ?
३) तुम्ही मला प्रशांतीमध्ये कधी जागा देणार ?
             स्वामींनी १० ऑक्टोबर १९६४ या दिवशी दिलेला संदेश सत्य साई स्पीक्स मध्ये समाविष्ट करण्यात आला. त्यावेळी मला स्वामींविषयी काहीही माहित नव्हते आणि त्या संदेशामध्ये माझ्या प्रश्नांची योग्य उत्तरे मला मिळाली. 

*  *  *

उर्वरित प्रकरण पुढील भागात ..... 

जय साईराम  

ॐ श्री साई वसंतसाईसाय नमः 

सुविचार 

         " आपण प्रत्येक गोष्ट परमेश्वराला अर्पण करून सर्व इच्छावासनांपासून रिक्त झाले पाहिजे आणि नंतर स्वतःला पूर्णपणे समर्पित केले पाहिजे."

सूत्र सातवे 

वेग

               महाविष्णूंच्या चरणांमधून गंगेचा उगम झाला आहे. संपूर्ण विश्वाला तिच्यासारखे शुद्ध बनवून ती पुन्हा महाविष्णूंच्या चरणांमध्ये विलीन होते. या दरम्यानच्या काळात तिला किती त्रास सहन करावा लागतो ? तिचे पावित्र्य सिद्ध करण्यासाठी तिने किती पुरावे द्यायला हवेत ? तिच्या वेगळा बांध घालण्यासाठी तिच्या मार्गात किती अडथळे येतात ? ध्यानामध्ये मी स्वामींनी विचारले, " यापूर्वी तुम्ही मला 'आता सात दिवस ' याविषयी सांगितले. ते काही घडले नाही. कोडाईकॅनलबद्दल सांगितले तेही घडले नाही. तुम्ही मला खरंच बोलावणार आहात का ? माझ्याशी बोलणार आहेत का ? मला तुमच्या चरणांना स्पर्श करता येईल का ? " स्वामी उत्तरले," मी तुला निश्चित बोलावणार आहे. " 
              स्वामींच्या फोटोसमोर बसून मी अश्रू ढाळत असता माझ्या मनात हे विचार घोळत होते." जर हे खरे असेल तर तुम्ही मला पुरावा द्या." मी सत्य साई स्पीक्स (खंड ४ था ) काढले आणि वाचले -
              " परमेश्वराच्या प्रेमाबद्दल कधीही किंतु अथवा शंकेला थारा देऊ नका. त्याच्या प्रेमाची परीक्षा करण्यासाठी प्रश्नही विचारू नका. 

उर्वरित प्रकरण पुढील भागात .....

जय साईराम  

ॐ श्री साई वसंतसाईसाय नमः 

सुविचार 

         " हे विश्व म्हणजे माया आहे त्यामध्ये न अडकता केवळ परमेश्वराच्या विचारात राहा व त्याच्यासाठी जीवन व्यतीत करा."

सूत्र सातवे 

वेग 

             उपनिषदे लिहिणाऱ्या या आत्मसाक्षात्कारी महात्म्यांना परमेश्वराने प्रमाणपत्रे बहाल केली नव्हती. स्वामी मला म्हणाले," तुझे सत्य आणि ज्ञान यावर विश्वास न ठेवणाऱ्या अज्ञानी लोकांविषयी तू का चिंता करतेस ? प्रयत्न करूनही गंगेचा ओघ कोणी थांबवू शकणार नाही ! जरी कोणी एखाद्या ठिकाणी थांबवायचा प्रयत्न केला तर तो दुसऱ्या बाजूने वाहू लागतो. समुद्राला जाऊन मिळवण्यासाठी तो अनेक मार्ग शोधून काढतो. शुद्धतेमुळे गंगेच्या प्रवाहाला प्रचंड वेग आहे. पावित्र्य तिची शक्ती आहे, प्रेम जीवप्रवाह आहे. 
              सर्व संघर्षांना तोंड देऊन अखेरीस तिचा प्रवाह मोठ्या वेगाने सागराच्या दिशेने धावतो. महासागर तिचे स्वागत करण्यासाठी पुढे येतो, किनाऱ्याची मर्यादा उल्लंघून आपल्या  लहरीरुपी करांनी गंगेला आलिंगन देतो. आता गंगा सागराच्या तळाशी आहे. 
              त्याचप्रमाणे या प्रेमगंगेचा वेगही कोणी थांबवू शकणार नाही. तिचा साईमहासागराशी संयोग झालाच पाहिजे. ' भगवंताचे अखेरचे सात दिवस ' या पुस्तकामध्ये स्वामींनी हे उदाहरणाद्वारे दर्शवले आहे. जेव्हा आमचे विमान पुट्टपर्तीला येते तेव्हा मला घेऊन जाण्यासाठी स्वामी विमानतळावर माझी वाट पाहतात. 
             साईमहासागरामध्ये वसंतगंगेचे विलयन होण्यासाठी साईमहासागर स्वतःच पुढे येतो. 

उर्वरित प्रकरण पुढील भागात ..... 

जय साईराम  

ॐ श्री साई वसंतसाईसाय नमः 

सुविचार 

" चेहरा मनाचा आरसा आहे म्हणून सदैव आनंदी रहा."

सूत्र सातवे 

वेग 

           कृष्णानेही सांगितले," मी व्यास आहे." उच्च ज्ञान प्राप्त करणे एवढे सुलभ आहे का ? त्यासाठी महान तपोबलाची आवश्यकता आहे. ही साधारण तपश्चर्या नसून घोर तपश्चर्या आहे. ज्यामुळे ईशस्तिथी प्राप्त होते. 
           ब्रह्मसूत्रामध्ये ईशस्थितीचे वर्णन केले आहे. महाभारतामध्ये जीवन जगण्याची कला दर्शवली आहे. खरं तर जीवन कसे जगावे व कसे जाऊ नये याचे मार्गदर्शन महाभारत करते. ह्या महाकाव्यात अनेक उपदेश आहेत. 
            भगवद्गीता माणसाच्या मनाचे वर्णन करते. मनावर विजय मिळवून मानव माधव कसा होऊ शकतो हेही सांगते. प्रत्येक व्यक्तीच्या मनामध्ये चालणारा अंतर्गत संघर्ष गीता उघड करून दाखवते. हा सत्य -असत्य आणि धर्म -अधर्म यातील संघर्ष आहे. व्यासांनी उदाहरणे देऊन आदर्श जीवन कसे जगावे हे दर्शवल्यामुळे आपण त्यांना भगवान म्हणतो. 

उर्वरित प्रकरण पुढील भागात ..... 

जय साईराम  

ॐ श्री साई वसंतसाईसाय नमः 

सुविचार 

" सर्वांवर प्रेम करा ..... हा तुमचा मंत्र बनवा."

सूत्र सातवे 

वेग 

           स्वामींनी सांगितल्यानुसार अनेक महात्म्यांनी ध्यानामधून उच्च ज्ञान प्राप्त केले आहे. उपनिषदे, पुराणे आणि महाकाव्ये याच पद्धतीने लिहिली गेली आहेत. जगाने त्याचा आहे तसा स्वीकार करून लाभ मिळवला. त्या महात्म्यांच्या मनात कोणताही किंतु नव्हता. ते असं म्हणाले नाहीत," जर परमेश्वराने स्वतः येऊन सांगितले तरच मी विश्वास ठेवेन." महर्षी व्यासांनी मानवजातीवर केवढे उपकार केले आहेत. त्यांनी ब्रह्मसूत्र व महाभारत यांसारखे ग्रंथ लिहिले. म्हणून श्रीकृष्णाने गीतेत म्हटले आहे, " मुनींमध्ये मी व्यास आहे." मानवजातीला त्यांनी एवढे प्रचंड ज्ञान दिले आहे की, त्यांना ' व्यास भगवान ' म्हणून संबोधतात. हे सर्व लेखन त्यांनी परमेश्वराशी ऐक्य साधल्यानंतरच्या अवस्थेमध्येच केले आहे म्हणून  त्यांना व्यास भगवान म्हटले जाते. 

उर्वरित प्रकरण पुढील भागात ..... 

जय साईराम 

ॐ श्री साई वसंतसाईसाय नमः

 

सुविचार 

    "  कोणालाही दुखवू नका कारण परमेश्वर प्रत्येकामध्ये विद्यमान आहे."

सूत्र सातवे 

वेग 

             माझे आणि स्वामींचे नाते काय आहे ? आम्ही येथे का आलो आहोत ? हे मी अनेक पुस्तकांमधून स्पष्ट केले आहे. आम्ही येथे प्रेमसंस्थापना करण्यासाठी आलो असल्यामुळे केवळ प्रेम हाच  माझ्या पुस्तकांचा  आशय आहे. लोक आमच्या  प्रेमाकडे भौतिक दृष्टिकोनातून पाहतात आणि द्वेषापोटी अफवा पसरवतात. राधा - कृष्णाच्या विशुद्ध प्रेमकडेही ते कामदृष्टीने पाहतात. 

उर्वरित प्रकरण पुढील भागात  ...... 

जय साईराम 

ॐ श्री साई वसंतसाईसाय नमः

सुविचार

       " परमेश्वराची शिकवण आचरणात आणली नाही तर त्याच्या दर्शनाचा काय उपयोग ?"

सूत्र सातवे

वेग

वसंता -  स्वामी, माझे प्रिय प्रभू,
स्वामी - मी सुद्धा तुझे प्रेम, तुझे अश्रू, तुझी तळमळ आणि तुझी निकटता अनुभवण्यासाठी व्याकुळ झालो आहे. मी इथे कशासाठी आलो आहे ? केवळ तुझे प्रेम अनुभवण्यासाठी. मला तुझे प्रेम अनुभवायचे आहे आणि जगासमोर आपले प्रेम प्रकट करायचे आहे. मी तुझ्या सान्निध्यासाठी आणि स्पर्शासाठी तळमळतो आहे.
अनेक महात्म्यांना ध्यानामधून उच्च ज्ञान प्राप्त झाले. त्यांनी ते जगाला ज्ञात करून दिले. परमेश्वर स्वतः येऊन कधीही सांगत नाही, " तू जे लिहित आहेस ते बरोबर आहे."
व्यासांनी संकलन करून १८ पुराणे व ४ वेद यांमध्ये धर्मग्रंथ विभागित केले. त्यानंतर त्यांनी ब्रम्हसूत्र लिहिले. लोकांनी त्यांच्या लिखाणाचा स्वीकार केला, त्यामुळे त्यांना लाभ झाला. म्हणून श्रीकृष्णाने गीतेमध्ये म्हटले आहे," मुनींमध्ये मी व्यास आहे."  याच कारणासाठी त्यांना भगवान व्यास असे संबोधले जाते.
मूढ माणसे तुझ्या शब्दांवर विश्वास ठेवत नाहीत याची तू काळजी कशाला करतेस ? ते त्यांची मने संकुचित करून परमेश्वरावर मर्यादा आणत आहेत. तू केवळ सत्य लिहित आहेस. तुझ्या प्रेमाचा वेग कोणीही थांबवू शकणार नाही. गंगा अत्यंत वेगाने समुद्राकडे वाहत असते. परंतु अज्ञानी तिचा प्रवाह थांबवण्याचा प्रयत्न  करतात. गंगेला समुद्राशी मिळवण्यापासून परावृत्त करण्याचा प्रयत्न करतात. गंगा दिशा बदलवून वाहत राहाते. त्यांनी कितीही मार्गांनी गंगेला रोखण्याचा प्रयत्न केला तरी ती समुद्राला भेटण्यासाठी नवनूतन मार्ग शोधून काढते. आता महासागर स्वतः गंगेला सामावून घेण्यासाठी पुढे येतो. याप्रमाणेच तुझ्या प्रेमाचा वेग कोणीही थांबवू शकत नाही. हे प्रेम सर्वांना दाखवून देण्यासाठी आपण येथे आलो आहोत. तू नक्की येशील. मी तुला बोलावेन.
वसंता - स्वामी, तुम्ही फक्त एकदाच मला बोलवा. मला तेवढे पुरेसे आहे. जर तुम्ही गप्प राहिलात तर त्यांना वाटेल की ते जे करत आहेत ते बरोबर आहे.
स्वामी - रडू नकोस. मी तुला बोलावेन. तुला कोणीही रोखू शकत नाही. तू सर्वशक्तिमान आहेस. तू सर्व काही करशील.
ध्यान समाप्ती

उर्वरित प्रकरण पुढील भागात .....

जय साईराम  

ॐ श्री साई वसंतसाईसाय नमः

पुष्प बावीस 

            एक भक्त मला ' The Messenger ' ह्या  पुस्तकातील मजकूर वाचून दाखवत होते. ते ऐकून माझ्या मनात पुढील विचार आले.
            लेखक असे म्हणतो की जर एखाद्या व्यक्तिस एखादे कार्य करण्याची इच्छा असेल तर तिने अतिमानवी शक्तीशी संपर्क साधला पाहिजे. तो पुढे म्हणतो की जेव्हा एखादे कार्य पूर्णत्वास नेण्यात व्यक्तिगत शक्तीस अपयश आले तर समविचारी व समस्वभावी असणारी चार लोकं ते कार्य पूर्णत्वास नेण्यात यशस्वी होतात. जगामध्ये अतीमानवी शक्ती विद्यमान आहे. असे तो प्रतिपादन करतो आणि त्या शक्तीशी संपर्क साधून कोणतेही कार्य पूर्णत्वास जाऊ शकते.
           लेखकाने ह्याचे एक उदाहरण दिले आहे. एका लोकसमूहाने, आपण आपल्या विचारांनी टेबल हलवू शकतो असा दृढ संकल्प करून, त्यांची मने त्यावर केंद्रित केली. आपली शक्ती ह्या टेबलला हलवू शकते असे विचार पाठवले. त्यांचा त्यांच्या विचारांवर पूर्ण विश्वास होता. थोड्या वेळाने ते टेबल खरोखरच हलले. लेखकाने असे म्हटले आहे की जेव्हा विचार, दृढ संकल्पाने, विशिष्ठ उद्देशाने एकाग्र केले जातात तेव्हा अतिमानवी शक्ती स्वतःला प्रकट करते. वरील उदाहरणात त्या समूहाच्या शक्तीने टेबल हलले नसून ती त्यांच्या स्वतःच्या विचारांची परिणती होती. ह्यावरून हे सिद्ध होते की मनुष्यामध्ये जन्मजात असणारी शक्ती टेबलासारख्या अचल वस्तूलाही हलवू शकते.
            हे माझ्या जीवनाचे मर्म आहे. मी त्या सर्वव्यापी, सर्वशक्तिमान व सर्वज्ञ असलेल्या श्री सत्य साई बाबांचे नामरूप धारण केलेल्या पुर्णमशी स्वतःला जोडून घेतले आहे. मी माझ्या व्यक्तिगत शक्तीला वैश्विक शक्तीशी जोडल्यामुळे ती तिचे ज्ञान माझ्यापाशी प्रकट करते. मी सर्वत्र माझे स्वामी व्यापून राहिल्याचे पाहते. फलस्वरूप मला विश्वात्म्याचे दर्शन होते. ह्यामधून मला विश्वात्म ज्ञान ग्रहण करण्यासाठी वैश्विक शक्ती प्राप्त होते.
           माझा स्वामींप्रती असणारा एकाग्र भाव आणि निर्धार ह्याद्वारे मी जगामध्ये उलथापालथ घडवू शकते. जर विचार टेबल हलवू शकतात तर ते जगामध्ये परिवर्तन घडवू शकणार नाहीत ? मला परमेश्वराची  अनुभूती घ्यायची आहे. व परमेश्वरानेही माझी अनुभूती घ्यावी ह्या माझ्या दृढ संकल्पाची परिणीती म्हणजे सत्ययुगाची व प्रेम साई अवताराचे आगमन !
           तुम्हा प्रत्येकामध्ये ह्या शक्ती आहेत. परंतु तुम्ही  त्याचा वापर करत नाही. मी ह्या शक्तिंचा वापर सर्वांच्या कल्याणासाठी करते. ह्या परमेश्वराच्या सर्वज्ञ शक्तीचा वापर आपण आपल्या इच्छेनुसार लेखन आणि कृती करण्यासाठी करु शकतो. ही सर्वज्ञ शक्ती मी कशी खेचून घेऊ शकते ? मी सर्वांवर प्रेम करते. वैश्विक मुक्ती प्राप्त करण्यासाठी मी साधना केली. परमेश्वराने माझी विनंती मान्य केली व कृपावर्षाव केला. परिणामतः त्या आदिपुरुषाने स्वतःला माझ्यापुढे प्रकट केले. आपण सर्व त्या आदियाचेच अंश आहोत. एकदा का आपण आपल्या शक्ती त्याच्याशी जोडल्या की सर्व सत्य बनून जाते म्हणून स्वामी म्हणतात," सर्वांवर प्रेम करा."

संदर्भ - श्री वसंतसाईंच्या 'Beyond The Vedas ' ह्या पुस्तकातून.

जय साईराम 

ॐ श्री साई वसंतसाईसाय नमः

जन्मदिन संदेश

           आपण परमेश्वराप्रती जेवढी श्रद्धा आणि भक्ती दर्शवू तेवढीच ती त्याच्याकडून आपल्याला परत मिळते. अशा प्रकारे परमेश्वराकडून तुम्हाला दिव्य ऊर्जा प्राप्त होते. परमेश्वराची भक्ती करा मग ती कोणत्याही स्वरूपात असो ! इष्टदेवतेच्या रूपात स्वामी आपल्या समोर आहेत. तुमचे मन त्यांच्यावर पुर्णपणे केंद्रित करा. तुम्ही त्यांच्यावर प्रेम केलेत तर प्रतिबिंब, प्रतिक्रिया व प्रतिध्वनीच्या रूपात ते तुमच्याकडे परत येते. तुम्हाला दिव्य ऊर्जा प्राप्त होते.
             मी समस्त विश्वामध्ये परमेश्वराचे रूप पाहते. मी सर्व मानवजात, पशुपक्षी आणि अखिल विश्व ह्या सर्वांना प्रेम देते. मी प्रत्येक गोष्टीत दिव्यत्व पाहते. मला दिसणाऱ्या प्रत्येक वस्तूचा भौतिक अर्थ बाजूला सारून ती वस्तू मी परमेश्वराशी जोडते. अशा तऱ्हेने ती वस्तू परमेश्वराशी जोडल्यानंतर, त्यातील दिव्य ऊर्जा माझ्याकडे प्रवाहित होते आणि मी पुर्णम् बनते.
             जेव्हा तुम्ही परमेश्वराच्या एकाच नाम व रूपाची भक्ती करता तेव्हा तुम्हाला मिळणारा लाभ मर्यादित असतो. परंतु जेव्हा तुम्ही प्रत्येक गोष्टीस व प्रत्येकास परमेश्वराशी जोडता तेव्हा त्यातून प्राप्त होणारी दिव्य ऊर्जा अनंत असते, अमर्याद असते. तिच्यामध्ये विश्वाची उलथापालथ करण्याची क्षमता असते. कलियुगाची सत्ययुग बनवण्याचे सामर्थ्य असते. ही प्राणिक शक्ती तुमच्याकडे कशी येते ? जेव्हा तुम्ही सर्वांमधील चांगले पाहता तेव्हा त्यांच्यातील सर्व चांगले गुण तुमच्याकडे येतात. जेव्हा तुम्ही काही चांगले पाहिले आणि ते परमेश्वराशी जोडले तर तुम्हाला दिव्य ऊर्जा प्राप्त होते. परंतु जेव्हा तुम्ही केवळ वाईट पाहता इतरांमधील नकारात्मक गुण पाहता तेव्हा तुमच्या ऊर्जेचा अपव्यय होतो, ऱ्हास होतो.
            प्रत्येकजण नारायण आहे. बालपणापासून मी पुढील प्रार्थना करत होते." हे प्रभु, तू मला सर्व पुरुष, स्त्रिया व मुलांमध्ये नारायणाचे रूप पाहण्याची दृष्टी प्रदान कर." मी विनोबाजी कडून ही प्रार्थना शिकले. ही गोष्ट आचरणात कशी आणायची ?
             प्रत्येकजण नारायण आहे तथापि उच्चस्तरावर पोहोचेपर्यंत आपण विवेकाचा वापर केला पाहिजे. कोणत्याही गोष्टीचे अंधळेपणाने अनुसरण करू नका. 
             साधनेच्या मार्गावर वाटचाल करताना, प्रथम आपण विवेकाचा वापर केला पाहिजे. उच्च स्तरावर पोहोचल्यानंतर प्रत्येक गोष्ट ही परमेश्वराचे प्रकटीकरण असल्याचे आपल्या लक्षात येते. सर्वत्र केवळ परमेश्वर दिसतो.
             प्रत्येक गोष्ट परमेश्वर आहे. ज्याला ही सत्याची दृष्टी लाभते तो पूर्णत्वास प्राप्त होतो.

श्री वसंतसाई

जय साईराम

ॐ श्री साई वसंतसाईसाय नमः 

सुविचार

"विश्व हा एक आरसा आहे ज्यामध्ये तुम्ही स्वतःला पाहता."

सूत्र सहावे 

पुर्णम् 

             जगात सत्य ज्ञात करून देण्यासाठी स्वामी आणि मी आलो आहोत. या सर्वश्रेष्ठ ज्ञानाने पुस्तकरूप धारण केले आहे आणि त्या सर्वश्रेष्ठ प्रेमाने नवनिर्मितीचे रूप धारण केले आहे. याचसाठी आम्ही भूतलावर आलो आहोत. 
             स्वामी त्यांचे प्रेम सदेह पूर्णत्वाने व्यक्त करतील. स्वामींचे पुर्णम म्हणजे काय ? जेव्हा स्वामींच्या प्रेमाचा माझ्या प्रेमाशी योग्य होईल तेव्हाच त्यांचे प्रेम पुर्णम् होईल. 

उर्वरित प्रकरण पुढील भागात..... 

जय साईराम   

ॐ श्री साई वसंतसाईसाय नमः

सुविचार 

        " आपण का जन्मलो ? मी कोण आहे ? यावर पुन्हा पुन्हा विचार करा."

सूत्र सहावे 

पुर्णम् 

              आतापर्यंत होऊन गेलेल्या युगांमध्ये धर्मसंस्थापना करण्यासाठी अवतारांनी जन्म घेतला. प्रेमभाव व्यक्त करण्याची तेव्हा गरज नव्हती. आता मात्र आम्ही प्रेमसंस्थापना करण्यासाठी आलो आहोत त्यामुळे स्वामींना त्यांचे प्रेम पूर्णपणे व्यक्त करावेच लागेल. माझी पुस्तके इतरांहून वेगळी असण्याचे हेच कारण आहे. ही  पुस्तके केवळ प्रेमविषयक आहेत. या प्रेमाने आगामी अवतारांची गुपिते, त्यांचे जीवन, वेदांच्या पलीकडे, उपनिषदांच्या पलीकडे, ब्रम्हसूत्र, शिवसूत्र, प्रेमसूत्र इ. अनेक सत्यं ज्ञात केली आहेत. 
            सर्वजण लेखन करू शकतात. अनेक महात्म्यांनी मिळवलेले ज्ञान आणि तपोबल या आधारे ब्रम्हसूत्र व शिवसूत्र लिहिले आहे. मी ते प्रत्यक्ष अनुभवातून लिहिले आहे. मला ब्रम्हाचा प्रत्यक्ष अनुभव मिळाल्यामुळे ब्रम्ह स्वतःच ते सर्व उघड करत आहे. ज्या व्यक्तीने ब्रम्हावस्था प्राप्त केली आहे केवळ तीच त्याविषयी सांगू शकते. तथापि एकदा ही ब्रम्हावस्था प्राप्त झाली की ती व्यक्ती लिहू शकत नाही ! जर ती लिहीत असेल तर तिने ब्रम्हावस्था प्राप्त केलेली नाही. माझ्या बाबतीत द्वैत शिल्लक आहे. एक अनुभवांमधून जाणून घेऊन लिहिते आहे तर दुसरे जे स्वतः ब्रम्ह आहे, ते सांगते आहे. 

उर्वरित प्रकरण पुढील भागात .....

जय साईराम  

ॐ श्री साई वसंतसाईसाय नमः 

सुविचार 

" प्रत्येक गोष्टीत चांगले पाहा तोच परमेश्वर होय."

    सूत्र सहावे    

पुर्णम् 

११ जुलै २००८ ध्यान 
वसंता - स्वामी, तुमचे पुर्णम् म्हणजे काय ?
स्वामी - तू नेहमी मला म्हणतेस," मला तुमचे पुर्णम् हवे ", हा तुझा प्रेमभाव आहे. परमेश्वर केवळ साक्षी असतो. परमेश्वराकडून जे काही मिळते ते प्रत्येकाची भक्ती, प्रयत्न आणि श्रद्धा यांनुसार असते. एक उदाहरण देतो, अनेक जण तिरुपतीला तीर्थयात्रेला जातात. त्यांची श्रद्धा, भक्ती आणि प्रयत्न यानुसार त्यांच्या प्रार्थनांना फळ मिळते. ते तिथे पैसे किंवा वस्तू अर्पण करतात. 
इथे मी अनेकांना साखळ्या आणि अंगठ्या साक्षात करून देतो. मी स्वतः त्यांच्या बोटांत अंगठ्या घालतो किंवा गळ्यात साखळ्या घालतो. त्यांना दर्शन, स्पर्शन, संभाषण यांचा लाभ देतो. मी हे सर्व साक्षी अवस्थेतून करतो. सारे काही त्यांची भक्ती व पुण्य यानुसार दिले जाते. प्रत्येकाला जे काही मिळते ते त्याच्या पात्रतेनुसार मिळते. मंदिरांमध्ये केवळ मूर्ती असतात. परंतु इथे मी सदेह असल्यामुळे अधिक आनंद मिळतो. परमेश्वर साक्षी असून अविचल राहतो. 
पंढरपूरला जेव्हा तू पांडुरंगाला चरणस्पर्श केलास तेव्हा ' हा पांडुरंग माझा आहे, मी आता इथेच राहणार,' अशी भावना तुझ्या मनामध्ये उमटली. तुझा तुझ्या अश्रूंवरचा ताबा सुटला. अनेकांनी पांडुरंगाच्या मूर्तीला स्पर्श केला तथापि तुला एकटीलाच हा अनुभव कसा आला ? याचे कारण मी स्वतः रखुमाईच्या मूर्तीच्या गळ्यात मंगळसूत्र बांधले. तू रखुमाई आहेस. पांडुरंगाला स्पर्श करताक्षणी तुला ती अनुभूती झाली. फक्त रखुमाईच्या याची अनुभूती घेऊ शकते. त्याचप्रमाणे हजारो भक्तांनी पादनमस्कार घेतला आहे. हजारोंना मी ' स्पर्शन ' दिले आहे. तरीही मी साक्षी अवस्थेत राहिलो आहे. मी अशा अवस्थेत आहे की, जिथे मला कोणीही स्पर्श करू शकत नाही, परंतु तू जेव्हा माझ्या चरणांना स्पर्श करशील तेव्हा तुझ्या मनात उमटलेले भाव माझ्यात उमटतील आणि तुलाही त्याची जाणीव होईल. असे भाव केवळ ईशशक्तीच्या मनात येऊ शकतात. 
पूर्वीच्या अवतारात हे असे नव्हते. त्यावेळी ते केवळ धर्मसंस्थापना करण्यासाठी आले होते. त्यांचे प्रेमभाव व्यक्त करण्याची त्यावेळी आवश्यकता नव्हती. या युगात मात्र परमेश्वराला त्याचे प्रेम व्यक्त करणे आवश्यक आहे. या पूर्ण प्रेमाची तू अनुभूती घेशील. हेच पुर्णम् आहे. 
वसंता - स्वामी आता मला समजले. आता मी लिहीन. 
ध्यान समाप्ती 

उर्वरित प्रकरण पुढील भागात ..... 

जय साईराम   

ॐ श्री साई वसंतसाईसाय नमः

सुविचार 

     " कुटुंबाशी असणारे बंध पुन्हा जन्म घेण्यास कारणीभूत होतात. परमेश्वराशी असणारे बंध मोक्ष प्रदान करतात."

सूत्र पाचवे 

कृतज्ञता

              स्वामी म्हणतात," सर्व काही तुझ्यामध्येच आहे, परंतु तुला वाटते की, तू सर्वांकडून धडे घेतलेस आणि तुला ते ऋण फेडायचे आहे. " मला ' मी ' नसल्यामुळे माझ्यामध्ये काय आहे हे मला माहित नाही. मला या जगाची भीती वाटते. जगातील कोणामध्येही सत्य, सचोटी व साधेपणा नाही. या जगात कसे जगावे हे मला माहित नाही. मला सर्वांचीच भीती वाटते. मी भीतभीतच सर्वांकडून धडे घेतले. यासाठी मी स्वतःस  सर्वांना द्यायला हवे. सत्यसाईंनी सुगंधित रिक्त ' वसंत ' घट सर्वांमध्ये शिरकाव करतो आहे. 

उर्वरित प्रकरण पुढील भागात ..... 

जय साईराम   

ॐ श्री साई वसंतसाईसाय नमः 

सुविचार 

      " परमेश्वराला तुमच्यामध्ये प्रस्थापित करा. तुम्ही परमेश्वरामध्ये प्रस्थापित व्हा."

सूत्र पाचवे

कृतज्ञता

             पुण्यामध्ये मी मुक्ती सीकर्स सेंटरसाठी एक कविता व दिनेशसाठी एक कविता करून दिली. मुंबईमध्ये मी चौघांना कविता दिल्या. जे माझ्या आणि स्वामींच्या मध्ये दूत बनून काम करतात, माझी पत्रे, पुस्तके व इतर काही गोष्टी स्वामींना देतात, त्यांच्यासाठी सुद्धा मी कविता केल्या. कवितेतील भाव किती काळ त्यांच्या लक्षात राहणार ? किती जण त्या आपल्या संग्रही ठेवतील ? थोडे दिवस त्यांना आनंद वाटेल, मग विसरून जतील. शाश्वत काय आहे ? मी स्वतःलाच सर्वांना देणे. 
              या जगात मी सर्वांकडून काही ना काही शिकले. माझे हे अनुभव मी अनेक पुस्तकांमधून लिहिले आहेत. मी अळीपासून ते ब्रम्हापर्यंत सर्वांकडून धडे घेतले आहेत, म्हणून मला परतफेड करायची आहे. यासाठीच मी वैश्विक मुक्तीचा वर मागून घेतला आहे. ही माझी गुरुदक्षिणा आहे, माझी कृतज्ञता आहे. 

उर्वरित प्रकरण पुढील भागात ..... 

जय साईराम